الزين غالي
الله يشفيك ويشفينا وجميع مرضانا ومرضى المسلمين


اخر موعد قال لي الدكتور الموعد الجاي يمكن اضطر للعلاج البيلوجي ولازم في مستشفى حكومي :(
من جرب اي نوع من البيلوجي وش اسمه وكيف طريقته ؟ ابر ولا محلول وكل متى؟

العلاج البيولوجي ابر تحت الجلد مثل ابره السكر يعلمون المريض يعطيها لنفسه كل اسبوعين ابره عندج انبريل وعندج هيوميرا
اول ماتاخذينهم تحسين انج انسانه طبيعيه مافيج الا العافيه الحمدلله .....ومالها اضرار ع الكبد وهالسوالف نفس الميثوتريسكات والادويه الثانيه وتلقينها في المستشفيات الحكوميه لان في الصيدليات برى غاليه تقريب الابره ب800 عندنا بقطر ..وانصحج فيها وارجعي الصفحه الاولى بتلقين انا والبنات كاتبين عن هالابر هيوميرا وانبريل
الله يشفينا جميعا اختي اللي تحجم انا جربت الحجامه من 3 سنين فعلا ارتحتوتركت الادويه بس الظاهر كنت احتاج جلسات اكثر لاني رجعت تعبت مره ثانيه الحين كل ماروح للحجامه قالت لاتجيني الا اذا فيج الم وانا مب مقتنعه بهالشي..ياريت تقولين لنا الحجامه علاج ولا ..بنات مشكله المرض في الاجسام المضاده مافي علاج طبيعي مباشر لهالاجسام

نسيت اقول لكم في فحص جديد بدى ينتشر وهو اللي يجزم اذا فينا الروماتويد ولا لا اسمهccpغير عن معامل الروماتويد انا الروماتويد اخر مره سويته كان سلبي لكن طلع عندي اجسام مضاده في الدم زياده وقال لي الدكتور هذا معناته ان عندي روماتويد والحمدلله على كل حال

بنات باصيح شوفو شلقيت في النت ...
بتاريخ16-8-2008...
في منتدى طبي
اكتشف فريق من جامعه نيوكاسل مصل لعلاج الروماتيزم المزمن المعروف بالروماتويد والمصل الجديد يتم حقنه مباشره في المفصل المصاب ليتم ايقاف اتلاف المفصل بواسطه الاجسام المضاده التي يكونها الجهاز المناعي
العلاج سيتم تجربته على عينه واذا ثبت نجاحه فسيكون ثوره في علاج هذا المرض المقعد وسيطرح في الاسواق خلال خمس اعوام فقط
وهذا الرابط والله كريم
http://news.bbc.co.uk/1/hi/health/7560535.stm

ام الغالي
سبق وسألت عن هالتحليل قالو للحين ما اعتمدوة
ويكون مفيد لمتابعة المرض فقط ومادري

بالنسبة للأبر الهوميرا والانبريل
يعني مايحتاج اروح المستشفى كل مره؟
يكفي اول مره ويعطوني الابر ويعلموني وانا اعطيها لنفسي ولا وشلون؟