اختي هيفاء بسألك كم يكلفك تقريبا الدخول على الدكتور مع التحاليل اذا شفت اني اقدر على السعر باراجع في الخاص

حبيتي اسفه على التاخير د محمد استشاري يعني الطب الحديث والله سمعته طيبه وماشالله اكثر اللي تعالجو عند تحسنت حالتهم حتى انا يومها باالعياده جينه مرضى من الرياض والقصيم واليمن هذا لمن كانت عيادته بجده:2thmup:

ربي ارزقني
الكشف عند د.حسين العرفج ب 250 ومراجعه مجانيه خلال اسبوع فقط
والتحاليل الدورية : انزيمات الكبد ووظائف الكلى وصورة الدم وسرعة الترسيب(عددها6 تحاليل مع بعض) ب 250
يعني كل موعد تقريبا يكلف 500 والمراجعه اذا كانت امورك ماشيه تقريبا كل شهرين او شهر ونص
وانا كل كم شهر يعيد تحليل الذئبه وله سعر ثاني
والاشعه اليدين ب 200 على ما اذكر اسويها كل 6 شهور
صح يكلف خاصه على المدى الطويل ولانه شي مستمر لكن الفلوس تروح وتجي في اشياء تافهه الصحه والراحه الزم
خاصة انك بتصيرين كل ما استجد امر بسهولة تاخذين موعد او حتى تتصلين عليه في العيادة تسألينه

حطي ببالك نقطه غير التحاليل والكشف ان الحكومي تاخذين الادوية مجانا من صيدليتهم
فكرت احاول افتح ملف بالجامعي اريح لي ماديا وعلى الاقل اخذ الادوية من صيدليتهم خاصة البلاكونيل لأنه مو موجود الا بصيدليتين بالرياض وحده لازم طلب والثانيه كل فترة ينقطع منها معد يجي
بس حوسة المواعيد وبعدها هي الي خلتني اغير رايي
بسألك تعرفين صيدلية تبيع البلاكونيل غير الحبيب والصالح ؟؟

اختي هيفاء
حتى انا مودايم ينوجد في مستشفى الشميسي واضطر اشتريه من برى وماالقاها الا في صيدلية الحبيب

واليوم رحت لموعدي في الجامعي بس للاسف الدكتور حسين العرفج ماكان موجود لقيت واحد باكستاني مايدري وين الله حاطه فيه

بسألك ليش الدكتور يحللك عن الذئبه وش الشيء الي مخليه شاكانها موجوده عندك

^
^ يؤ يؤ خساره
يعني موعدك عند العرفج ويوم جيتي مالقيتيه ؟
قدر الله وماشاء فعل خيره ان شاءالله

والله يا ربي ارزقني مادري انا محيرتني هالنقطه
يقول اصلا طالما معك روماتويد لازم نكون حريصين لانه ممكن يجي معه مرض روماتيزمي ثاني خاصة الذئبة
والذئبه مو شرط تبان مع التحاليل ممكن تكون كامنه وتظهر فجأة
انا ماعندي شي من علاماتها الا تقرحات الفم تجي كل فترة وهالتقرحات علامات لاشياء كثير خاصة اني اخذ ادوية ممكن تكون بسبب الادوية او او
والاحمرار بوجهي وهالاحمرار من يوم كنت صغيره يعني شي في طبيعتي
اشك احيانا انه شايف شي في التحاليل مو اكيد ومايبي يقول شي ما تأكد منه لما يتأكد
خاصة اني قريت ان فيه اجسام مضادة وجودها في جسم الشخص مو شرط على وجود الذئبة لكن يزيد نسبة حصولها
ناوية الموعد الجاي انفضه بالاسئلة
وهو مايقصر يجاوب وبتفصيل كأنه يشرح لطالب عنده
روحي له زيارة اولى وشوفي يمكن ترتاحين له وتكملين
ويمكن ماترتاحين وتصرفين نظر عنه حتى في الجامعي
مع ان كل الي سمعت انهم راحوا له مرتاحين معه

الله يشفيك ويرزقك بالي في نفسك