ارجو المساعدة لهذه الأسرة المسلمة

شوفوا يابنات كيف المسلمين مضطهدين في أمريكا حسبيا الله عليهم
بنات انا في امريكا في الغربة وفي معايا وحدة من الأخوات وتعرفوا الأمريكان وكرههم للعرب وخاصة السعوديين المهم القصة هيا انوا هذي البنت جات هيا وزوجها في بعثة على حساب الحكومة ومساكين عرسان اتزوجوا وعلى طول بعد الفرح بيومين جو على امريكا على بالهم الجنة وهيا جهنم بعينها وطبعا ماكانوا يعرفوا انجليزي وراحوا دورو على شقة عشان يسكنوا فيها وطبعا هما مايعرفوا اي شي عن القوانين هنا في امريكا وعشان يبغوا يسكنوا وقعوا على كل الأوراق الي قدموها اصحاب الشقة لهم وبعد ماسكنوا بدأت المصايب تهل عليهم وكل مايكلموهم يقولوهم انتوا موقعين في العقد على دا الشي وهذي قوانين أمريكا لازم تتبعوها فأنا قلتلها ياأمي ريحي راسك وانقلوا منها المهم ونقلو منها على بالهم انوا زي في السعودية لمن ينتهي العقد تبلغي صاحب الشقة انك ماتبغي تجددي العقد وتنقلي عادي حلو الكلام هنا جاتهم الكارثة العظمى النظام في امريكا لازم قبل انتهاء العقد بشهر كامل لازم تروحي لصاحب الشقة تعبي عنده ورقة انك ماتبغي تجددي العقد واذا ماعبيتيها راح يدفعوكي شهر زيادة وهما المساكين مايعرفوا وللأسف انا كنت في السعودية لمن نقلوا ولاكنت بلغتها المهم لمن رجعت اكتشفت انها في مشكلة مررره كبيرة هيا وزوجها مساكين طلعوا حقون الشقة الأولانية النصابين مرسليلهم فاتورة بمبلغ 2700 دولار أمريكي يعني حوالي 10000 ريال سعودي طبعا انا طارت عيوني لمن شفت الفاتورة تخيلوا يابنات عشانهم عرفوا انهم عرب ومايعرفوا الأنظمة ولايعرفوا انجليزي كويس استغلوهم والله يابنات قمة النصب تخيلوا يبغوهم يدفعوا قيمة شهر زيادة عشانهم مابلغوهم انهم مايبغوا يجددوا العقد وكمان متهمينهم انهم عندهم كلب والكلب خرب البيت والله يابنات البنت وزوجها ماعندهم كلب ولاشي على قولتها تقولي احنا يدوب الفلوس الي بتعطينا هيا الحكومة تكفينا نقوم نجيب كلب في البيت ونصرف عليه كمان وكمان متهمينهم انهم حرقوا البيت وانهم وصخوا الجدار فاضطر صاحب البيت انو يصبغ الجدار وانو فيه في البيت طحالب يابنات مت من الضحك على سالفة الطحالب ليش والله لو الناس ماعمرهم غسلوا البيت ماتطلع طحالب وانو ممنوع يعلقوا ستاير في البيت تخيلوا (ترى من جد حتى انا صارت فيا ممنوع تعلقي ستاير في البيت في أمريكا لو علقتي يدفعوكي فلوس زيادة ) يقولولك انتي خربتي الجدار شعب من جد قمة في التخلف المهم والله البنت حالتها تقطع القلب وهيا في الشهر التاسع بتولد بعد كم اسبوع انا وزوجي حوسنا معاهم كل مارحنا لمحامي يقولنا لازم يدفعوا لأن هذا النظام في امريكا القانون لايحمي المغفلين وكلمنا السفارة وشرحنالهم الوضع قالوا مالنا شغل ولاعندنا محامي يترافع عنهم خليهم يتصرفوا حسبيا الله عليهم وأخر شي ارسلولهم رسالة تهديد انهم لو مادفعوا راح يقوموا بسجنهم المهم زوجها مسكين كان بيسوي مصيبة جديدة بس لحقناه كان راح يشتغل بمحطة بنزين بعد مايخلص محاضراته في الجامعة كل يوم عشان يقدر يسددلهم طبعا زوجي لمن دري عنه راح طيران عليه قالوه لاتسوي كذا ممنوع السفارة شارطة علينا اننا مانشتغل والي يشتغل يرجعوه السعودية وتتلغي بعثته المهم بصراحة انا وزوجي ساعدناهم بالي نقدر عليه طبعا هيا البنت يتيمة ومافي احد في حالها وابو زوجها ميت وحماتها ماعندها شي تساعدهم فيه انا وزوجي بصراحة راح نساعدهم ماديا لأن حرام عندهم طفل جاي بعد كم أسبوع في الطريق والله يابنات البنت انا خايفة يصيرلها شي وقت الولادة من كثر القهر نفسيتها مدمرة جدا الله يحرق الأمريكان والله يابنات حتى تلفزيون في بيتهم ماعندهم ولاسفرة ولاشي فقط كنبة وسرير نوم حالتهم من جد يرثى لها فأنا قلت يابنات اطرح الموضوع هنا في المنتدى ونحاول نتبرعلها كلنا لأن الصدقة تجوز عليهم لأنهم يعتبروا من ابناء السبيل ومن الغارمين يعني في محنة يابنات والي يفرج على اخوه المسلم كربة ربنا يفرج كربته يوم القيامة وأن رسول الله صلى الله عليه وسلم قال : ( وإن أحب الأعمال إلى الله سرور تدخله على مؤمن ، تكشف عنه كرباً ، أو تقضي عنه ديناً ، أو تطرد عنه جوعاً )واحنا يابنات لو بس 200 بنت كانت قلوبهم رحيمة ويحبوا عمل الخير وكل وحدة من هذولا ال200 بنت دفعت 50 ريال بس راح نغطيلهم المبلغ ويابنات احنا ال50 هذي بندفعها في اكلة احيانا او لعبة او بنزين يعني ماهي ذاك المبلغ وربنا بيعوضك اضعاف اضعافها ويابنات الي تفكرني كذابة ولانصابة تراسلني وانا برسلها صور الفاتورة ورقم جوال الحرمة وزوجها هنا في أمريكا وتكلمهم تتأكد منهم ورقم اصحاب الشقة تتصل برضوا وتتأكد منهم والله يابنات اني بسعى لعمل الخير وتفريج كربة بيت مسلم لأني من جد حزنانة على الطفل دا الي حتظيع فرحة قدومه لبيت اهله بسبب هذي المشكلة والله يابنات انا رحت بنفسي اشتريتله ملابس ورضاعات واشياء لأن من جد راتب الحكومة مايكفي ترى امريكا من جد غالية مو زي مالناس مفكرين والي تحب تتبرع تراسلني عالخاص وراح اعطيها رقم حساب زوج البنت في السعودية تحط فيه الفلوس او ان وحدة من البنات تقوم بجمع المبلغ وارساله على حساب البنت هنا في امريكا عشان بس تتأكدوا انوا انا مالي اي مصلحة في الموضوع واني مجرد فاعلة خير وتذكرواوعد ه سبحانه - وهو الجواد الكريم الذي لا يخلف الميعاد - بالإخلاف على من أنفق في سبيله ، فقال سبحانه : { وما أنفقتم من شيء فهو يخلفه وهو خير الرازقين } ( سبأ 39) ، ووعد بمضاعفة العطية للمنفقين بأعظم مما أنفقوا أضعافاً كثيرة، فقال سبحانه : { من ذا الذي يقرض الله قرضاً حسناً فيضاعفه له أضعافاً كثيرة } ( البقرة 245) .
والصدقة بالأموال من أنواع الجهاد المتعددة ، بل إن الجهاد بالمال مقدم على الجهاد بالنفس في جميع الآيات التي ورد فيها ذكر الجهاد إلا في موضع واحد ، وقد قال صلى الله عليه وسلم : ( جاهدوا المشركين بأموالكم وأنفسكم وألسنتكم ) رواه أبو داود فهذا يعتبر يابنات جهاد للأمريكان الكفرة الي يبغوا يؤذوا بيت مسلم ويدمروه
وهي من أعظم أسباب بركة المال ، وزيادة الرزق ، وإخلاف الله على صاحبها بما هو أحسن، قال الله جل وعلا في الحديث القدسي: ( يا ابن آدم أَنفقْ أُنفقْ عليك ) رواه مسلم
كما أخبر النبي عن ذلك بقوله: { ما نقصت صدقة من مال } . والله يعلم يابنات انو مو داخلي جيبي ولاريال والله مادخل مال حرام على نفسي ولا على بنتي ولازوجي
__________________