كوني دائما مبتسمه

السلام ورده

كوني جريئه بتدخيل نفسك معاهم وبالسؤال عن الدروس وغريها



الله يوفقك يالغاليه:27:







:26:

بنوته ..

لو فيه مجموعة بنات داخلين مزاجك وودك تعمقين علاقتك معهم ..

انتهزي فرصه مناسبه ..

مثلا انا اقول مثلا وانتي قيسي عليه اي موقف ثاني ..

مثلا لو عندكم دكتوره صعبه والبنات يهابونها ويهمهم يعرفون اي معلومه عنها او عن مادتها ..

روحي مكتب هذي الدكتوره واساليها عن شي يهمكم تعرفونه .. ( يعني صار عندك معلومه مهمه ) وهذي فرصه ..

روحي عند البنات وقولي لهم ما ادري وين فلانه ( واذكري اسم وحده من صديقاتك ) انتو ما شفتوها ؟؟

اذا قالوا لا .. بيني لهم بحركاتك انك ورطانه وما معك احد .. وبعدين قولي لهم بنات على فكره ترى الدكتوره الفلانيه

قالت لي كذا ( ووصلي لهم الخبر ) طبعا هم راح يتناقشون في هذا الموضوع معك .. خلي طريقتك حلوه

وقولي لهم تعبت وفلانه ما جت اقدر اجلس معاكم ولا ابطفشكم بوجودي .. عاد هم بيقلون لا يا سخفك اجلسي يا

شيخه ..( على بالي كاني عارفه وش بيقلون !!!!!) لكن من معرفتي بجوا الجامعه اتخيل ردت فعلهم ..

خلي قعدتك معهم تكون خفيفه وحلوه وممتعه ..

وبعدين بتبدأ المحاضره وبتروحون لها سوا وبتجلسون جنب بعض في المحاضره يعني فيه فرصه تحكون

وبتطلعون منها سوى .. حاولي في ها الوقت تأخذين رقم اي بنت منهم تكون شخصيتها حلوه واجتماعيه ..

كلميها وحاولي تبينين لها انهم مره عاجبينك وودك بهم معاك دائمااا ..واذا جاء من بكره اجلسي جنبهم في

المحاضره.. طبعا كل ها الخطوات تعملينها اذا فيه تقبل منهم لك من البدايه ..

..

شوفي انا حاسه فيك .. لاني عشت جوا الجامعه .. وعارفه انها ما تنبغى من غير صاحبات يكونون معك ..

رغم اني دخلت الجامعه ومعي في نفس القسم وفي كل محاضراتي ثنتين من بنات عمي في نفس الوقت صديقاتي مره..

هذا غير البنات الي اعرفهم من المدرسه ومن اقاربي ..

يعني ما اتذكر اني في يوم جلست لحالي .. دائما مع بعض .. نجلس على الرصيف ومعنا صديقاتنا .. وحتى نطلع من

الجامعه نروح نتغدىفي بيتنا او بيت بنت عمي او بيت بنت عمي الثانيه .. واحيانا ننام عند بعض ونروح الجامعه سوا ..

لكن كان عندي وحده من صديقاتي دخلت قسم حاسب ألي وبعدين حولت بعد ترم لقسمنا .. فماكانت محاضرتنا معها

فكنت اتذكر شكلها وهي طالعه من المحاضره او هي داخله من بوابه خمسه قرفانه وخايسه نفسهاوحالتها صعبه ..

واحنا منشكحات ونضحك على شكلها .. وهي متضايقه انها مو معانا ..

فعلشان كذا لازم تكونين علاقات كثيره في الجامعه لان هذي فرصتك في التعرف على البنات ..

غير ان اكثر هذي العلاقات تستمر معك حتى بعد الجامعه ..

..

هلا عيوني بنوته شوفي ياقلبي..

الطيور على اشكالها تقع..البنات الصالحات المحترمات صدقيني يلقون بعضهم..

والخايبات يعرفون بعضهم..

اعتقد انك توك داخله الجامعه جديده..لكن مع الوقت راح تتكون لك شله بدون ماتدرين شلون

انت خلك مبتسمه اجتماعيه مع الكل ولو في واحده حاسه انها بنت ناس ومحترمه عادي تعرفي

عليها..واقعدي جنبها مثلا بالقاعه واسأليها عن اي شي حتى لو كنت فاهمته..

وارجوا الله ان يجنبك صديقات السوء ويحميك ويوفقك..

ايام وراااحت
لكن من جد وعوه ياشين الجامعة اذا لحالك بس تحوسين من قاعة لقاعة اووف والا في عز الشموس تمترين الجامعة اكره شي تتوهقين اذا محاضراتك غير عن صديقاتك صدق تصير نفسيتك زفت مزفته بس تدورين
حاسة فيك والله لاني مجربه ترم كااامل

ماشاء الله ماقصروا البنات
اهم شيء احرصي على ماينفعك لان الجامعه مرحلة مستقبل
يعني لاتتسرعين ودورين السواليف والوناسه تروي واختاري الحريصات المجتهدات لان الصديقه تاثرمهما كان وخصوصا بالجامعه ومسالة الحضور والالتزام والحرص
وبالتوفيق
:27: