وحدة معرفة وزارتها صديقة وفي هذا اليوم كانت معطية وحدة وعد انها تجيها واكيد .بس الزائرة حطها زوجها ونساها وطولت عاد الحرمة الموعودة ازعجت صاحبة البيت وترسل متى بتجين .خويتنا ارسلت نصا(هذي حثلت)لراحت اجي وارسلتها للضيفة اللي عندها لكم ان تتخيلوا ؟؟؟؟؟؟؟؟؟؟؟؟؟

صار معي هالموقف فترة ماكنت متملكه
كتبت رساله طويله عريضه لأخوي أغراض وطلبات حلى
وقتها خطيبي>>زوجي راح يجيني زيارة ارسلتها لزوجي بالغلط
رد علي برساله قال أبشري
رجعت على الرسائل المرسله طلعت أرسلتها لزوجي
وربي تفشلت ألقط وجهي
هههههههه

بنات انا موقفي مدري كيف جاي المهم
دقيت على الكوافيره حجزت موعد اوكيه عاد رقمها يشبه رقم اختي
وهي ماسالتني وش ابي شكلها مشغوووووله بنت الناس
ولاني ماخزنت رقمها لاهي ولا اختي الجهاز جديد هع مو فاضيه

المهم يوم جاء الفجر افتح اخر الاتصالات بغيت ادق على اختي دقيت على الكوافيره
استغربت لانها حاطه دعاء المهم ردت علي قلت سوووووووووووري حياتي عبالي اختي
قالت حصل خير قالت لي انتي حاجزه عندي يانوره قلت ايه وعاد قعدت تسألني انتي عاوزه تسريحه ومكياج؟ انتي عروسه؟ اني لحالك بتسوي؟
ههههههههههه وكل هذا واناس تصلي الفجررررررررررر

عاد أنا أول مره أشارك معكم لكن لي باع طويل في غلطات الرسائل
& مره أرسلت وسائط إذا تعرفونها الدمى العروسة و العريس وعليها طبعا أغنية دقاقة وكان يوم جمعة في وقت صلاة الكسوف اللي آخر مره أرسلتها على خالي وهو رجال كبير وكنت بأرسلها على وحده من صاحباتي
* المرة الثانية كنت بأرسل على وحده أعرفها متأخره في الحمل مثلي عن فوائد شرب الماء للمبايض و أرسلتها على جوال وحده متوفية و الفشله يوم دقت بنتها عليه
أمـــــــا مع زوجي فحدثي ولا حرج

انا واحد دايما يعزمني بالغلط على اني واحد من اصحابه

مرره عزمني على زواج بنته في بيتهم في الرياض في النسيم

ومرره نقل ولدهم للرياض وبعد الرساله الاولى بــ4 شهور تقريبا ارسل يعزم

قلت لزوجي علمه انه غلطان اخاف يقول وش في صاحبي مايجي على باله وصلت له الرساله

ياليتني في الرياض كان رحت تعشيت مع خلق الله واقول انتم عزمتوني ههههههههههههههههه