ارجوووووووكم بنات تعالو عطوني حل لبنت أختي المراهقة ؟؟

شلونكم بنات عساكم على القوه

ما راح اطول عليكم بنات المشكله في بنت اختي عمرها 16 سنه ولله الحمد البنت شاطره وهي اكبر

خواتها الحمدلله عايشه وسط امها وابوها وخواتها ما في مشاكل وامها مريحتها للاخر يعني ما تامرها

بشغل بيت او ترهقها بالعكس بس المشكله البنت وايد حساسه ودايم تصعب الامور لو هي سهله وفي

عندها مشكله وهي تحب تكون في عزله بالغرفه ما تبغى ازعاج خواتها تبغى كل شي بمزاجها وما تتقبل تسمع من امها نصايح او اذا تقول لها ساعديني بتحضير العشا يعني الام تبغاها تصير حركه بالبيت بدون ما امها تآمرها تزعل وتتنرفز والحين هالايام صارت سالفه جديده وهي ان البنت تقول لامها انا ما انام بالليل واحس اني مخنوقه ونبضات قلبي تتسارع واخاف من الموت ولمن امها قالت تعوذي من ابليس واقري المعوذات ونامي وفعلا قرت المعوذات ونامت وبعدها بكم يوم ردت نفس السلفه وقامت تبكي وتقول ودوني عند شيخ وودوها عند شيخ وقال معاها رهبه وعطاها ايات وادعيه عشان تقراها ونفس الشي تجيها هالاعراض بنات تكفون اختي وايد تعبت معاها وقعدت وياها يمكن البنت في نفسها حاجه نفس الشي تقول اختي وايد تتعبني بنات تكفون عطوني رايكم ونصايحكم