ارجو المساعده

تصدقين بالله ان لي 13 سنه متزوجه نادرا ما اغسله واقطعه
ان زوجي هو اللي يغسله ويقطعه
اكره ريحته في يدي والبس جونتيات بس خلاص شيئ لاصق في مخي من الريحه
لما اضطر اكت عليه ملح خشن كثير وافركه من جوه ومن برا ثم اشطفه واقص الجوانح والرقبه والذيل والجلد الزايد من النواحي الداخليه من عند الفخذ بمقص اللحوم
ومن ثم اخر شيئ اكب عليه خل ثم اشطفه
اما التقطيع فاشله فيه اقطع بس مو ذاك الزود تقطيعي موفقه

حبيبتي لا مافيه شي ليش نضحك كلنا تعلمنا مع الوقت

احسن شي واريح شي تشترين مقص الخاص بلحوم

اما طريقه تقطيع الدجاج فهو كتالي

تجيبين الدجاحه وتقصين اطراف الجناح مو الجناح كله بعدين تبدين تقصينه من عند الظهر على جوانب العمود الفقري وتشيلين العامود الفقري لاكن هذ مو للكب لا ينفع لسلق وتاخذين المرق منه

بعدين اذا تبين الدجاجه ارباع قصيها من عند البطن بطول وبعدين قصي وهالحين صارو انصاف
طيب كل نصف قصيه اثنين
واذا تبين الدجاجه ثمان قطع قصي الساق من عند المفصل فيصير الساق لحال والفخذ لحال
وقصي الصدر من عند الجناح لحال وكيذا يكون عندك ثمان قطع

وشيلي الجلد الزايد والشحوم البيضاء

وان شاء الله اكون عرفت اشرح لك

مرره مشكورين
الوحيده رفعتي معنوياتي والله كنت مكسوفه اسال امي وخواتي
عاليه392 شرحك مره ممتاز ماشاء الله كانه الدجاجه قدامي مرره حمستيني رحت اشتريت المقص وعملت اول صينيه دجاج من غسل وتقطيع ايدي
اختي الوحيده عسى الله يرحم اخوكي ويجعل مثواه الجنه

ماقصرت عاليه شرحت لك شرح وافي وكافي

انا نفس الطريق بس مااستخدم مقص استخدم سكين حاده

اول شيء اشيل اطراف الجوانح وجلد الرقبه الزايد والحاجه اللي تحت اكيد عارفتها هههههه

وبعدين اقطعها نصين وانظفها بليمون وملح واشيل الكبد والشغلات اللي جوه

وعاد بعدها براحتك تبينها ارباع او اثمان بجلد او بدون جلد

واذا تبين راحتك ولا ودك بالتعب خذيه من السوبر ماركت مقطع جاهز يزيدون ريال او ريالين على سعر الحبه المبرده ويقطعونها لك مثل ماتحبين