كيفكم اخواتي العزيزات رح اقدملكم من الاكلات المفضلة لزوجي وهي طيبة كثير وان شاءالله بتعجبكم وتدعولي
بسم الله نبدأ
المقادير:
دجاج
كوب رز بسمتي(منقوع بماء مغلي مدة نصف ساعة)
بصلة كبيرة مفرومة
فصين ثوم كبار مفرومين
حبة بطاطا مقطعة
حبة جزر مقطعة
ربع ملعقة صغيرة لكل من (فلفل اسود هيل قرفة)
ثلث ملعقة صغيرة كركم
نصف ملعقة صغيرة بهارات مشكلة
خمس حبات هيل
خمس حبات قرنفل
قطعة زنجبيل صغيرة مبشورة
ملعقة كبيرة مليانه كزبرة خضراء مفرومة او مفرزة
زعفران منقوع
الطريقة:
نسلق الدجاج ونضع على ماء السلق ورق غار وهيل وبصلة صغيرة
ثم نضع قليل من الزيت ونضع البصل والثوم وبنقلبهم حتى يصبح لونهم اشقر فاتح
ثم نضع الخضار البطاطا والجزر ونقلبهم وبنخليهم على نار هاااااادئة وبنقلبهم كل شوي
قبل ما تستوي الخضار نضع الزنجبيل والكزبرة وبنقلبهم
ثم نضع البهارات المشكلة والكركم والفلفل الاسود والهيل المطحون والقرفة والملح وبنقلبهم ونضع الدجاج المسلوق على الخضار وبنقلبهم وبنخليهم على نار هادئه عدة دقائق ثم بنشيل الدجاج
وبقدر آخر نضع الرز بدون زيت ونضع عليه الهيل الحب والقرنفل الحب ومرقة الدجاج (انا حطيت نصف مكعبة ماجي مع المرقة)وبنفلفل الرز عادي وبنرش على وجه القليل من الزعفران
قبل ما يستوي الرز بالكامل نضعه على الخضار وبنقلبو جيدا
وبنخلي على نار هادئه جدا حتى يستوي ينضج الرز تماما بالنسبة للدجاج انا شويتو بالفرن على شان ياخذ لون بتقدميها مع اللبن والدقوس
جربوها حتعتمدوها طيبة كثير
واي سؤال انا بالخدمة ان شاءالله
تسلم يدينك وهني وعافيه عليكم