السلام عليكم ورحمة الله وبركاته
اخواتي الحوائيات كلا لها عيوب بس الواحد يمشي على مقولة اذا ابتليتم فاستتروا
اذا كنتي بجلسة حريم وقابلتك ذيك الحرمه الي لسانها ما يوقف عن الحكي
فلانه فيها وبنات فلانه مو متربيات يغازلن ويسون علاقات ويتعرفون بالنت وووووو الخ ....
وانا اعرف بناتها زين واسمع بكل الي يسونه وهم يسون النون وما يعلمون كل صفه شينه قالتها تنطبق على بناتها وهيا ياغافل لك الله
تقدرين تواجهينها وتقوليلها بناتك نفس الشي بس راقبيهم ...
وتجيك الحرمه الثانيه الي ما خلت رجال بالكون ما وصفته بالخيانه والاخلاق السيئه وتحددهم بالاسم زوج فلانه عينه طويله وفلانه يقولون زوجها يقابل حريم
وفلانه زوجها يكلم بنات 24 ساعه وهيا مغفله ما تحس
ونكون انا وغيري عارفين بمغامرات زوجهااااا البطوليه وعلاقاته حتى مع الخدم
ويغازل بنات المدارس الثانويه وقت الخروج
في هذي الحاله تقدرين تقوليلها شوف زوجك اول بعدين احكي عن الرجال او الاولاد المراهقيين ....
وتجيك الحرمه الثالثه والي مسويه انها الام المثاليه وتنتقد جميع الحريم وتذكرهم بالاسماء بعد هذا خبله ماتعرف تهتم ببيتها واولادهااا
ماتعرف تلبس ولا تتشيك شعرها يضحك وعيالها كانهم من الشوارع
وهذي ببيتها ريحه وهذي طبخها يلوع الكبد وووو الخ
وهيا اكبر انسانه مهمله في بيتها وعيالها فاشلين بدراستهم وزوجها يشكي لخواته عن تقصيرها في الاهتمام ببيتها وفيه ..
تقدرين تواجهينها بعيوبها وقتها وتخلينها تسكت؟؟
وتجيك الحرمه الرابعه الي تقدس نفسها وجنون العظمه كاسيها
من تجلس وهيا تتكلم عن نفسهاا
انا اخلاقي ما تسمحلي...
انا ما احب النميمه...
انا مستواي اعلى من كذااا..
انا ما اتكلم مع اي من كان ...
انا مستواي راقي ...
ووووووووالخ
وهيا اتعس انسانه وكل الي تقوله عكس شخصيتهاااا تمامااا
تقدرين تقولين في وجهها انها غير كذاااا
والله انا عن نفسي ما ازكي نفسي بالعكس اعترف بعيوبي واخطائي واضحك عليها احيانا
ولا احب التصنع
واكيد معظمكم لهم نفس الطباع ما يحب يتكلم في اعراض الناس ويهتكم سترهم
ولا يحب يظهر عيوب الاخرين علشان يغطي عيوبه
لانه اذا كان بيتك من زجاج لا تحذف الناس بالطوب
بصراحه انا من الناس الي ينربط لساني امام هذي المواقف
واحسد اي حرمه تقدر تسكت نموذج واحد من النماذج الي ذكرتها على الاقل صلحت شي في المجتمع
لانه من أمن العقوبه اساء الادب
ارجع البيت وانا مضايقه حيل من الجلسه احيانا لاني ماقدرت اوقف وحده منهم عن الكلام السيئ الي قالته واكتفي بالاستماع والابتسامه المصطنعه
بس والله هذا الزمن ان نصحتي فيه احد اكلك بقشورك
علشان كذا احنا اخترنا اننا نكون بقشورنا احسن من انه احد يقشرها ويفشلناااا
اسفه على الاطاله بس حبيت افضفض واسمع اراءكم هل انتم مثلي ولا اقوى مني ؟؟؟
بسبوسه الشريف @bsbosh_alshryf
عضوة فعالة
يلزم عليك تسجيل الدخول أولًا لكتابة تعليق.
*_* :
والله صادقة يا بنتي الشماتة تاليتها ندامة أنتي أستري عليهم يستر الله على أعراضك بالدنيا والآخرة .. وهم مصيرهم تأدبهم الدنيا .. الله لا يبلانا ..والله صادقة يا بنتي الشماتة تاليتها ندامة أنتي أستري عليهم يستر الله على أعراضك بالدنيا...
انا ما اقصد اتشمت ولا افضحها من ورى ظهرها
انا الي اقصده ليش ما اقولها بس يافلانه انتي ماتدرين عن شي ممكن يصير ببيتك والناس يحكون فيك مثل ما تحكين فيهم
يعني اخليها تسكت وتوقف الكلام الي يغث
انا الي اقصده ليش ما اقولها بس يافلانه انتي ماتدرين عن شي ممكن يصير ببيتك والناس يحكون فيك مثل ما تحكين فيهم
يعني اخليها تسكت وتوقف الكلام الي يغث
والله مامنعنا من الاجتماعات والزيارات الا هالعينات
الله المستعان ...
مااقول الا الله يهديهم للصواب
وانتى يااختى انصحك انك يا تنصحين يا ما تجتمعين معاهم بالمرة
لانك بكذا تكونين بحيرة وعذاب نفسي رهيب
شي مانتحمله ومتقدري تجاملي بعد
لذا انصحك بالستر والبعد عن جمعات زي كذا تجيب الهم وبنفس الوقت الاحراج
الله المستعان ...
مااقول الا الله يهديهم للصواب
وانتى يااختى انصحك انك يا تنصحين يا ما تجتمعين معاهم بالمرة
لانك بكذا تكونين بحيرة وعذاب نفسي رهيب
شي مانتحمله ومتقدري تجاملي بعد
لذا انصحك بالستر والبعد عن جمعات زي كذا تجيب الهم وبنفس الوقت الاحراج
الصفحة الأخيرة
يا بنتي الشماتة تاليتها ندامة
أنتي أستري عليهم يستر الله على أعراضك بالدنيا والآخرة ..
وهم مصيرهم تأدبهم الدنيا ..
الله لا يبلانا ..