ارررجوكم نصايح المتزوجات محتاجه مساعدتككم رسالتي طويله

السلام عليكم ورحمة الله وبركاتة
اخواتي سامحوني بطول بالكلام مو عارفه اختصر ومو عارفه ايش اقول وايش اخلي
انا محتاجه استشارتكم ورأيكم حياتي عالمحك ومو لاقيه اللي ينصحني من غير مجامله ،
بحاول اتكلم عن كل شي عمري 23وزوجي عمره35من اول زواجي وانا احس بوضع غريب انا احب زوججي جداا ولكن احس اني مقدر اكون طبيعيه معاه اذا فهمتوا قصدي ، ضحكي ومزحي كلله يختفي معاه ومقدر اكون طبيعيه ،خجولة جدا وهو ماعرف يحتويني، اخبي خجلي بتصرفات غريبة و صرت مكونه له صورة غلط عني ، اما مع باقي الناس حتى اهله اكون عاديه بس هو لااا مع اني احببه كثير.
مدري ايش يصير فيني ، هو ماحاول يكسر الحاجز اللي بينا بالعكس ضاعف الفجوة بتصرفاته الغبية .
بحكيلكم قصتي
اول ماتزوجت قعدت شهرين بعدها اضطر يسافر دولة اخرى عالاساس شهرين ل 4اشهر
مارح تطول الامور وانه راح يزورني وجلست في بيتي لحالي لان اهلي بمدينة ثانيه واهله بعد نفس الشي
وكان صعب انقل لاني ادرس بالجامعه وتخصصي صعب لكن اللي صار اننا بنكمل سنتين متزوجين وهو باقي مسافر ؟ متى بترجع كل فتره يقول بعد شهرين بعد 5شهور ماااادررري !!!! يجي السعوديه عشرة ايام يقعد عندي يومين وبعدها يسافر لاهله ف الجنوب يكمل باقي الاجازه !! عدد الايام اللي عشناها مع بعض قليله بالنسبه لسنتين زواج لين صرت احس اني متزوجة بالاسم بس ، اهلي عرفوا بالوضع طلبوا اني ارجع الشرقيه لكن كان صصعب جداا ف اظطريت اجلس واخواني مايقصرون يزوروني كل فترةة ولنا معارف هنا اذا بغيت شي وكذا مايقصرون لككن المشكله مو بس هنا
اعاني من اشياء كثير مزعجتني ومضايقتني كثيرر
-زوجي مايتصل علي نهائياا الا اذا انا اتصلت مايسأل اذ تحتاجين شي اذا ناقصك شي اذا تعبانه فيك شي ؟ هذي مايعرفها . طيب انا وحيده في بيتي مالي احد عالقليله ترفع السماعه تطمن اذا انا مت ولا باقي حية ، تدرون وش يقول ؟ يقول اذا متي بيوصلني خبرك . رديت بكل برود جعل يومك قبل يومي 😊.
يقول انه يحبني وانا شايفه العكس من تصرفاته ! اليومين اللي يجيني فيها كل شهرين واحيانا كل 3 شهور ، المفروض وش يسوي ! المفروض انه يقضي للبيت اللي ناقص ينزلني السوق اشتريلي اغراض يعوض الفقد اللي في البيت يجلس معي لااااا يروح مع اخويانه القدماء طبعا !! اليومين هذي اللي يجيني فيها انا ماشوفه ويسافر وهو حتى اغراض البيت ماجابها ! يعني جا ماجا ماتفرق ،،
اذا طلبته غرض حتى لو كان تافه من البقاله مستحيل يجيبه الا بعد عنااااء ومشقه ، في كل شي معتمدة على نفسي حتى ب مشاويري الخاصه ، هو تاركني اسرح وامرح ولو رجعت 3 الفجر مع السواق مايفرق معاهه مافيهه غيرة نهائياا ، كل اللي يهمة نظرة الناس له عند اهلة بديرتهم يعني هنا بالطقاق،، معي تلبسين عبايه من دوني لو عريانه بكيفك ،!! للسواق قدر عندي اكبر من زوجي ،واذا طلبت من زوجي شي مثلا أشتري طاولة راح احط في بالي اني حنتظر من7ل8 شهور ، يعني لو مقدمه على وظيفه اصرف !!
ف صرت ماتعب حالي ولا اطلبه الا الشي اللي بموت اذا ماجاني .
ااااااااااااءءء احس اني متزوجه جدار مايعرف عني حتى مين صديقاتي! ايش هواياتي ايش احب ايش اكره اقوله احبك مايرد عادي مافي احساس او مشاعر مايشتاق مايحن مايخاف او يقلق ، مايهتم فيني مايطالعني ماكأني موجوده مستحيل يجي من نفسه لازم انا اجيه واحاول معه او خلاص عادي مو لازم يصير بينا شي،، وانا انثى اكذب عليكم لو اقول مابغى هالاشياء تصير وفوق هذا كلة يبيني احمل ،، طيب انا شلون احمل وهذا حالنا؟
طفشت احس احيانا ان فيني شي ناقص ،نتزاعل عادي نجلس شهر شهرين ثلاثه لين ماتنطحن الحبه اللي براسي وارجع بنفسي وانا عارفه اني عالحق ،بس شسووي !المشكلهً مقدر اتحمممل بعده ولا اتخيل فراقه .
نتضارب على اشياء كثير ومشاكلنا ب استمرار ماتوقف اذا مر اسبوع من غير مشكله شي غرررريب ، تعبت وماقدرت اتحمل
المصروف مايرسل الا اذا طلبت والمشكله مايكفيني كلها تروح للسواق ومكافأتي يلا تمشيني اكلي ومصاريف الجامعه ، يعني تدرون بنت لحالها الا ما تحتاج يكون مبلغ عالجنب احتياط خصوصا انه غايب بالشهور وتكلمنا بهالموضوع ، بعت من ذهبي وتسلفت واعلمه ، ولاحياة لمن تنادي !!! انا ظروفي وانا وانا وعادي جدا يطلع سياره لأخوة عادي جدااا يشتري هديه لولد عمة ب الالوف ، مانكر انه جاب لي وذكرني بس نادررا وياليتها من نفس الا بعد مااطلبه ،، لاسافرت ولاخرجت مثل الاوادم من يوم ماتزوجت وانا بوحدة ، يعني ماستفدت من زواجي غيرحرماني من اهلي!!
والأمر والأدهى كان يسافر من غير مادري اكتشف بالتويتر منزل صور وماعليه اذا انا عرفت اولا اذا واجههته قال اشفيها ، لازم استأذن منك مثلا؟ طيب دام عندك اجازه ليه ماتجي السعوديه ، يعني المفروض اللي يصير !!!! طيب انا لحالي هنا وانتظرك ، انا ماسافرت ولا خرجت ومحرومه عشانك وانت تروح تتمشى وتضيع فلوسك والله يعلم من معاك . وانا انتظرك ومضيقه على نفسي وحارمه نفسي ورغباتي عشانك ،،شي يعوور صراحه !!
وياليته يبرر ياليته او حتى يقول اسف !! مستحيل يعتذر لانه شايف نفسه دايما صح وانا غلط ويرجع يعيدها ويكررهاواذا كشفته يسوي مشكلة يقلبها علي ، لازم اطلع انا الظالمة ، واللي تعبني زيادةة انه يحكيني فعلت وسويت وووووووووو دخلنا مرقص شربنا عسلنا رقصنا ومدري ايش عالاساس فله وانا كابته بنفسي قهرر بس ايش اسوي 😔والاكبر من هذا كله مايصلي وعادي جدا يطلع من البيت من غير طهاره ، يتفلسف بكل شي حتى الدين وهو جاهل وياويل اللي يناقشه ،،، لاتقولون ليه ماتنصحينه حاولت مافي تجاوب ، طول وقتة عالجوال حتى واحنا عالسرير ، وصرت انا مثلة من كثر ماطفشت ، وياليته يكلمني اذا سافر ماسك الجوال عالفاضي شكيت انه يكلم من وراي ، دايم افتش جواله وامسكه بس عمري مالقيت شي ،
زوجي صريح بزياددة يعني اذا جلس معي يفضح كل اسراره واسرار اهله صرت اخاف استأمن عندة شي ، او اقوله شي عني او عن اهلي ، انا متطمنه ان ماله بالبنات الحمدلله وحاولت اختبرة واراقبه والعب عليه كثير ومانفع ،اصلا مستحيل وحدةة تتحملةة لو اني خويته كان سحبت عليه ، بس زوجي وقدري الله يصبرني ويكتب لي الاجر ادري طوولت بس يابنات والله احس بفقدانن عاطفي وحرمان بين اربع جدوان محتاجه رجل يساندني ويعيني ويعيش معي 😔لدرجة اني كلمت واحد من وراه الله يسامحني ادري غلطاننه بس تعببت تعبت كرهت نفسي وماتقبلت الشخص تركته على طول لان ابي بس زوجي اتخيل واتخيل مواقف حلوة مع زوجي هي ماصارت يعني اتخيل ان حنا عالبحر نمشي حاضنين بعض هههههههه ،،كلامي كثيررر سامحوني بس بقولكم على شي بعد زاد حالنا وكثرت المشاكل انا تغيرت صار اسلوبي معاه جاف وقاسيه بالرد وبس مشاكل مشاكل مشاكل واذا جا واحنا متخاصمين مستحيل اضحك بوجهه اسلم عليه ورجع انام مالي خلق اطالع بوججهه وتمر اليومين ويسافر اذا كلمني تضاربنا ، لان مستحيل اكون متضايقه ووزعلانه وكارهه نفسي واضحك بوجهك مجامله،، والله مدري ايش اقول انا ابالغ بالامور ولا لا جاوبووووني😭😭 ؟ صحتي تدهورت ابغى اروح اتعالج !!لالا مايقدر يضيع اجازته معك لازم ينزل لاأهله ، اهله اهم مني طبعا . انا خايفه اجيب عيال واتورط وماعرف كيف اقوم فيهم وكيف اصرف عليهم لانه جدا بخيل او كيف اربيهم ، فكررت كثير اني محتاجة رجل له كلمة ودور ،
اقدر اتحمل كل شي الا اني اعيش وحدانيه اذا جا جاني جسم بلا روح واذا راح مايتعب حاله يتصل حتى اهلي مايروحلهم انا بس اروح يعني مايعرفونه كثير ،
انا فكرت بالانفصصال ، خايفه على نفسي من الحرام ، ايماني ضعيف والشياطين كثيرة وبسسببه انا ضعت كثير لان ماعندي عيال ولسه وضعي احسن اخاف بكرا يجوني عيال واكل تراب طول عمري مثل مافيه انا بعد فيني انا انسانه لساني طويل وارد الكلمه عشره بس بالحق واذا غلط علي بكلمة امسح فيه بلاط الارض واعلمة قيمته ،، مره قالي بتزوج عليك انصدمت بس الطامه الكبرى قال بيتزوج شغاله اهلة ،وبخليها بالديرة عشان تقعد عند ابوة الشايب ويصير محرمها ااااءءء ويحلف ويقسم انه مابيلمسها بس ورق استغفر الله اشك انه مريض احيانا، طبعا ماسكت قومت الدنيا وقعدتها لدرجة تضاربنا باليدات ودفني وصقعت بالجدار من قوة الضربة حسيت راسي انفك وتركني يومها وسافر على طول اتصلت على اخته الكبيرة حبوبة هي يعتبرها امه وهو يحترمها كثير علمتها بكل بلاوييه اللي ساكته عنها انصدمت وقالت ابشري واخذتلي حقي بس بخاطري للحين عليه ، بس السؤال هنا لو صار فيني شي ونزفت مين كان بيلحقني هو ماهمه شال اغراضه وانقلع وانا غرقت بدموعي وقهري ..
اشياء كثيررر موعارفه ايش اقول وايش اخلي
بنات الله يسعدكم ايش الحلل مع الجدار هذا ؟؟ تعبت منه لنا الحين شهرين متخاصمين وما ارسلي فلوس ومطفررره ومولاقيه حق التكاسي عشان الجامعه ومكافاتي طارت كلمت خالتي وارسلتلي فلوس بس متفشله منهاا وموعارفه كيف اردها حتى ولا ابغى اطلبه ولا انذل عندة ، فكرت اشتغل بس خايفه يكشفني ويفكر اني اسوي شي غلط مع انه مايشك ابدا ولاحتى يفتش جوالي مايغار ولافارق معه اصلا شي ..واذا قلتله بيرفض مو عشان شي عشان يعاند بسس يعني بكل الحالات مقفلة، بداية زواجي فكرت انه مغصوب علي وسألته قال شايفتني بزر ! يقول يمكن انتي اللي غاصبينك علي وجابرينك طول الوقت زعلانه ومعصبه ،
فكرت يمكن اللي كان خاطبها بنت خاله قبل يتزوجني ، انا مافرقت معي بس قلت يمكن هذا سبب تصرفه ، خواله وخالاته مايطيقوني العيلة كلها مستقصدتني بس الحمدلله هم بديرة وانا بديرة بس اذا رحت لهمم ونادررا ماروح يسوون اللي مايتسوا كلام وغمز ولمز الحمدلله والشكر .
انا ماكنت ادري ان له بنت خاله كان خاطبها الا بعد زواجنا بيومين وانا باقي عروس جاني كلام يعور من قرايبه انك ماخذة مكان وحدة وانك ولق لق لق وغيررة لان خطبتهم طويله بس تحملت وسكت ولمن ععلمته قالي ماعليك منهم هذول غيرانين وهذي لو كنت ابيها باخذها شوفيها قدامي بس انا فصخت الخطبه بنفسي والخطبه من الاساس عشانها يتيمه وعشان ابوها مأمنا عليها وهي زي اختي وانا ماخترتها اصلا ولا ابي من العيله وواناووانا وواننا طبعا ماصدقته لانه ماقال قبل الزواج وكذب يعني ممكن يكذب بالسالفه وسألت وتأكدت بنفسي وتطمنت الحمدلله انه هو اللي فسخ الخطبه بس برضووا ارجعع افكر بيني وبين نفسي ليه هو معايا كذا؟ ،،، تصرفاته غريبه ماعرفتت رحت لشيخ قرا علي مافيني شي قلت هو يمكن البلا منه ، ؟
ايش اسوووي الله يسعدكم ويبرد قلوبكم ويحقق اللي تتمنونه انصحوووني


خلاص اسفه كثرت كلام . يعطيكم العافيه