الله يشفيني ويشفيكم يااااارب
انا كمان معاي الروماتويد اكتشفته من سنتين
والدكتور شاك بوجود الذئبة مع الروماتويد مع انها مو ظاهره في التحاليل (ذئبة كامنه) والله يستر
وحاليا على الكيماوي والبلاكونيل والمسكنات و و وكومة ادوية وتحاليل وفحوصات دورية طبعا
ياليت يابنات يكون لنا تجمع نخفف عن بعض وننصح بعض
خاصة ان محد فاهم معاناتنا ومرضنا
لو تقولين لأحد روماتويد قالوا لاتجلسين عند مكيف وعطوك نصائح سخيفه تحسسك أنك عيارية ودلوعه
مافهموا ان المرض مناعي ماله علاقة بالبرد والاكل وماله سبب
:(
الله يشفيني ويشفيكم يااااارب
انا كمان معاي الروماتويد اكتشفته من سنتين
والدكتور شاك بوجود...
افكر فيك وينك من زمان
الدكتور اخر موعد كان متردد وشافني ماتحمست اجل السالفه للموعد الجاي
زود لي السلفا مع الادوية الاولى وقال نجرب ونشوف
يعني صرت اخذ ميثوتريكسات وبلاكونيل والسلفا غير المسكن والكورتزون وووو
مشكلتي ما سألته اي نوع يفكر يعطيني
قال لي موجوده فقط بالمستشفيات الحكومية اذا عندك ملف بأي مستشفى بحولك عليه
بحثت في النت وقريت كثير عن العلاجات البيولوجيه
لقيت هذي اكثر 3 مستعمله :
humira adalimumab
enbrel
Infliximab-Remicade
الاول والثاني ابر تحت الجلد
والثالث في الوريد مثل المغذي لمدة ساعتين
وفيه كمان abatacept (Orencia) برضه بالوريد
حسيت ان الي بالوريد اريح بالنسبة لنا لآن الجرعات متباعده ...صح لازم روحة مسشتفى بس كل شهر او شهرين او اكثر
مو مثل الابر تتقيدين ولازم تتعلمين كيف تضربينها :(
وفيه في اليوتيوب مقاطع كثير لطريقة ضربها بس من خلال قرأتي في المنتديات الاجنبيه لقيت ان الاجانب يمدحون الوريد اكثر من الابر تحت الجلد
بعد اسبوعين ان شاءالله موعدي وبشوف رأي الدكتور هل السلفا جاب نتيجه مع الكيماوي والبلاكونيل ولالا؟
وافكر حتى لو اجل البيولوجي اقول له خلالالالالاص مليت من التدرج والتمطط عطنياه وخلاص طالما هو الحل الاخير
خاصة ان الغثيان والصداع ذبحني من الادوية وحالتي حاله الله ياجرنا
هو نقطة التخويف منه انه ينشط اي فيروس او شي كامن بالجسم لكن اتوقع يسوون فحص قبل ناخذه وخلاص مافيه خوف ان شاءالله
انتي دكتورك حدد لك اسم العلاج الي يفكر يعطيك اياه ؟؟؟؟
دام عندك ملف بالشميسي اجزمي وابدأي فيه