رسيل :

أنا عندي بنتين وموظفة.. وما عندي شغالة.. صراحة أحياناً أحس أني مرتاحة.. على الأقل نفسياً.. لأني سبق وجربت الشغالات 3 مرات وتعبت منهم ومن مشاكلهم ومن الضيق اللي يسوونه في البيت.. خاصة الزوج اللي يتضايق منهم.. ممم.. لكن بصراحة تعبااااااااااااااااااانة جسدياً.. صحيح شريت غسالة أتومتتيك.. وغسالة صحون.. وبأشتري إن شاء الله مكواة بخار.. لكني أيضاً تعبااااااااااانة وأحس أني ما أقدر أخلي البيت نظيف 24 ساعة.. ودائماً إذا أحد زارني يكون بالصدفة البيت فوضى!!!.. مما يحطمني ويخجلني.. تعبت والله من شغل البيت.. والمشكلة ما فيه وقت للراحة والاسترخاء إلا بالسرقة.. والأهم ما فيه وقت أجلس مع زوجي وأروق وأسولف معه بدون إزعاج.. لكن رغم هذا أنا أهتم بأطفالي كثييييييييييييييييييييراً من النواحي التربوية ولله الحمد، وهذا الشيء الوحيد اللي لا يمكن أفرط فيه.. يعني أسبوعياً أشتري لهم مجلات أطفال هادفة وقصص علشان أحببهم في القراءة.. وأقص لهم كل ليلة تقريباً... وأشتري لهم ألعاب تعليمية ما بين فترة والثانية.. أنا ما أقصد الألعاب السخيفة.. لا أنا أقصد تعليمية تعلمهم العلوم والتاريخ والجغرافيا.. وأحاول أعلمهم أشياء أكبر من عمرهم.. وحاطتلهم قناة المجد للأطفال.. وأشتري لهم أشرطة فيديو إسلامية.. وأشرطة كمبيوتر تعليمية.. وأحاول أجلس معهم وأسولف معهم وأقص لهم قصص السيرة والصحابة وقصص الأنبياء عليهم السلام.. وفي مكتبتي يمكن 50 كتاب وشريط في تربية الأطفال وحدها.. هذا غير إني ألعب معهم وأمثل معهم مسرحيات هادفة.. يعني صدقيني.. رغم التعب والإرهاق.. خلي الصحون والملابس تروح في ستين داهية.. أهم شيء لا تفرطين في تربية الأطفال وبناء شخصياتهم الإسلامية الواعية والقيادية.. والله يعينا ويأجرنا..

أنا عندي بنتين وموظفة.. وما عندي شغالة.. صراحة أحياناً أحس أني مرتاحة.. على الأقل نفسياً.....

اكاليل الورد :

ياحبيبتي عندي4الله يصلحهم حركتهم كثيرة ومزعجين جداالله يعينني وماعندي شغالة وبيتي دورين واثنين يدرسون يبغالهم تدريس وطبخ وغسيل وكنس واطفال صغار وووو........... ظهري انكسر ونفسيتي تعبت ودائما اعصب واضرب اطفالي ونومي صار قليل وعبادتي لله قليله والزوج اخر ماافكر الظاهر متزوج وانا مادري لان عندنا بالسعوديه زواج مسيار الله يعين الجميع

ياحبيبتي عندي4الله يصلحهم حركتهم كثيرة ومزعجين جداالله يعينني وماعندي شغالة وبيتي دورين واثنين...

أم ميثا :

أنا حامل وعندي ولد (سنتين) وبنت (سنه) وبيتي دورين ...والمطبخ والغسالة خارج البيت في الملاحق طول عمري وأنا عايشة عالخدم كان عندي خدامتين مب خدامة وحدة .... وحدة للطبخ والشغل والثانية تساعدني في تربية العيال ولكن من سنه تقريباً وأنا بروحي ما عندي شغالة أول استغنيت عن الطباخة وبعدها بست شهور استغنيت عن المربية لأنهم طلعوا الشيب في راسي من أرفهم الله لا يردهم وتبين الصدق أنا عايبني الوضع ولقيت شي أشغل فيه وقتي بدل ما أنا طول الوقت يالسة مجابلة النت والتلفزيون حسيت انه الوقت يطير من بعد ما كان ما يمر مووووول زوجي مب مرتاح لأنه تعبان من هالوضع وهو متعود على الخدم وانه كل شي اييه جاهز بدون تعب لكن أنا مرتاحة نفسياً واللي معرقلني الأطفال :( المصيبة تكمن في الأطفال طول ما هم واعين ما أقدر أسوي شي غير اني أهديهم وأففكك من بينهم و شجاراتهم اللي ما تنتهي وطلباتهم وهذا غير المصايب اللي يسوونها إذا في لحظة غفلت عنهم كل شي أسويه وهم نيام وهذا نادر ما يحدث لكن شو أسوي أتمنى أغير تصميم البيت بحيث أقفل الغرف والحمامات الغير مستخدمة والصالات أيضاً لأن بيتي كل صالاته مفتوحة ولذلك لازمها تنظيف أتمنى أبني مطبخ داخلي بدال ما أصك درب لبرع كل ما بغيت شي من المطبخ أتمنى أشتري غسالة أوتوماتيكية ونشافة وغسالة مواعين بعد وكل جهاز يسهل حياتي وزوجي ما يحب يشتري أي شي من هالأشياء ولا يغير تصميم البيت ولا يضيف أقدر أشتري وأسوي كل شي من فلوسي بس ما أبغي أعود زوجي اني أشتري كل شي أبغيه هو يشتري ويحس بالبيت ومسؤلياته

أنا حامل وعندي ولد (سنتين) وبنت (سنه) وبيتي دورين ...والمطبخ والغسالة خارج البيت في...