ارجو المساعدة من الكل ولكم مني الدعاء

:44:مساء ..صباح..الخير
خواتي الغاليات ماادري من وين ابدا بس حبيت افضفض عليكم وان كنت مخطئة توجهوني وان كنت على حق تخففون علي انا متزوجة من 11 سنة وعندي اطفال والحمد لله وعايشة حياتي مااحب احد يدري عني خاصة اهلي يعني انا كتومة نوعا ما.
المهم زوجي امه مطلقة وابو زوجي عنده حرمة ثانية واول خمس سنوات كانت زوجة خالي تعاملني معاملة خاصة وتحبني لدرجة تدق علي شبه اسبوعي تقول زورينا ودائما كانت تقولي ان خالك يمدح فيك ويثني عليك بس ماادري وشلون انقلبت 180 درجة لدرجة اذا كنا معزومين في مناسبة خاصة وكنت مدعوة وعندها كرتي ماتوصل الكرت لي تسالون وشلون يكون الكرت عندها تعرفون الناس مايدرون وش بيننا والناس معتبرينها خالتي بعدين اذا راحت المناسبة وبالصدفة شفت احد من العائلة يسالون ليش ماشفناك بالمناسبة اقول من جاء بلا عزيمة جلس بلا فراش تقول غريبة بس حنا مرسلين لزوجة خالك كرت لك استغرب اقول ماوصلني شئ
وبالمناسبة فيه شغلة ماقلتها لكم وهو ان طبعي اجتماعيو وبشوشة الحمدلله بحكم الجميع وبناتها عكسي تماما يعني منغلقين جدا حتى يوم العيد اذا صار عند خالي يتاخرون البنات ماينزلون اقوم نيابة عنهم واصب القهوة للضيوف واقوم بالواجب ادخل معاهم المطبخ واجهز معهم العشاء وصلني كلام من خوات زوجي الشقيقات يعني مو بناتها تقولهم الصراحة زوجة فلان مااحبها وملقوفة ومن مواقفي معها انه بنتها تزوجت قمت واهديت لها هدية حلوة مع العلم ان خواتها غير الشقيقات ماعبروها ولااهدوها ويقولون لي ليش تهدينها وهي ماتحبك وتكره الارض اللي تمشين عليها قلت الطيب القدامي وتهادوا تحابوا وقبل زواج بنتها ب3 اسابيع تقريبا سوت عملية وجلسنا اسبوع مااحد يعرف لانه حتى بنات زوجها ماتحبهم مع انهم مسالمين المهم عرفنا بالموضوع وانا الوحيدة اللي زرتها في المستشفى واخذت معي لها سلة شكولاته من جرير قباني حلوة تصدقون في المشتشفى يوم سلمت عليها ضمتني ضمة قوية وبدت تسولف معاي قلت الحمدلله تغير الحال بعدين طلعت من المستشفى راحوا بناتنا يزورونها قالت لوحدة منهن انفلانه تقصدني ماقصرت زارتني في المستشفى واهدتني بي سبحان الله مااحبها ولو لبستني ذهب ماحبيتها ..
تكفون انا مت من التفكير كيف اعاملها وليش هي تعاملني كذا واي استفسار انا جاهزة..
لاحرمكم الله دعواتي لكم