ارجو المساعدة ضروري

السلام عليكم اخواتي في الله
انا محتاجة خدمة الله يجازيها خير اللي تهتم وترد علي
انا عندي طفلة عندها 3 سنوات وطفل عنده 11 شهر ، بنتي بتنزل حضانة الساعة 9 وبترجع 2 الظهر
والولد بيصحي تقريبا الساعة 11 يعني عندي بس ساعتين باليوم يادوب اطبخ فيهم وارتب خفيف لان مشكلتي اني مش بعرف اشتغل ابدا وهم موجودين وصاحيين يعني لازم اشتغل وهم نايمين لانهم طول ماهم صاحيين البنت ماشية ورايا وعمالة تطلب طلبات وتلعب وتبهدل كل حاجة والولد ياإما يحبي ورايا ويدخل في كل مكان خصوصا المطبخ ليس له باب او لو حبسته بغرفته يفضل يبكي حتي ارجعله
كمان الولد في سن اللي كل حاجة يحب يرميها علي الارض وهو واخته عندهم قدرة عجيبة انهم يقلبوا المكان الي فوضي فظيعة في اقل من دقيقة حتي انا تعبت كل اما انضف يادوب ارجع ادوات التنضيف والاقي كاني مانضفتهاش اصلا ولا مديت ايدي فيها ، البنت بدأت اعلمها تنضف معايا وتلم حاجتها وماترميش حاجة في الارض بس الولد طبعا هيهات يفهم، حتقولولي شيلي كل حاجة من متناول ايدهم حقوللكم شايلة كل اللي اقدر عليه بس مقدرش مثلا اشيل ملاية السرير اللي في ثواني يشدها ويجيبها الارض او البنت تقعد عالسرير وهي نازلة من عليه لازم الملاية تكون وراها ، مثلا الطاولة الصغيرة شايلة كل حاجة من عليها بس الولد يحب دايما يوقعها في الارض وهكذا وتعبت من اللم وراهم وكذلك لو بعمل حاجة في المطبخ وهم بيبكوا عشان ارجعلهم اعمل الحاجة بسرعة ومن غير ما ارتب ورايا لان بكائهم بيوترلي اعصابي ويخليني مش عارفة اشتغل فبسرعة الاقي الدنيا تنحاس والبيت بقي متبهدل
الخلاصة انا عاوزة منكم جدول للاعمال اللي يخللي البيت نضيف في اقل وقت وكمان افكار اقدر احافظ علي نظافة البيت مش بس التنضيف والترتيب العادي لا كمان التنظيف العميق اللي طبعا مش بلاقيله وقت علما بان انا مستحيل اني اشتغل بعد نوم الاطفال ليلا لاني بكون هلكت وفورا انام
انا جربت اشتغل بعد صلاة الفجر بس بصراحة اول ما يصحوا احس ان مجهودي كله ضاع
اريد الاستفادة من تجاربكم وياريت اللي عندها اطفال في سن اطفالي تحكيلي بالظبط يومها بيمشي ازاي وازاي بتقدر تحافظ علي نظافة بيتها
وشكرا