ارجو دخول البنات الغير متزوجات :)

السلام عليكم ورحمة الله وبركاته

عسااااااااكم بصحة وعافية

انا عندي احساس غريب واتمنى تقولون لي هل انا معقدة او مكبرة الموضوع او مادري بصراحة

اشتاق كثير يكون لي بيت بروحي ....مادري ليش مهما كان احس بيت اهلي مش بيتي واحس انه موضوع مؤقت وما احس باستقرار ابدا

تصدقون يابنات مرة سمعت حد من البيت يقول لامي بنحط غرف صغيرة للبنات في بيتنا الجديد لانه اصلا بيروحون والبيت بيكون باقي لاخر العنقود اللي بيتزوج والبيت بيبقى لهم ولاخوي الصغير(تعرفون ها الجملة كسرت خاطري كثير وضايقتني لاني حسيت ان مالي وجود وها الشئ حسسني اني ضيفة فعلا وكان يقولها بصوت خافت عشان ما اسمع)

تخيلو ان حتى لما اجلس فيه احس اني في اجازة وللاسف يتقدمون لي عرسان بس مش الازواج اللي اتمنى اصير لهم بسهولة واحس بخوف


قولولي يابنات هل العازبات يحسون بها الاحساس في بيت اهلهم؟