ارجو المساعده لو بكلمه طيبه

مشكلتك الروتين الممل حاولي تطلعين وتغيرين روتين حياتك ادخلي نادي واتعرفي على الي فيه وخلي زوجك يعرفك على زوجات زملاه في العمل تروحين لهم ويجون وتطلعون سوا حدايق مولات غيري من روتينك هذاوبتتغيرنفسيتك والاهم من كل هذا اقرى القران واختميه لو في الشهرمرة

الله يشرح صدرك وييسر امرك غيري روتينك

مدري احس عندك مشكلة في فهم نفسك مسببة لك هذا التشتت
اجلسي مع نفسك وشوفي انتي وش تبين بالضبط


اي شي ماضي وماتقدرين ترجعينه لازم خلاص تنسينه.
وظيفتك ماراح تستفيدين شي اذا حزنتي عليها بترجع مثلا ؟ لا فخلاص لا تفكرين فيها.
عندك زوج طيب وطفل متعافي انتي في نعمة قولي الحمدلله.
احس مشكلتك مو فاهمة انتي وش تبين، احس عندك مشكلة داخلية انتي وحدك قادرة تحليها.


اجلسي وفتشي بنفسك وش المشكلة اللي خلتك تعيشي بهذا التشتت والقلق.


استشعري النعمة، استشعار النعمة يخليك تحسين بقيمة الأشياء الجميلة بحياتك وهنا تحسين بالسعادة.


انا على قناعة سعادة الإنسان في طريقة تفكيره هو قادر يخلي من نفسه شخص سعيد أو تعيس.


اذا يبغى يكون سعيد يغير من تفكيره يبذل الحلول للمشاكل اللي يواجهها يخلي روحه لطيفة ويتقبل اجواء المرح ويتعايش معها
ترى لو نستسلم كلنا للكآبة والطفش بتلاقينا اتعس خلق الله، لكن الواحد يرفه عن نفسه يدور ناس حسهم خفيف يسولف ويضحك ويشارك غيره وينفض نفسه من الكسل والهدوء والضيق اللي عازل نفسه فيه


يجرب يضيف لحياته اشياء جديدة يغير في روتينه شوي يبتدع مهارات جديدة، اخلقي اجواء خاصة لك في بيتك، ومرات اخلقي اجواء خاصة لزوجك وطفلك.
غيري زاوية في البيت جددي اثاثك إن امكن، تابعي لك برامج حلوة تعرفي على ناس لو صديقات بالعالم الوهمي أو حتى متابعة ناس لها حس كوميدي


ترى والله والله كثير يوهمون نفسهم بالكآبة والحقيقة هم محتاجين لمجرد خطوة يخطونها ويغيرون من تفكيرهم وروتين حياتهم وبيلاقون ان الحياة تغيرت بنظرهم
أضيفي لك عبادات جديدة واجتهدي فيها بتلاقين ان الحياة حلوة وتستحق ان نعيشها بسعادة وفرح
الله يشرح صدرك وييسر أمرك ويسعدك دنيا واخرة