الحب اسرار
حياك الله معنا اخت وكلنا نفضفض لبعض لإن حاسين بنفس المعاناة
والحال من بعضه قليل الي يحسون فينا ويفهمون مرضنا
حتى انا ماتزوجت وعادي لايضيق صدرك كلللللللله نصيب
وكثير مرضى بامراض اشد وتزوجوا
وبالنسبة لابر الهوميرا هي من انواع العلاجات البيولوجيه
وغالبا ماتوجد الا بمستشفيات حكومية لان تكلفتها جدا عاليه
ولازم تحت اشراف طبيب

بداية الحياة
جزاك الله خير عللا رفع معنويات الحب اسرار والجميع
الله يخلي لك عيالك ويسخر لك زوجك

لا ماقد خذت هالابر
انا اخذ :
1-ميثوتريكسيت 7 حبات بالاسبوع << صارت 7 من قريب كانت 6 وبديت من 10 شهور ب 3 وزادت تدريجيا
ا2-البلاكونيل حبة 200 واصلا مايقدر يعطيني اكثر عشان وزني
3-السلفا حبتين والمفروض 4 لكن رفضت لانه مره تعبني
4-الكورتزون حاليا حبة ونص
5-الاولفين50 (ديكوفليناك صوديوم ) او الفولتارين وله اسماء كثير حبتين باليوم ويقول مايقدر يعطيني شي اقوى عشان معدتي يالله متحمله هذا
قبل كذا خذت موبيك(كوكسيكام) كان اخف للمعده لكن بدون نتيجة واخذت كمان بروكسين لكن سبب لي ضيق نفس وخفقان
6-نيكسيوم حبة في اليوم لحماية المعدة
7-الفوليك 10ملجرام مره وحده اسبوعيا ويكون بينه وبين جرعة الميثوتريكسات يومين
وعلى امل لو بديت البيولوجي انه يخفف من الادوية الثانيه

هيفاء1981
انا رجعت للصفحات الاولى وجدت شيئين مهمين :

1- ماشاء الله عليك انك متثقفه عن هذا المرض وعندك معلومات انا كنت تاركه الجانب الطبي للمستشفيات وكنت ولازلت ابحث عن العلاج البديل لعل وعسى حتى لو ماجربت بس شئ من الامل

2-الحمد لله ما صارلك الا سنتين ويمكن حتى الاخت (الحب اسرار ) وغيركم المرض ما صارله سنين طويله وهذا يعني ان القدره على السيطره على المرض اسهل
فانا صارلي 12 سنه الفرق 10 سنوات الطب تطور وصار فيه انترنت يقدر الواحد يقرأ ويفهم اكثر عن حالته
واهم نصيحه لكم (الاخت خبره) انكم لا تتساهلون اذا زاد الالم او الورم في اي مفصل حتى لو في اصبع السبابه مثلا لازم تراجعون الدكتور لان معناتها المرض نشط ولا زم تتعدل الجرعه والا راح تفقدين هذا المفصل ماراح تقدرين تستخدمينه علاوه على تشوهه

واذا فات الفوت ما ينفع الصوت

هيفاء1981

اناماعرف ليه اادويتك كثيره بس اللي اعرفه ان الدكاتره يختلفون في سياستهم في دكاتره تكثف العلاج للسيطره السريعه على المرض ويحسون ان الخطر مو من العلاج بل من المرض والتهاباته

لاني شفت دكتوره عراقيه في مستشفى خاص استغربت ليه الدكتور قلل جرعة الميثوركسيت وقالت لازم يزيد وآخذ حبوب ثانيه معي راح اكتبلك اسمها لاني مااستخدمتهاHYDROXYCHLOROQUINE

بالنسبه لابره المفصل الملتهب ///***** الله ما تحتاجينها

بداية الحياة
الله يجزاك خير على النصائح
دكتوري يقول العبره مو بمدة المرض العبره بالشدة
فيه ناس يجلس فيهم سنين مايدرون لانه خفيف
وفيه ناس يبدأ وفي مدة قصير يكون جدا شرس الله يكفينا وياكم الشر
انا احب اقرا وافهم الي يمر فيني خاصة طريقة عمل الادوية عشان احرص
وبالنسبة لادويتي
بدت بالتدريج كل مره يزيد دواء جديد بدون مايحذف اي شي على امل نوصل لنتيجة
والHYDROXYCHLOROQUINE هو نفسه البلاكونيل وهو مضاد للملاريا اصلا لكن اكتشفوا انه مفيد في وضعنا
وليه رفضتي تاخذينه؟
انا بدا الطبيب فيه لانه اخف نوع وما يأثر على الكبد ولا الكلى لكن ممكن يأثر على العيون عشان كذا لازم فحص كل 6شهور
وسألت طبيب عيون وطمني انه نادرا مايسبب مشكله الا بعد 5 او 6 سنوات من استخدامه واعتقد حتى مامنه مشكله خلال الحمل
لكن لما مانفع لحاله زود الميثوتريكسات وبعدها بشهور زود السلفازين
ولاحظت ان تسلسل طبيبي بالعلاج نفس طريقة الامريكان وحريص جدا ويتدرج بالعلاج لكن احس احيانا انه زيادة عن اللزوم
وله فترة يأجل في العلاج البيولوجي وله وجهة نظرة
اول كنت متخوفه منه لكن في الفترة الاخيره صرت الح على الطبيب اني اخذه
خاصة اني ماتزوجت معناة مافيه خوف اني اقطع العلاج عشان الحمل