ارجو المساعده في الكريم كرمل

أنا عندي طريقة جدااااااااا لذيذة.. اذا جربتيها مابتجربين غيرها.. وأكيد بتعيبج..

الكريم كراميل بالقشطة..

المقادير:

2 باكيت كريم كراميل
2 كاس ماي
4 ملعقة أكل نيدو بودرة
ذرة هال وشوي زعفران
علبة قشطة


الطريقة:

1- في الجدر نضع الكريم كراميل والماي والنيدو والهال والزعفران وعلى الضوء لين ماتغلي الخلطة شوي.

2- نصب الخلطة في الخلاط مع القشطة.

3- نوزع الكراميل الاسود في الملال بس مانحط منه كثير ومجرد نقطتين في كل ملة ونمسحهم ونصب الخلطه فوقهم.

أو ممكن نحطيه في بايركس كبير ونغرف منه بعدين أممممممممممممممم.. وشوفي الطعم وادعيلي..

المسافرة..مشكورة على الطريقة الروعة وحابة أجربها بس بغيت أسألج ما يستوي أول شي أخلطها في الخلاط وبعدين أخليها تغلي على النار وعقب أصبها في الملال..يعني أعكس الطريقة أو لا؟؟

شوفي يا ستي
أنا طريقتي في الكريم كراميل تماااااام
وهي عبارة عن
2 كاس مويه ( كاس الجبنة العادية )
شوية فانيليا شوية سكر
5 أو 6 ملاعق حليب بودرة
طيعاُ هذي المقادير للعلبة الواحدة

أول شئ أغلي الموية
اخلطي الكريم كراميل
مع السكر والحليب بموية دافية شويه
بعدين صبي بقية الموية
حطيها على النار إلى أن تغلي
صبيها في القوالب بعد وضع السكر المحروق
ضعيها في الثلاجة إلى أن تبرد وتتماسك

وبالعافييييييييييية :27:
كل عام وأنتم بخير

المسافره .....................مشكوره وايد وايد والله يجزاج الف خير ويخليلج كل الي تحبين امين يارب العالمين بهشهر الفضيل
اميرة الشوق والله انك اميره بجد الله يعطيك العافيه ويرزقك من واسع رزقك قولي امين يارب العالمين

شوفي حبيبتي اذا تبغي الكريمه الجاهزه كانها بيتي نفس طريقه اميره بس حطي عليها علبه حليب مركز صغير ......
تصدقي كان عندي اهل زوجي بنات خالاته وعملتها وعجبتهم وافتكروا اني عملتها في البيت