انا مره صار لي موقف محرررج مع عمي زوج امي علاقتي فيه رسميه

ارسلت له رساله بالغلط الرساله اللي اولها يارب تموت بعدين الصفحه الثانيه فيني مثل مااموت فيك ...

المشكله ان اختى قالت ان عمي مايعرف للجوال زين يقرا اول صفحه بالرساله ولا يكمل الباقي ماينزل للصفحه الثانيه

وانا متفشششششششله يعني بس يقرا (( يارب تمووووت ))

بيقول هذي تدعي علي بالموت عيني عينك

فشييييله :eek:

يمه ذكرتوني بالي مااحب اذكره
مرة ارسل لاخوي رسايل وهو مايعرف رقمي (قال مسويه فيه مقلب )
ارسلت يمكن لمدة اسبوع وانا مجننته يمكن 4رسايل يوميا
اخر شي حس اني بنت وصار يرسل غزل وانا اقوله انصدمت فيك
وارسل قال راح اعرف انت مين مهما كلفني
في الاخير ماطلع اخوي طلع واحد من عيال عمي وطلع اسمي ومكاني بطريقته (رجال مايخفى عليهم شي)
وارسلس عرفتك يابنت فلان وفلانة(((((
المشكله اني للحين ماادري اي واحد من عيال عمي.؟؟؟؟؟......ولا اعرف توهقت مع من ؟؟؟؟؟؟؟؟؟؟

بس الله يستر
مااحب اذكر هذي المواقف
ردت فعلي لللان ماعندي جوال بعد مالغيت الاول وهذا الكلام من5 سنين

عاااااااااااااااااااااااااااااااااااااااااااااد مواقفكم كوم وموقفي كوم ثاني
انا كنت ابي اعزم زميلاتي وحددت الاسماء اللي ابي اعزمهم الموهم مدري وش صار وغفلت من الجوال ورجعت له بعد فتره بسيطه
وكتبت تحديد الكل على بالي اللي انا محددتهم لاني خلاص برسلها وكان عندي 5ريال
وارسلتها وخلص رصيدي ونصهم ماجاتهم
وانا انشغلت هذاك اليوم بتجهيز السفره وصلحت سفره طويله عريضه وبالنهايه محد جا الا يمكن 5
واليوم الثاني شحنت جوالي فراحت الرسايل اللي ماانرسلت
واتفأجأ الا وهم يدقون الجرس ويوم سالتهم قالو تو الرساله تجينا
وي وي كرهت التحديد بعد ذاك اليوم

هههههههههه
والله مواقفكم جناااان
انا عاد شوفو وش صار معي..
لما جبت ولدي البكر كنت تعبانه وبقيت في الملاحظه ثلاث ايام ماشفته
لما جابوه لي طرت من الفرحه ودزيت لزوجي ( ابشرك جابوا لي كتكوتي وبعد رضعته )
من العجله والتعب دزيته لرقم غلط ورد علي كاتب (شنوا مافهمت؟؟؟)
.....
ومره جاتني رساله من اختي وفتحتها اخت زوجي
كاتبه (وينك يالدبه من صرتي رقم 4 ماشفناك؟)
تقصد حمل وزيادة وزن
عاد اخت زوجي خذتها الحميه ودزت لها
(حدك عاد رقم 4 تسواك انتي وجنوبك تقولي رقم 5 مانعرف وجهك من مقفاك)
وغلطت باخر رقم ,وما درينا الا لما جانا مسج(انتم بس 4 و5 مافيكم رقم 1 الله يعين)
وبعده شغل اتصالات واناقفلت جوالي..
ومره بارمضان قبل السحور بشوي جاني مسج من اختي بالغلط تبي ترسل لزوجها
(تبون السحور الحين؟؟) ودزيت لها (لا خليه بعد الأذان)
ههههههههههههه

انا ماحب الجوال كثير يالمني ومارتاح

وبالنسبه للرسايل بطئيه جدااااااا

بقول موقف لزوجي :arb:

مره اتهاوشنا وتزاعلنا وكنت ببيت اهلي قعدت يمكن اسبوع ماتذكر بصراحه

وبعدين رجعت البيت وكنت اتصفح جواله لانه دايمن معبى رسايل وانا محد يرسل لي خخخخخخخ

الا اشووفه مرسل رساله كاتب فيها

بما معناه ماذكر نصها بس اللي اتذكره انه كاتب انتي طالق :icon28:

ومرسلها حق شيخ كبير ومعرووف وحق عامل باكستاني اتوقع خخخخخخخ

انا مت ضحك اجل طلقت الشيخ والباكستاني

خخخخخخخخ

عاد هو عصبي واذا زعل يقوم يخور مايدري وش يقول الله يصلحه ويسخره لي