والله ضحكتوني الله يعطيكم العافيه

مره عمتي كانت بتوديني انا و بناتها نتقضى اغراض العيد

و ما كان عندنا الا يوم الخميس عشان نروح و انا عندي اخو شديــــــــد و ما يرضى ان نروح مجمعات وقت الزحمه .. المهم قالت لي عمتي قوليله انج بتيين بيتنا و اهوا ما بيدري

و يوم الخميس اخوي قعد يحذرني اني ما اروح مجمعات في هالوقت لان وايد زحمه .. عاد انا بسرعه يوم طلع رحت و كتبت رساله حق بنت عمتي مكتوب فيها (( قولي حق امج اذا سألها فلان وين بنروح لا تقوله ان احنا بنطلع لانه ما بيخليني اروح اذا درا ))

و من الخرعه بدل ما اطرشها حق بنت عمتي طرشتها حق اخوي بالغلط لانه كان في بالي

و ما يحتاج اقول لكم شصار عقب ....

ههههههههههههههههههه مواقفكم تحف

الله لا يحطنا بهيك مواقف

مواقفكم تحفة

مرت اخوي لها صديقة مغربية وفاتحة بزنس على قدها بالكوافير والتجميل ..طلبت منها تاسالها اذا هي ترضى تسوي حمام مغربي بالبيت ..

ارسلت مرت اخوي لصديقتها (تسوين حمام مغربي)

وقام ولدها بعد ماخلصت ارسلها لابوها ...ابوها شديد جدا جدا جدا وماعندة تفاهم ..اتصلت علي وهي على وشك تبكي من الكلام اللي جاها من ابوها اشوا انة بمدينة ثانية ولا مو بعيدة يمد يدة عليها ..

ههههههههههههههههههه

موضوعك يوسع الصدر

تدري انا بطلع عن اس ام اس

الله يسلمك

انا مرررررررررخ برمضان طالعه السوق وضيعت

اختي .. ومسميتها بجوالي نجوووومه المهم

انا من الربشه دقيت على مرة عمي اسمها نجلا

انا على طول حطيت حرف النون ودقيت

وتخيلي لي من زمان ماكلمتها

الا هييييييييي ترد تقول هلا وغلاااااااااااااااااااااااااااا

بـــــ سي يو انا اتذكر كنت بالسواني وزحمه

قلت هلا بصوت مرتاع ,, وكملت السالفه

شخباركم شلونكم شلون عمي شلون العيال

المهم تقول طيبين تحتريني ابي اقول السالفه

قلت .. معليش بس حبيت اسمع صوتك خخخخخخخخخخخخخخخخخ