السلام عليكم ورحمة الله وبركاته
حبيت يا بنات اكتبلكم يلي صار معي مبارح لاني فعلا تعبانه وحاسه بالقهر :angry:
ما بطول عليكم مبارح كان ابني بيلعب وانا وابوه بنفس الغرفه وما بشوفو الا وهو جايه لعندي
وبقول لي ماما دخلت ورقه بادني للعلم هو عمرو 4 سنين ونص
حاولت طالعها ما قدرت حسيت انها دخلت بعمق
نزلنا المستوصف يلي ناحنا دخلونا لطبيب عام حاول يطلعها ما قدر
قال بدو دكتور مختص اذن قلنالو جيب دكتور قال اليوم الجمعه ما نقدر نجيبو
المهم دلنا على مشفى الايمان او الفلاح رحنا لمشفى الفلاح اول ما دخلنا لقينا دكتور سعودي
ماشالله عليه طيب كتير حاول يساعدنا ما قدر اخدنا للرسبشن وطلب من الموظف يناديلنا الدكتور
هون زوجي ما حامل معو مصاري سال الدكتور كم بتكلفني طبعا الواحد لازم يعرف منشان الاحراج :44:
فقالو الموظف 400 ريال وانت اجنبي ما عندك ملف معناها لازم تفتح ملف يعني الحكايه بدها 450 ريال غير الدواء
صراحه الله لا يدئيها على مخلوء نحنا هالوئت مالها مفروجه علينا المهم صار زوجي يقلو هي مشفى مسلمين يا جماعه نحنا ببلد الاسلام اتقو الله فينا :(
المهم طلعنا ونحنا عم نتخبط يمين ويسار سالت زوجي وين بدك تروح ئلي تعالي
نروح للمسيحين والمجوس احسن من المسلمين انا هون ئلت استغفر ربك وسكتت منشان شايفه زوجي معصب وما بدي ياه يغلط اكتر
المهم يا اخواتي رحنا للبطحا واتصور نحنا يوم الجمعه والله مشوار :44:
وصلنا لمستوصف دكاتره هنود وطبعا مو مسلمين متلنا دخلنا حكينا للموظف بدنا دكتور مختص بالاذن
عطانا رقم كان 36 والدور واصل 23 زوجي اخد اذنهم بانا ندخل كلهم وافقو ودخلونا بصدر رحب
لانهم في بقلوبهم رحمه شافو الصغير متوجع :44:
دخلنا للدكتور طلب من زوجي يدفع 50 ريال برا للموظف
وكان فاتح زوجي ملف ب 20 ريال
المهم يا بنات الحمد لله الدكتور طلعلو ياها وارتحنا وارتاح ابني والحمد لله :42:
العبره يا بنات ليش المسلمين صايرين هيك
ليش ما بفكرو باغاثه الملهوف
ليش كل شي مصاري مصاري
بتمنى من االمسؤولين عن هالشي يراعو ظروفنا نحنا المقيمين ويفكرو شوي
بئلب رحيم يعني لو نحنا مرتاحين ببلادنا ليش لنتغرب
اسفه للاطاله بس والله حبيت فش البي لناس تسمعني وما لئيت ناحي الا انتو :angry:
والسلام عليكم ورحمة الله وبركاته
اختكم هادية الطباع
هادية الطباع @hady_altbaaa_2
عضوة جديدة
يلزم عليك تسجيل الدخول أولًا لكتابة تعليق.
ثلج البيت بشكرك كتير لمرورك
بس انا يلي حبيت وصلو ئلكم ليش الهنود يلي ما عندهم دين يكونو احسن من المسلمين بتعاملهم معنا
على كل حال بشكرك كتير لمرورك وردك
بس انا يلي حبيت وصلو ئلكم ليش الهنود يلي ما عندهم دين يكونو احسن من المسلمين بتعاملهم معنا
على كل حال بشكرك كتير لمرورك وردك
tootah20 :
الحمدلله على سلامة ولدك وكان وديتيه اي مستشفى حكومي عن طريق الاسعافالحمدلله على سلامة ولدك وكان وديتيه اي مستشفى حكومي عن طريق الاسعاف
الله يسلمك عزيزتي
ومنشان رائيك غاليتي مشافي الحكوميه يمكن ما عندك علم
صارو ما بيستقبلو الاجانب من زماااااان
مشكوره لحضورك والله يسلمك مره تانيه
ومنشان رائيك غاليتي مشافي الحكوميه يمكن ما عندك علم
صارو ما بيستقبلو الاجانب من زماااااان
مشكوره لحضورك والله يسلمك مره تانيه
الصفحة الأخيرة
وترى مستوصفات الهنود رخيصة جدا مافيها شي احنا احيانا نتعالج عندهم الكشفية ب15 ريال .
بس انتي ادعي ان الله يحنن قلوب عباده لك ويكتبلك الخير وين ما كان