حبيت اليوم تشاركوني هذي الطبخه اللي تمخمخ
وان شاء الله تعجبكم وانا متأكده انها راح تعجبكم
بسم الله نبدا
المقادير
لحم مقطع ولو يكون بدون عظم يكون افضل وبصل مفروم ناعم
تسخنين شويه زيت
وتحطين عليه اللحمه والبصل وتقلبين
وبعد ما تنشف اللحمه وتبقى على سمنها
تحطي البهارات
نص م ص فلفل اسود - نص م ص هيل - نص م ص ملح - ربع م ص صفار زعفران - م ص كمون - م ص كزبره ناشفه
م ك بهارات كاري معتدل او حار اذا كنتي من محبين السبايسي - م ص ثوم مطحون - نص حبه ماجي
وتحطي عليها مويه مغليه اللي تغطي نص اللحمه الله على الريحه الطيبه شييييي
وتتركيها على النار الين تستوي اللحمه ويبقى فيها شويه مويه( ما صورت هذي اللحظه )
وعبال ما تستوي اللحمه اسلقي الرز مع نص ماجي وملح وخلي الحبه واقفه لا تطولين عليه
وجهزي ملعقه سمن او زيت وحطي لها 3 حبات مستكه وخليها على جنب
حطي الرز على اللحمه في القدر وسخني الزيت مع المستكه وصبيه على الرز وغطيه واتركيه على نار خفييييفه
لمدة 10 دقايق واغرفيه في الصحن وقدميه
وبالف عافيه على قلوبكم وصدقوني ما راح تندمون لو جربتوا
اللي عاليسار خليته للعشا لاني كنت صايمه
اش رايكم انفع اكون طباخه ههههههههه
اغرفي لي يالله