ارز ابيض بكمية كبيرة لعزيمة؟؟

الكشنه بصل وجزر مبشور احسن شيء

الماجي حطي فنجال وبامكانك زيادته لاكن قللي الماء لانه يلين الرز (يعني يكون معجن)

اتمنى ان افادتي تكون مناسبه

ابوكاس او الوليمه صراحة ماجربت ولا واحد فيهم
بالنسبة للملح انا ما ايدك تحطين ماجي ابيض واذا خايفة ماتضبطين الملح ممكن انك تطلبين من اي احد هناك
اختك ولا امك وحتى زوجة اخووك اذا تمونين عليها كذا افضل
وبالنسبة للغسل افضل هناك عشان مايطول مغسوول ويكون فية موياء وممكن مايظبط معك وجهة نظري
اما مدة الطبخ على حسب انتي المسي حبة الرز اذا حسيتي انها اسووت خلاص
بالكثير نص ساعة الى ساعة الا ربع
وانا طريقتي بالكشنة
بصل شرايح الكمية على حسب اللي تبين
احطة بمقلى على النار مع زبدة واحط جزر مبشور واقلبهم الين تذبل
واحط رشة سكر وملعقة معجون طماطم وهيل مطحوون وبس اضافات ممكن ( زبيب او لوز او صنوبر ) على حسب الرغبة
وبالعافية عليكم

رز الوليمه رووووووعه للعزايم انقعيه اذا مزه ساعه أو أكثر واذا بشاور ما يطول في النقع يعني نصف ساعه وأنا افضل المزه ما يخترب عليك أبدآ ولا يتعبط كل كاس رز حطي كاس وثلاثه أرباع الكاس ماء وفيه طريقه ثانيه (لما تحطي الماء ملحيه أفضل من الماجي وحطي شوي زيت ولما يفوح الماء حطي الرز وحطي ملعقه حقت الأكل وقفيها داخل اذا وقفت وما طاحت يعني مقاس الماء مضبوط واذا طاحت يكون الماء كثير شيلي منه )
الكشنه هذي روعه : قطعي بصل صغير واحمسيه مع زيت وحطي فوقه بهارات مشكله وشوي ليمون أسود مطحون وشوي صفار الزعفران وملح وزبيب وشوي صلصه وقصري النار وقلبي كل شوي اذاشفتي استوى البصل ونشف مره من الماء سكري النار وافتحي القدر حق الرز وحطي الحشوه فوق وسكري القدر وخليه شوي علشات ياخذ الرز ريحه الحمسه وبالعافيه

رفع

الله يعينك ويتمم لك على خير
بالنسبه لرزاذاقصدك ابيض يعني بشاور مثل باب الهندبصراحه رائع ومايحتاج طعم يعني نقعيه في ماءحار لمدة ربع ساعه وبعدين حطي ماء فايح في القدروحطي زيت وملح وكبي الرز يتغطى شوي بالماء ولاتخافين من الملح حطي شوي وذوقيه واقلي بصل مثل الكشري واحمسي صنوبر ولوز مقشر وخليهم على جنب واذا نكبتي الرز حطيهم
فوقه
والله يساعدك