ارجو المساعده من بنات الرياض

صعبه كذا.. لانه كل شي يعتمد على الميزانيه وعدد معازيمك..


بس عموما معروف في الرياض احلى مكانين نياره والمملكه لكن غاليين.. وبعد كبار يعني اذا معازيمك قليلين رح يقسمون القاعه لك وبيطلع شكلها مو حلو.. فتاخذين قاعه صغيره احلى.. البوفيه عليهم..

وشركات العصاير والحلا والديكور كثيره.. بس احلى شركه شفت شغلهم الحفل.. بس ما ادري عن اسعارهم..


انشالله افدتك بشي بس ردي علينا كم ميزانيتك وكم معازيمك

شكرك اختي some_wa7da
لكن الميزانيه ماهي مشكله بس انا ما ابغى صالات فنادق
انا ابغى الصلات المخصصه للزواجات
ما فهمت عليك اختي الشركه اسمها الحفل طيب يجيبون معهم صبابات
معليش ثقلت عليكم بس والله ما اعرف شيء بالرياض
طيب اختي تعرفين دقاقه ممتازه افيدين اذا كنت تعرفين لكن بدون موسيقى .

هلا فيه قاعة السليمانيه

قصر الرياض

درة ليالي

كل هذي صالات موتبع فندق

اما بالنسبه اللي يجهزونلك الحفله فيه شبكةافراح الرياض

برضو المبدعات

الطاقاقه انتي اطلبي بدون أورق فيه زبيده ,, نديبه ,,, ام اماني ,, ام فايز

اتمنى اني افدتك :26: :26:

ايه الحفل يستلم لك الزواج من الى..ديكوروكوشه وزفه وحلويات وفطاير ومكسرات واضاءه واكيد عندهم صبابات وسنعات بعد ..


وبالنسبه للقاعات نياره قاعه ماهي تبع اوتيل.. السليمانيه بعد حلو وسعره كويس .. قصر الرياض رخيص سعره ويشمل الصبابات والقهوه والشاهي والعصير لكن ماهو ذاك المستوى..


والطقاقات عاااااااد ياكثرهم.. وكلهم يجون بدون اورج اذا انتي طلبتي..

السلام عليكم..

نيارة وقصر الرياض والمقصورة ودرة الليالي ومبارك وقاعة الشموع والفيصل ..

وشبكةافراح الرياض اكثر شي سمعت عنهم..

تحياتي