ارجو من الاخوات يساعدوني ايش يسوون بفترة الدورة (الدورة متاخره علي)ساعدوني

نفس الاستفسار ارجو الافاده

اخواتي ان الذي جعلني اليوم اتطرق لهذا الموضوع لحزني على كثير من النساء
الواتي لا يعلمن عن ادق خصوصياتهن وقد يكون الموضوع حساس ولكنه مهم جداًَ
طبعا أغلب البنآت بهالوقت فيهم نفس الأعراض بس ولا وحده منهم عندها خلفيه عن هذي الأعراض
طبعاً هالأعراض ماتنعرف الا لما تتزوج البنت
وتعالي اخذي من الكلام اللي يجرح اذا كان الزوج عنده خلفية عن هالشي بقول لكم عن وحده من البنات
تقول لنا
أنا سمعت عن واحدة قال لها زوجها أول زواجهم روحي لبيت أهلك خلي أمك تعالجك بعدين تعالي

نعم ارحامها خويانه لأسباب صحيه سيئه لم تلتزم بها اثناء فترة الحيض..والحمد لله ان جدتي (الله يرحمها) كانت تعرف بهذه الأمور وقد اخذت عنها الشيء القليل واريد المنفعه للجميع ان شاء الله
ان السيده الخربانه لاتعيش حياة طبيعيه سواء تزوجت او لم تتزوج لأسباب وهي:
علامات الخراب التي تسبب لها الكثير من الإحراج وخاصة في المراحل المتقدمة
لما تتزوج يعني
ايضا تكون سبب في عدم السعاده الزوجية للمتزوجين وخاصة الأزواج لذلك تجد الزوجه تشعر بنفور الزوج ولا تدري ما السبب
وسوف اضرب لكن امثله : ورد الجوري رائع المنظر والرئحه كريه الطعم ولو اجبرتي على اكله لكرهتيه,
الكيوي كريه المنظرلارائحة له ولكن لذيذ الطعم لذلك تحبيه وتنسي شكله ,اما اليوسف افندي حلو المنظر حلو الرائحه حلو المذاق , فالمثال الأول للمرأه النظيفة الجميله ولكن خربانه,
الثاني للمرأه القبيحه التي لاتهتم بنفسها لكن (جنان) يعني حلوه من جوا غير خربانه, اما لأخيره فهي الجميلة المظهر والرائحة وممتازه جدا من الداخل
وأن شاء الله الي سوف تتابعني سوف تكون من هذا الصنف
علامات الخراب ماهي:
خروج سوائل بكثرة طوال اليوم تقريبا
بعض الحالات معها رائحة كريهه
بعض الحالات يخرج منها هواء من منطقة المهبل مع صوت محرج
مسببات الخراب كثيرة:
وكلها اثناء فترة الحيض او النفاس او العوار
(الإسقاط)
.*.
تعآلوا نشوف بعض من أعراض الخوا اللي تعاني منه اختنا iam here
كيفكم بناتـ ..
انــا من فترة سمعت عن الخراب وقلت خلن ابحث عنه واشووف وش سالفته وطلع لي موضووع
بمنتداكم الله يسعدهــا اللي كتبت عنه .. فتحت عيووني ع اشياء كثيرة كنت غافله عنها
والمصيبه .. ان امي ماعمرها تكلمت معنــآ عن هذا الموضووع ...
واستحي اقوول لها ..
فالللي ابيه منكم خواتي .. تساعدووني ..
انــا عمري 23 سنة وبصراحة وقت الدورة عندي زي اي وقت ثاني اكل كل شيء واشرب الغازيات
يعني اكل الممنوع مثل ماقريت بالموضووع اللي شفته بمنتداكم ..
فسؤالي عن الغازات اللي تقوولون تطلع اصوات في البطن .. كيف هذي الاصوات
هل هي زي صووت الجووعـ لماتكووني جوعآآنه او لها اصوات ثانيه ؟؟
والافرازات اللي تقولوون تطلعـ كيف يعني تكوون تنزل باستمرار او كيف؟؟
لاني يصير معي كذا واحيانا لا اكون طبيعيه يعني ماينزل شيء ..
وايام ماكنت بالمتوسط كانت وحده من المدرسات تسوولف معنا عن هالافرازات تقوول
انها تنزل من الحركة وانتم تقوولوا خراب كيف ..
تكفووني علموووني وش هذا خراب او لا .. عآآآد انــا زواجي قرب وابي فزعتكم
واللي عندها حل .. وش هو لاتبخل علي الله يسعدها ويحقق لها اللي ببالها ..
..
هذا نوع من الأعراض وهالأصوات تكون طالعه مو من المعده لآآآ تكون طآلعه من ماتحت السرهـ يآحلوات و
فترة العلاج لن تكون إلاوقت الدورة فقط.... باقي الأيام ماتفرق
.
.
تصدقين حبيبتي قاعده اقرأ الموضوع وامي عندي
سألتها وش تسوي اللي معها غازات من المهبل
قالت هذي خربانه وربي انصدمت ماعمر امي جابت هالكلام لنا
قالت هذي اللي ماتأكل وتنام وهي عليها الدوره اكرمك الله
قالت لازم تأكل ودفي حالها بالبرد واشربي شاي القرفه والكمون والنعناع
مع بعض والله يشفيك..وادعي لامي ولي
إسمعوا الكلام يابنات
والله احنا مسآكين :(
...
بمفهومنا العامي ما هي الأسباب اللي تسبب هذه المشاكل كلها؟
النوم إلى القايلة وعدم الأستيقاظ باكراً وتناول الفطور حتى يمتلىء البطن بالهواء ( وهذا اللي صار معي أنا ما أعترف في وجبة أسمها فطور أستأهل اللي صار لي)
كثيرة شرب الماء..وخاصة في فترة الدورة..ومع الأكل..وخاصة الماء البارد..وجميع السوائل الباردة..
-الجوع في فترة الدورة أو النفاس أو بعد الإسقاط..
لابد من الاهتمام بتناول الوجبات كاملة..وحتى بين الوجبات..لابد من تناول وجبات خفيفة (الريجيم أثناء الدورة النفاس ممنوع)..
-التخمة(كثرة الأكل)في فترة الدورة أو النفاس أو بعد الإسقاط..
-التعرض لتيار هوائي في نفس الفترات..
-إطالة مدة الجلوس في الحمام أكرمكن الله..
-إهمال نظافة المنطقة وعدم الاهتمام بتجفيفها ولبس الملابس الداخلية الغير طبيعية حيث ان القطن هو الأنسب والأفضل..وسبب أخر وهو الملابس الداخلية الضيقة..
-بعض المأكولات مثل الملوخية..البامية..البصل الأخضر..البطيخ والشمام..الطماطم..
-المشروبات الباردة..والايس كريم..المشروبات الغازية..جميع المشروبات المصنعة والمعلبة..
-المأكولات المعلبة والمصنعة..
-الحمضيات وخاصة الليمون..الموز..
-استخدام الدش المهبلي..
-تعريض القدمين للبرد والمشي بدون حذاء..حيث يفضل في فترة الدورة لبس جوارب..
-حمل او دفع الأجسام الثقيلة..
-كثرة الاستحمام..حيث يفضل الاستحمام مرتين فقط أو حتى مرة في الأسبوع..
وباقي الأيام ممكن مسح مناطق الجسم الأخرى بفوطه مبلولة..لا تغسلي رأسك أو شعرك..ولا المنطقة اسفل السرة..واكتفي بالوضوء السريع..
-لا تستخدمي الا الفوط المصنوعة من مواد طبيعية(القطن)..وابتعدي عن الانسجة المصنعة..
- اكبر خطأ ..انك تغسلين منطقة المهبل بالماء والصابون
.
خلطة تستخدم في أول ثلاث أيام من الدورة..أو 20 يوم من فترة النفاس:
نصف ك حبة سوداء
فنجان قهوة حبة حلوة
ملعقة ك قرنفل
اخلطيها وتناولي ملعقتين منها على الريق مع حليب..
ثم تناولي تمر ولا تكثري اجعليها 7 تمرات في الصباح و7 في المساء..ويفضل يضاف إليه بعض حبات الرشاد..
شاي الأعشاب..يتم تناوله في فترة الصباح والعصر..
ميرميه
أعواد شيح
كمون
حبه سوداء
قيصوم
قشرقهوه
نونخه
دارسين
ينسون
اخلطيها بكميات متساوية أو ما يتوفر منها عندك..
بنآت لآتستخدمون العنزروت سواء تعرفونه او لآ لان جآبر القحطآني يقول العنزروت للإستخدأم الخآرجي فقط
.
نصيحة أم مشآري
البنات يقدرون يستعملون كل شي ماعدا التحميلات
علما بأني ماأنصح فيهن لان المره فيها طبيعه صمغيه
فتلزق في عنق الرحم وتجمع كتل الدم وممكن تسبب منع حمل
وهذا الشي صار لقريبه لي ولما كشفو عليها الاطباء
قالو لها هذا ورم ولازم نستاصل الرحم
وبعد ماشالوه حللو الورم لقوه ادويه شعبيه

لانها ادويه ماهي مرغوبه وكذلك تجنبي العفص
---------وخذي قاعده اذا اكلتي الحلبه في دورتك في الايام الاولى
لازم تاكلين رشاد بعده والرشاد يلهم على شكله مايطحن
لانه اذا طحن يصير حار على الارحام
حبيبتي عليك بالبابونج المغلي تشطفي فية
.
.
نصيحة أم دإنه
لكن عندي لك شي مجرب
وهو تاخذين قشر بصل وشويه من الحبه السوده وشوية مره تدقينها وفيه شي حنا نسميه (الخوه جوه) يكون افضل لو لقيتيه ولكن اللي بالاول يكفي
تاخذين لك مثل المله وتحطين فيها شوية رمل وتاخذين لك جمره وتشعلينها وتحطينها فوق الرمل وتاخذين هالمله وتحطينها اعزكم الله في المرحاض طيب وتحطين الخلطه اللي قلت لك عليها وتقعدين فوقها يعني تتبخرين من تحت (عزكم الله) وبس بتحسين انه مثل الماي ينزل معك وتداومين عليها كل ماتحسين نفسك فاضيه والمده هذه تكون في ثالث ايام الدورة الشهريه
وبس وفيه شي يخلصك من الغازات مثل النعناع تسوينه مثل الشاي وتشربينه
وبس اتمنى اني اكون افدتك واذا مافهمتي علي انا تحت امرك مستعده اوضح لك زياده
واهم شي نسيت اقوله بالبداية في فترة الدورة الشهريه يجب انك ماتمشين حافيه او تلبسين (دلاغات) شرابات خاصه اذا كان نضام البيت رخام او سيراميك وانك تلبس فوق (الاندر وير) الهاف سروال (او بنطلون)اهم شي علشانه يمنع الهوى
واسمعي مهما نصحك احد كونك بنت لاتحطين اي تحاميل مهبليه لانها والعياذ بالله قد تفقدك عذريتك
وبس
..
تعآلوا شوفوا الأخت بقايا ذكريآت
أنا من البنات اللي كانوا يعانون من الاعراض السابقه
وكنت احسبها اعراض تصيب النساء جميعهن
الى ان سألت جدتي وحصلت لي كم تهزيئه وقالت انتِ بنت يبغالك عـــــــلاج ومن النصائح اللي قالتها لــــــــــــــي:
1/ لاتجـــــــــــــــــــوعين في وقت الدوره.
2/لاتشــــــــــــــــــربين مشروبات غازيه أومشروبات بــــــــــــــارده وقت الدوره>>>>انا من سنه والحمد لله تركت المشروبات الغازيه
3/ممنوع وقت الدوره اكل الباميه...القرع..القرنبيط ...ورق العــــــــــــــــــــــــنب ..البرتقال ...الليمون...
4/ممنوع شرب اللـــــــــــــــــــــبن واكل الزبادي ..
5/اشربي شاي القرفه واليانسون
6/تدفـــــــــــــــــــــــــــــــــــــــــــــــ ـــــي ززززززززززززززين في وقت الدوره والبسي شورت وشرابات ولاتجلسين على البلاط البارد (لللطالبات)
7/حاولي قبل الدوره تتسبحين واول يومين لاتتسبحين ولاتطولين في الحمام >>وانتم بكرامه ...وفيه بنات حتى لوماتسبحوا يــــــــــــغسلون شعورهم وهذا مو زين ..
لازم أنك تطفين مروحه الشفط اللي بدورة المياه( الله يكرمكم ) سواء في الدوره أو غيره و إذا طلعتي شغليها


والحمد لله اختفت الاعراض اللي كنت احس فيها ...وباذن الله تعالى البنات اللي يعانون من هاالاعراض اذا التزمــــــــوا بهاالاشياء راح يتشـــــــــــــــافون
..
هههههه شوفوا نصيحة وحده من البنآت لوحده مستحيه تقول لأمها عن مشآكلها
ولو تسأليني ليش أبقولك ما أدري لأن أمهاتنا يقولن لنا لا تسوين و لا تأكلين و إذا قلتي لها ليش تقول بس ما يصلح للبنت من دون تفسير ... الله يهديهن لو يفسرن كان طارت قلوبنا و سمعنا كلامهن .... بس لما كانن يقولن لنا هالكلام كنا نقول تخاريف الأولين و ما نحرص ........... وزي ماقالوا الاخوات لا توسوسين و لسى قدامك وقت وكلنا مع التجهيز راح نتبع نظام غذائي في أيام الدوره .... ياليت اللي عندها نظام مفيد تكتبه هنا عشان كلنا نستفيد و نتبعه و يكون لها الاجر أبكتب اللي أعرفه و ياليت تشاركوني
الفطور ( ولازم يكون بدري مو إذا قمتي الظهر يعني الساعه 7 أو 8 يفضل قبل ما يقومون أهل البيت ) تمر مع سمن أو زبده إذا ما لقيتي مع رشاد مع حبه سودا >>> تسخنين التمر و تحطين الزبده وتعفسينه مع الرشاد و الحبه السودا .... تسوين الكويه اللي تكفيك أيام الدوره و تحطيها بعلبه بلاستيك و تحطينها إما بدولاب المطبخ أو بغرفتك إذا غرفتك بروحك عشان ما يشوفك أحد
وتسخنين لك حليب و تحطين معه حلبه تغلينهم مع بعض أو تغلين الحليب بعدين تضيفين الحلبه
وتأكلين التمر مع الحليب ( الرشاد ريحته قويه بس عادي غسلي يدينك بالصابونوعطريهن بأي عطر عندك و فرشي أسنانك و كولي علك بالنكهات يروح الريحه مباشره
و بعدها إذا حبيتي تنامي أو عادي
وإذا أفطروا أهلك أفطري معهم بس على حسب فطورهم إذا فيه شيء ممنوع لا تأكلينه كولي خبزه بجبنه بكراث أو جرجير على راحتك وأشربي شاي القرفه مع الكمون ( تفوحين ما و تحطين عليه 2م قرفه و 2م كمون و تخلينهم يطبخون على نار هاديه ربع ساعه )وهذا الشاي ممكن تسوينه الصبح و تحطينه بزمزميه ( دفايه ) و تحطينه بغرفتك و تشربين منها متى ما بغيتي
و الغدا عادي إلا إذا كان فيه مرقة خضار لا تأكلين المرقه بس الرز و اللحم أو الدجاج عادي ... الزبادي و اللبن ممنوع بهالفتره لانهم حوامض
والعصر أو المغرب تتقهوين القهوه بس تحطين بفنجالك قطعه صغيره من المقل ( تطلبينها من العطار و تجيك لونها عسلي غامق مره مايل للسواد و تكون تتدبق مثل ملمس التمره بس أخف شوي ) هذي حلوه تطرد الهوا .... وإذا فيه نقوعه ( خلطه تباع عند العطار مطحونه ) بعد تحطينها بفنجالك >>>> و تتقهوين على تمر عادي أو اللي مع رشاد على حسب وضعك مع أهلك
والعشاء عادي بس أهم شيء ما فيه ممنوعات و حاولي يكون من الطبخات الدافيه مثل المطازيز أو المرقوق أو القرصان بس أهم شيء من دون الخضار
شاي القرفه و حليب الحلبه سمعت أنه بس الثلاث الأيام الأولى

..
..
تجربة قآيده في منتدى الفرآشه النسآئي
بعد ماكانت تعاني من الخوى والهواء في الرحم والمهبل واستفادت من هالتجربه
v
لازم تتحملين بعدين الدورة كلها 6ايام حتى تتعالجين لازم تمشين على النظام شوفي أنا ماسويت كل اللي بالنظام بس سويت الاساسيات
يعني ابتعدي عن الممنوعات لالالا للجوع لالالا للبرد
اصحى بدري واشرب حليب حار مع ملعقة حلبة وافطر عصيدة او اي شي اذا كنت كسلانة ماابي اسوي عصيدة
بس مايكون من الممنوعات
مااجوع واذ ا جعت اكلت تمرة معفوسة بالرشاد
كل ماحست بالم شربت شاهي مكون من حلبة وقرفة وكمون
واغسل المنطقة اللي خابره بموية حارة وملح واهم من كذا لازم تجففينها زين
وبس وبصراحة حسيت بفرق الاعراض خفت والحمد لله
وحتى لو كنتي ماتعانين من الاعراض لازم تعتنين بنفسك ايام الدورة حتى مايصير لك شئ

..
والله أتوقع كل وحده حآطه يدها على فمها وتقول يآويلي
:)
حبيبآتي البنآت
عندكم فرصة تسآعدون أنفسكم بالدوره الجآيه
واللي تقول يآآآآآي ماأقدر اكل هالأدويه
أقول لها انتي كيفج حبيبتي
وعلى فكره يآبنآت هالشي اذا ماعالجتوه من البدايه والله توصلون لمرحله تندبون فيه على حظكم
طبعا انا ذكرت لكم فوق شو تاكلون وشو تشربون وشو تسوون بعد
اهم شي الممنوعآآآآآآآآآآآآت يالغاليآت
لآ تقولين مره وحده بشرب كآس بارد او ميته حر بالطقاق في الدوره < زي محسوبتكم
والله اني ندمآنه اني ماكنت اسمع كلام أمي
المشكله ان بعض الأمهات مو مؤهلات بهالأمور
او ماعندهم ثقافه بشغلات الحريم على انهم أنجبوا سبعطعش الف مره
واستغرب كثيررر من رفيجآتي لما مايكونون يعرفون هالكلام
ويقولون لي أول مره اسمع هالحكي
اقول لهم وليه أمهاتكم
عجبي على امهات هاليومين
الموهيم ياصبايا
تلخيص لكل الكلام
العلاج _ والنظام المتبع أثناء الدورة
تقسمين دورتك قسمين مثلا الغالبية دورتهن 6 ايام
يعني نقسمها على اثنين يعني يطلع كل قسم 3 ايام
نبدأ بالقسم الاول
1- اول يوم بالدورة ما لك خلق تعبانة وطفشانة وقرفانة وماتشتهين الاكل ومع ذلك لازم تصحين بدري تقريبا من الساعة 6 الى 7ونص وتسفين على الريق أوتلهمين ملعقتين كبار من اللهوم أو السفوف وتشربين كأس حليب حار
وراح احط لكم ثلاث انواع من السفوف اللي يناسبك اخذيه مو تاخذين الثلاث واحد منهم بس وراح اذكر المصدر اللي اخذته منه
1-(كوب حلبة+نص كوب حبة سوداء+فنجان حبة حلوة+ملعقة كبيره قرنفل) وهذا من نظام فيافي
2-خلطة الايام الاول من الدورة
فنجا ن من سويد(حبة سوداء) وكمون وملعقة كبيرة عدس ونصف ملعقة فلفل اسود وماش وهذي من الاخت &fulla2006& وهي مجربتها
3-حلبه مطحونه مع ماش مطحون سوي وهذي من الاخت دلع لرياض (وأنا راح اسوي هذي لانها الاسهل واغلب البنات اتفقوا على الحلبة )
2- بعدين تفطرين فيه نوعين اختاري اللي يعجبك
1-عصيدة التمر المحلاة وهي عباره عن( كوب تمر بدون النوى + 4كوب ماء)
أنقعي التمر في الماء من الليل ثم توضع في الخلاط وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثل الباشميل والافضل ان تكون اثقل من الباشميل ثم تضيفين إليها فلفل اسود وحب الرشاد,
2-أو تأكلين مع قهوة (و الاخت الفرس وامها تقول القهوة حطي عليها ملعقة صغيرة كمون في فنجالك)(الكمون طارد للغازات) تمر معبوط + م.ك. سمن غنم او زبدة (المقادير على راحتك) يطبخ على النار هادئه حتي يذوب التمر قليلامع شوي تحريك ,بعدين اضيفي الرشاد وهو حب ناشف وكثري شوي (وهي أفيد من العصيدة) , حافظي على اكلها فهي تسمى (ربيبة الارحام) ولايمكن تتخيلين فأيدتها والسمن البلدي
3- أرجعي نامي وأصحي مع أهلك أذا قاموا وأفطري معهم لكن حذاري من المعلبات
4- الظهر نشرب شاهي الاعشاب( اللي في نظام فيافي مكوناته كثيرة لذلك راح ناخذ شاي الاعشاب اللي ذكروه لنا الفرشات في بداية الموضوع )
1-ويتكون من ( حلبة + كمون + يانسون + نعناع + قرفة )
2-أو شاي زهورات
3- أو زعتر
المتوفر عندك سويه شاهي عادي واشربيه لكن الافضل واللي أجمع عليه عدد كبير من الفراشات الخلطة الاولى تقدرين تستغنين عن اليانسون وباقي المكونات اكيد موجودة في البيت
4- ويجي وقت الغداء تغدي عادي وابتعدي عن الممنوعات اللي ذكرناها سابقاً
بعد الغداء بربع ساعه عليك بمنقوع التالي: ( م.ك.عنزروت+م.ص.مره+ م ص محلب) في كوب ماء تكونين قبل الظهر ناقعتها في كوب الماء وبعد الغداء بربع ساعه او نص اشربيها وتراها مرررة بس تحملي
لانها تعمل كمهضم وملين وتنضف الأمعاء (هذي من نظام فيافي )
5- فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق
اذا جعتي كلي ماتشتهي نفسك إلا الممنوع ممكن شابوره بر
6- العشــــــــاء:المجال امامك مفتوح الا الممنوعات اهم شي لاتجوعين
خلي عندك تمرة معفوسة برشاد وسمن بري في غرفتك واذا جعتي اكلي منها واذا بغتي تقهوين هذه هي تمرتك وحطي في فنجالك كمون او عنزروت مع القهوة لانه مفيد جدا لا تشربين قهوة عادية لازم عليها شي
الايام الاخيرة
خذي التالي 2 ملعقة كبيرة من السفوف التالي على الريق مع شاهي الاعشاب السابق,السفوف هو:
1-اطحني(كوب حبة سوداء+م.ك.قرنفل+ م.ك.دارسين(قرفة)+م.ك.فلفل اسود+ م.ص.محلب+ فنجان كمون+ م.ك. نونخة + فنجان صغير حبة حلوة(شمر))+فنجان رشاد غير مطحون (هذا من نظام فيافي)
2- انا راح احط سفوف عبارة عن ماش + حبة سوداء
والحلبة وما تاكلينها الايام الاخيرة لانها ترخي الرحم والرحم في اايام الاخيرة يبدأ يشتد
والباقي زي ماهو مايتغير
نجي الحين للاعتناء بالمنطقة الخاصة اهم شي النظافة كيف تنظفينها واحنا قلنا ابتعدي عن الموية في غسول نسويه
1- غسول التشطف للمناطق الدخليه يكون يوميا باستخدام الغسول التالي لمنطقة المهبل وهو:
( ارطا تكسرينه + يطبخ مع ماء + ملح) تلاحضين لونه يتحول الى الاحمر لاتخافي عادي ثم صفيه وضعيه في جركل وتوضئي منه يومياَ
( انا اقدرها تقدير ولكن خذي مقدار 3كوب ارطا +1كوب ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه ,الغسول مرة في اليوم ايام الحيض والنفاس واكتفي بالتنشف بالمناديل
,اغلي الارطى مع الماء والملح لمدة ربع ساعه وبعدين صفيه واحفظيه للاستخدام لتشطيف تلك المناطق) وهذا الغسول تبع نظام فيافي
2- نوع ثاني وهذا انا اسويه وهو ماء حار + ملح وكثري الملح ونظفي المنطقة ونشفي بالمناديل على طول لا تتركينها مبللة
لكن ارجع وانبه ان الجوع او الرجيم في تلك الفترة ممنوع .لابأس با لسمك والروبيان,
تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار
وتستخدم السفوف وشاي الاعشاب والتمرة مع الرشاد مهمه
يافراشات فيه تحاميل مهبلية وفيه بخور (او كبو ) واحنا بنات ما نبي نجرب في انفسنا يعني لا تسونها (التحاميل والكبو هي موجودة في نظام فيافي انا ماكتبتها
) النظام اللي احنا سويناه يكفي وزيادة

وتشوفين اول ماتستخدمينها تنزل كل الوصخ المتجمد في بطنك
وتحسين ان الدوره تصير مره عن مره احسن بأذن الله
تاكلينها ملعقتيين صغيره على فكة الريق
اول ثلاث ايام من الدوره
وتصلح لنفاس رووووووووووووووووووعه
الطريقه
سكر نبات
حلبة مدقوقه غير مطحونه
ليمون اسود
دارسين
زنجبيل
كمون
فلفل اسود
شوي مره
نصف ملعقه رشاد لغير الحامل

الطريقه
اخلطيها مع بعض وخليها عندك في علبه
***
ومني نصيحه اول 3 ايام عليك بالحلبه والرشاد
بس لاتكثرين رشاد لانه يسبب تسلخات في جدار الرحم يعني 3 ايام مع تمر معفوس او معبوط تاكلين منه على فكة الريق مع حليب دافي
وسلامتك الف سلامه ياقمررررررررررر
على فكرة انا بدوية بس حبيت اوضح ان الكل يعرف :)

طبعا انا ماعترف بشي اسمه خراب << مصطلح غبي مدري من وين طلعوه
اسمه خوى < يعني تعب وهوى بالأرحام
فالكلام اللي فوق انا من زمان ناسخته عندي يعني تجميعي فقط

والله انا بعد مثل الحاله

مع ان اسوي كل شي مفيد في الدوره يعني اكلي يكون منظم والبس

ومع ذلك كل شي غير

سويت تحليل هرمونات طلعت هرموناتي ما فيها اي شي الحمد الله


بس يقولون ان السمنه لها دور على الرحم

الله ينحفنا :44:

الله صدق النساء مالهم حيله في هذي الامور من جربت قهوة ام الفاتح