ارجوووكم ياحريم ((متزوجات ومطلقاااااات)) وش تنصحوني ابي رايكم تكفوووون

مساكم الله بالخير
احكي لكم مشكلتي وبإختصار لما كان عمري 20 سنه كنت مراهقه وتدرون عن بعض طالبات الكليه
الله يهديهم جروني لطريق الغزل وتعرفت على شاب بعد كم شهر كشفوني اهلي وانا طالعه معه وذبحوني ضرب واهانات طبعاً استاهل ماصار لي بعدها بسنه زوجوني بولد خالتي مطلق وعنده عيال مع امهم معروف عنه انه يشرب الخمر قصدهم اهلي يجازوني بغلطتي جلست سنه معه بعدها انسجن في قضية مخدرات خمس سنوات رجعت عند اهلي ومعي بنت وعشت القهر والظلم رفضوا يتركوني اكمل دراستي طبعا اخواني او اشتغل لاجل اصرف على بنتي وتحملت كلام الناس بعد ماطلع من السجن رحت معه بعد مااعطى اخواني باقي مهري ورحت عند اهله ولان نفسية زوجي تعبت لانه طرد من عمله وظل بدون شغل ومحتار كيف يدبر لنا فلوس لاجل نصرف على انفسنا بعدها استلم حقوقه وبنى لي بيت وارتحت فيه بس ظل شراب الخمر معاي حاولت انصحه ماقدرت وانا طبعا احاول اعرف وش هو عليه زوجي يحاول يتهرب مني بس انا ماقدرت اعيش معه بسبة ذا الشي رغم انه مايإذيني إلا لو خاصمته وضايقته يرجع علي ويضربني قدام بنتي اعترف ماني حكيمه لما اغضب ابكي واصرخ تعبت من حياة اهلي اللي ماغفروا لي زلتي ونظرتهم لي اني حقيره ولا بيتي اللي ارتحت فيه بس زوجي الله يهديه يشرب الخمر كل اسبوع مره او كل اسبوعين ويقول لي إدعي لي بالهدايه طبعا زوجي مريض نفسي وسبق قال له دكتور نفساني ان عنده اكتئاب ولازم من دواء بس زوجي الله يهديه رفض علاجهم بحجة انه ماهو مجنون ولاهو مقتنع بدواهم صار ياخذ حبوب المنشطه المهم جبت الولد ويالله كم فرحت فيه وحسيت بامان المهم طبعا زوجي ماهو مقصر في بيته وعياله بس مايطلعني ولا يمشيني بحجة شغله وانه لازم يشتغل يوميا لاجل مصروفنا كونه بلا وظيفه
ماتحملت حياتي معه واخاف من الله يحاسبني كوني عارفه انه يشرب الخمر وساكته وصابره خايفه على عيالي في المستقبل رحت عند اهلي وقلت لهم طبعا اهلي يكرهونه ولا يحبونه زوجوني ينتقمون مني بسبة غلطتي وقلت لزوجي تزوج مستحيل ارجع لك طبعا من قهره واني كم مررره افشله بين الناس ولا استره تزوج وانا الآن احس بالندم اني تركت بيتي امي الله يهديها بين فتره وفتره تجرحني بالكلام وتبغاني اسكن مع مراة ابوي الله يرحمه لاجل شقتها تتركها لواحد من اخواني لما يتزوج وماهي راضيه اجلس معها انا وعيالي ولما قلت لها بيت ابوي وماراح اطلع منه والغرفه الصغيره هذي لي انا وعيالي جرحتني بالكلام وقالت ياترضي بالي نقوله ولا بيرمونك اخوانك لزوجك انقهرت واخواني رفضوا اني اشتغل لاجل اصرف على بنتي وولدي وزوجي رفض يطلق لاجل اصرف عليهم بضمان وش الحل ارجوكم اخواتي موظفات وراواتبهم حلو فوق العشرة الاف يعطوني كل وحده200 صارت 600 ريال فإيش تجي في حليب وبامبرز لولدي وبس انا عايشه ذليله وتمنيت ماطلعت من بيتي لكن بعد ماتزوج زوجي وكلام الناس اللي مابترحم لو رجعت له بيقولون بعد ماتزوج وجرحني رجعت له والان زوجي يقولي ارجع بيتي ومستعد يرضيني وامري صار بيد اخواني وهم يبغون الطلاق ولا قالوا له وهو مستحيل يطلق الا اعطيه عياله وانا من دون عيالي باتجنن
تكفون دلوني ارجع لبيتي واصبر على زوجي اللي يقولي ادعي له بالهدايه وحتى ولدي يكبر واطلع معه ولا اصبر واعيش عند اهلي مذلوله وممنوع علي كل شي حتى الوظيفه واني اشتغل فراشه في مدرسه او حارسه في كليه مع عمتي مراة ابوي الله يرحمه قالوا لي عطي زوجك عياله ماعندنا استعداد تشتغلي او كلي واشربي واسكتي طيب عيالي حسبي الله عليكم لهم طلبات ومصروف مدرسه لبنتي حتى نقلها الناس ساعدوني لاجل تدرس اخواني قالوا مايحتاج تدرس لسه بنتي ثاني ابتدائي وولدي سنه ونص عمره تكفوووووون دلوني ياحريم وعطوني رايكم