ارجو المساعدة ..قاعدة و ارتفاع لحذاء..

مثلا دا كيف الارتفاع تبعو معمول...؟؟؟طبعا من غير الوردة .....و إذا تعرفو طريقة الورده اكون شاكره كمان ...(وحده طماعه)
و القاعده اللي عملتها تنفع معاه صح...؟؟

هلا والله انا سويت نفس القاعده بس يمكن خيطك مره رفيع انا وسط والارتفاع بدون ماتقطعين الخيط عادي اشتغلي على كل غرزه بدون زياده اربع اسطر هذا بالنسبه للارتفاع والباقي ماعرفه لاني مسويه بوت من ورشه ام عزيزان تلقينه بالورش

مشكوره اختي...يعني صح القاعده؟؟..وجزاك الله كل خير.....يا قمر
اخواتي فينكم.....
..

موفقة يارب

اول شي ما شاء الله لا قوة الا بالله شغلك نظيف ومتقن ....

شوفي يا قمر ... اذا حبيتي تزودي كمان سطر في القاعدة لازم يكون فيها زيادة عشان تفرد ... لانه اذا عملتي عواميد من غير زيادة بينكمش وبيصير كأنك بديتي في الارتفاع ..... والزيادة لازم تكون بنمط معين عشان ما تطلع القاعدة متعرجة كمان يعني مكشكشة .... عندك هذا الباترون ... يشبه الباترون اللي اشتغلتي عليه بس عبارة عن 3 اسطر بدل سطرين ...


هذا الباترون ممتاز للخيوط النحيفة ..... تقدري تطولي في عدد سلاسل البداية ... بس اهم شي الاركان تكون نفس اللي في الباترون .... ان شاء الله يكون مفهوم ...

بالنسبة للارتفاع حسب الخيط وحسب ما تبغي .... يعني اذا كان خيطك سميك ممكن تعملي دور واحد بس ... اما اذا كان نحيف تقدري تزودي ادوار كمان .... اغلب الباترونات يعملوها دورين الى ثلاث ادوار بس ... هذا طبعاً للاحذية العادية يعني مو بوت ....

بالنسبة لطريقة تركيب الارتفاع زي ما قالت لك الاخت قشطة وتمر ... حتعملي اعمدة بدون زيادة ولا نقصان ... بس ركزي ان شغلك حيكون في الجزء الامامي من الغرز ... يعني لما تدخلي الابرة في الغرزة دخليها في الجزء الامامي فقط مو في كل الغرزة .... ان شاء الله يكون واضح ....

بالنسبة للحذاء اللي حطيتي صورته طريقة الارتفاع شرحتها الاخت جمانة جزاها الله كل خير في ورشتها على هالرابط ... حاولي تطبقي وان شاء الله يطلع معاكي احلى حذاء ....

http://forum.hawaaworld.com/showthread.php?t=2056530&page=5

نسيت اقولك ... قاعدة الحذاء هي نفسها تقدري تستخدميها مع اي نوع حذاء ....

بالتوفيق يا قمر ...