ارجووو المشورة عاجلا جزيتم خيرا

مادام مافيك سبب يمنع الحمل وتبينه لاتطلقين حرام عشرة 15 سنه تروح هواء واذا بيخطب استخيري الله وادعي يرزقه الاجوديه اللي تلم ماتفرق واللي تكونون خوات ...تبينه وتبين الحياه معه استمري ان جاله عيال تربينهم معه وتشاركينه فرحته ومع زوجته تربين عياله وان رزقك الله منه عيال عز الطلب ومن رايي تبني يتيم فبيته وخلي وحده من خواتك ترضعه ويصير محرم لك وشوفي وش بيدخل عليك من الخير انتي وزوجك بسبب تربية هاليتيم ويكفي قول الرسول انا ومافل اليتيم كهاتين فالجنه ....انتي تربين وهو يصرف عليه كلكم مشاركين فالاجر

جزاك الله خير اختي ام فارس انتظر بقية الردود

قرار صعب ومهما عطيناك من ردود مراح تفيدك لان بالاخير الموضع انتي (مشاعرك حياتك) يعني لو فرضا تطلقتي ترضين بمعدد ممكن الحياة معه غثى ممكن ماتتزوجين ممكن تاخذين واحد كريه وممكن تاخذين واحد رجل فعلا دين وطيب المسألة فيها أحتمالات كثيره وممكن تجلسين مع زوجك لكن تضمنين الزوجه الثانيه ماتغيره تضمنين العدل تضمنين مشاعرك ماتتغير وتندمين انك جلستي على ذمته وممكن بعد تجملين من زوجك (كثير يحملون بعد زواج زوجها مدري ليش سبحان الله ) تجيك وحده تقولك تطلقي توك صغيره ومن حقك تشوفين عمرك لكن وش بعد الطلاق كيف حياتك بتكون وممكن تجيك وحده تقول لك لا اجلسي مع زوجك ونفس الشي وبعدين وش بتكون حياتك المهم بالاخير تكونين انت مقتنعه بقرارك وعندك القوه النفسيه الي تخليك تواجهين تبعات اي قرار والله يرزقك الذريه الصالحه أختي طفل الأنابين ليش ماتعيدينها مره ثانيه وثالثه ورابعه والحقن المجهري بعد سمعت انو كثير يسونها مرات كثيره لانها ماتنجح كلها بس واحد او اثنين من المحاولات تصيب استمري ولا تيأسين

لما طلب الزواج وافقتي
وهو الآن يطلب الانفصال؟
وشهي اسبابه مايقدر يفتح بيتين.
أو أنه يبيك تشوفين نصيبك انتي كمان؟
طبعا بعد العمر هذا كله راح يكون صعب عليك لأن الي يتقدم لك راح يكون أما معدد أو ارمل يغني مايهم موضوع االخلفه بالنسبه له
بس اشوف انه حتى إذا تزوج هو وطلقك راح يتعب لأنه تعود عليك سنين وانتي راح يصير الموضوع صعب عليك كمان
بس الخيرة فيما يختار ربي
رأيت حاله مثلك 16 سنه زواج آخرها طلقها مع محاولات اطفال أنابيب كثيرة فشلت
زعلت الزوجه وتزوج ورقه ربي بولد ماكمل سنه
وهي تزوجت رجل ارمل وعنده عيال ومعي شهادة ملكه
زوجها الأول صار تعبان نفسيا لأنه ماقدر يتفاهم مع زوجته بالأصح مافهمته زوجته وهي مرتاحه مع زوجها الأرمل وتدعي ربي يحفظه وتقول خيرة من ربي
ويحاول البيوت مليانه بنات ومطلقات
ومافيه بأس عليك اذا تزوج كل وحده في بيت وكل واحد عايش حياته خصوصا أنه انتي الي متمسكه فيه
واذا كانت مشكله الإنجاب منك ابقي معه ماراح تفرق اذا تزوجت غيرة انا اذا منه لا أقبل الانفصال وتزوجي وربي يرزقك بالعيال
لكن ماتشوف فيه ضرر عليك في بقائك في عصمته إلا إذا مشروط عليه انه يطلقك
عموما الرجال اذا حط زواج في باله تزوج واذا حط طلاق في باله طلق ومافيه تحد يقدر يمنعه وعنده بدل العذر الف
إلا إذا كان من محبه لك وده لك ان ربي يرزقك بذريه من غيرة الله يجزاك خير
قرارك بيدك بعد الاستخارة
لاتنسي الجانب الشرعي في العلاج فكم عين حاسده حاقده انهكت جسد وقتلت ذريه وفرقت أسرة
وأسأل الله العظيم رب العرش الكريم أن ييسر لك قرارك وحياتك ويرزقك من حيث لاتحتسبين.
وإن يرضيك بما يعطيك
آمين

غريبه هو ليش فكر بالطلاق دام انك وافقتي على زواجه ؟!
يعني ظروفه ماتسمح انه يفتح بيتين ؟
اذا ظروفه تسمح وانتي ماعندك مشكله يتزوج مافي داعي للانفصال
خصوصا بعد ها العشره اللي بينكم راح يكون صعبه عليك وعليه
(لاتدري لعل الله يحدث بعد ذلك امرا )
الله يوفقك ويقدر لك الخير