ارجو منكم المساعده او الدعاء

السلام عليكم ورحمة الله وبركاته

ارجو منكم الدعاء ان الله يفرج همي وايسر امري

انا لحد الان مصدومه ومب قادره اكلم احد الا انتوا يا خواتي

بختصر لكم الموضوع بس ما ابغي منكن غير الدعاء

السالفه ان وحده من صديقاتي الله لايسامحها على اللي سوته فيه
طلبيت مني سلف مبلغ كبير بعد ما شرحت لي ظروف زوجها وانه راح ينسجن وبيتبهدلون اذاما دفعوا هذا المبلغ
وخذت نصف المبلغ من عند اختي والنصف الثانس من عندي على اساس اني اسلفها واساعدها

وعطتني شيكات بالمبلغ على اساس بعد شهر

وطاف على الموضوع 4 شهور وكل ما اكلمها تتهرب صرفت الشيك وطلع الشيك من دون رصيد ولا حساب

الطامه الكبرى قالتلي اني انفصلت عن زوجي ولا بقدر ارجعهم لج
واتفقت مع اخت زوجها انهم ايطرشون لي المبلغ او راح اشتكي عليهم

ووافقوا وطرشو لي السايق
عشان اسلمه الشيك ويسلمني المبلغ
والحمدلله قلت له افتح الظرف واحسب الفلوس
فتح الظرف

تعرفون شو طلع في الظرف













اوراق خاليه
لا حول ولا قوة الا بالله
لاذمه ولاخوف من الله ولاضمير

ودريولهم من جنسيه عربيه
قالي اختي هذا الرجل لعوووب وكذاب واغسلي ايدك ما بتحصلين الفلوس
قالي انا معاشي ما يعطيني اياه الا بطلعت الروح



اتصلت في اخته وخبرتها بالموضوع سكتت وقالت انا مالي دعوه
يعني شو اسوي
المشكله ان زوجي واخواني مسافرين ....الله المستعان

يعني نصب واحتيال عيني عينك
حسبي الله عليه
الحمدلله اني ما عطيته الشيك اللهم لك الحمد


وان شاء الله اليوم راح اشتكي عليه
بس شو تنصحوني به
الله المستعان ..كنت ابغي اساعدهم وشوفوا شو سوو فيه لاحول ولاقوة الا بالله