اولادك الله يخليهم لك مافيهم الا العاااااااااااافيه ان شاء الله ...طفي التلفزيون واكسري الرسيفر .خلاص وادمجيهم مع اطفال ثانين وسولفي معهم كثير حتى لو مافهموك وخرجيهم من البيت دايما ....شهرين بس انتظمي على الي قلت لك ..وتعالي قولي ايش صار ورح تدعييييي لي .بنتي كانت نفس حركاااااتهم .

يمكن طيف توحدي وعلاجه سهل اتركي التلفزيون وعطيه الوان وصلصال خليه يمارس اللعب البدني والذهني وان شا الله يتحسن يمكن عند ولدك موية ورا الطبلة بنتي كانت كذا تاخرت في النطق وما ترد علينا ابدا وصارت موية ورا الطبله والله ما تكلمت الا بعمر اربع سنين بس ابطمنك التوحد في عمر طفلك باذن الله علاجه سهل راجعي به ولا تخلينه

ياناس التوحد انتشر بشكل مرعب يارب يارب تحمي اطفالنا منه انا من حملت وانا في رعب وزاد لما عرفت اني حامل بتؤم اولا لاني عندي ولد عنده ضمور وثانيا لاني شفت كيف التوحد انتشر وخفت ولحد الان مع ان بناتي نموهن وتطورهن طبيعي ومالهم علاقه بالتلفزيون نهائي الا اني خايفه واتمنى يكبرون بسرعه واشوفهن طبيعيات
ولدي ماعمري كشفت عليه من ناحية التوحد لانه متفوق في المدرسه وماعنده من حركات التوحد الا الرفرفه والتنطيط واكتشفنا مؤخرا ان عنده متلازمة نونان لكن الى الان مابدينا بالتحاليل اللازمه
فالتوحد الصراحه في السنوات الاخيره هو والاعاقات الثانيه انتشر بمجتمعنا وصار مافيه بيت يخلو من طفل توحدي او عنده اعاقه عقليه او جسديه ومدري وش تغير هو نظام المعيشه الحين او اكلنا فيه شي مو طبيعي او هي حرب خارجيه الله اعلم لكن والله كل ماتذكرت بيت من بيوت اقاربي الا يطلع عندهم طفل فيه توحد مع ان من زمان الحريم تحمل وتولد بدون مشاكل والاطفال طبيعيين ماشاء الله
اختي عندها طفل كان طبيعي الى بعد سنتين بدى يتغير تدريجي لين شخصوا حالته طيف توحد
ووحده من خواتي عندها 3الكبير الحمدلله الله نجاه الاثنين الباقين بنت وولد حطت لهم تلفزيون في غرفتهك وارتاحت انه خف ازعاجهم وصاروا في غرفتهم 24ساعه مايطلعون الا اذا كانوا جوعانين والولد كان يرفض حتى يطلع معهم لما يروحون مشوار وكانت توصي عليه اهلي لان هم بنفس العماره وشوي شوي بدت تظهر عليهم علامات بعد ماكانوا طبيعيين منها التنطيط في الليل والصراخ المتواصل خصوصا الولد البنت بس كانت تنط واستيعابها قل الولد صار يكرر الكلام وهو كان يتكلم من قبل صار يصدر اصوات ودايم متوتر ويعض اصابيعه ولما يطلب منه شي ماينفذ وكان كل وقتهم على كرتون بالعربيه وام بي سي 3 وطيور الجنه
الان البنت تحسنت نوعا ما لانهم الان عند اهلي واندمجوا مع الناس اكثر وراحوا المدرسه لكن مستوياتهم متدنيه والولد احيانا احسه طبيعي واحيانا لا لكن افضل من قبل لانهم ابتعدوا عن التلفزيون والله يشفيهم وجميع مرضى المسلمين
وانا اشوف ان الرقيه علاج مهم وقد يكون هو العلاج الاول لمرض التوحد
وطفلك مازال صغير وان شاء الله راح يتحسن ادعي له وحصنيه بالاذكار وارقيه كل يوم والعبي معاه العاب تنمي ذكاء الطفل ويارب تفرحي فيه وتقر عينك بشوفته صحيح معافى