:hahaha:

أما مواقف تحفه بصحيح تموت من الضحك ... :icon30:

أنا مره كنت مسافره مع عيالي بدون زوجي رحت للبنان عند أهلي 10 أيام نغير جو كانوا اهلي مسافرين صيفيه وكان زوجي مرتبط بعمله ما يقدر يسافر ووافق اننا نروح بدونه وكان مرررره ضميري معذبني اني بتركه المهم لما جا موعد رجعتنا للرياض وقبل ما نركب الطياره بشوي أرسلت له رساله أقول له فيها إننا بعد شوي بنركب الطياره والعيال مشتاقين لك وأخيراً بنرجع ونشوفك وقمت كتبت شوية عبارات غزل أعبر فيها عن شوقي للقائه ومن هالكلام وكان جوالي وقتها تعرض لمويه وانمسحت كل الأرقام المخزنه فيه وكتبت رقمه من ذاكرتي وغلطت برقم واحد وأرسل الرساله لشخص غريب رد وقال أصلا لو فيك خير ما كان سافرتي وخليتيني لما وصلت الرساله ( ما كنت لسا أعرف وقتها اني غلطت بالرقم ) استغربت كثير على كلامه وحسيت انه زعلان لأننا تركناه وسافرنا قمت ارسلت مسج ثانيه وقلت غريبه انت كنت راضي تماما عن سفرتنا وما توقعتك شايل في نفسك كذا والا ما كان سافرت وطبعا سويت رد على نفس الرقم ( reply ) واستمر يرسل ويعاتب وأنا أرد عليه وأنا مررررره مستغربه من عتابه :44: وبعد تفكير <<<<<<< صح النوم .. إكتشفت انه لعاب ومستخف دمه وقمت قفلت جوالي على طول وطبعا لما رجعنا حكيت لزوجي بس الحمد لله ما عاد أرسل شكله كان وقتها فاضي وحب يستخف دمه .

انا جايه لزوجي رساله مباركه للعيد وارسلها من جواله لجوالي وارسل جماعي لكل اللي بجوالي من اقارب وصديقات ماخليت احد وبعد كم يوم وانا اتفرج على الرسايل واقرارسالتي اللي ارسلتها الا باخر الرساله مكتوب محبك فلان الفلاني <<<<<طبعا انهرت بيفكرون هالعالم ان الرساله جايتني من هذا الشخص وطبعا ارسلت للي يهمني امرهم ووضحت لهم الصوره
واختي صار لها موقف لاتحسد عليه جتها رساله حلوه وطويله المهم اخرها كلمه وصخه الرساله بدايتها ان كنت احطك على راسي واخليك اقول برد والزين حساس المهم اخرها تعال احطك على؟؟؟؟؟؟وتقوم اختي وترسلها جماعي ماتدري وش مكتوب باخرها لمهم الرساله رايحت لمشايخه واقارب ودكاتره زملاء اختي بالعمل لانها دكتوره وانا من ضمن الناس اللي جتهم الرساله ويوم جابعد كم يوم واسولف انا وياها وتقول ياشين العالم اذا ارسلتي لهم رساله وماردو عليك عيب لومجامله يردون( لا وتتشكى لها وجه )قلت لها الا ذيك الرساله حركه اللي ارسلتي لي قالت صدق ايه اني ارسلتها لكل اللي اعرفهم واقوم واصرخ عليها انتي قريتيها كلها قالت لا ووريها الرساله وانهارت مسكينه جلست تصرخ باعلى صوتها تقول وانا بالدوام اشوف الدكاتره مستحين مني ويتصددون واقولهم ردوا علي لو مجامله وهي ماتدري وش مرسله مسكينه

^
^
^

:|

موقف أختك بصراحة .... لا تحسد عليه

:|

عاد انا رسالتي فيها انواع الاحراج مره ابي ارسل لزوجي دعوه خاصه لليلة مساج وليله رومانسيه واكتب كلاك جرئي وحب وغزل وكاتبه الموعد والغرفه الخاصه واذا تبي اي خ\مات مجانيه والدفع مسبق المهم ارسلتها بالغلط لاخوي الكبير واخوي متزوج واستحي منه قام ارسل لي مافيه خدمات توصيل منازل وقام يعلق علي انا انحرجت منه ولا رديت وشافت الرساله زوجته وقام يقول هذي الحرمه اللي تحب زوججها واتصلت علي وقالت لي قلت لها اني ارسلتها بالغلط قالت فتحي علينا باب كل شوي يعايرني فيك قلت قول له تستهبل على زوجها قلات مو مصدقني بعدها صرت لما اشوفه انزل راسي وما اقدر اناظره المشكله ما بقى احد من اهلى الا وقال لهم وكلهم يعلقون علي وعلى زوجي