ارسلت رسآله بالغلط ...وربي متفشششششله ..

السلام عليكم ..

بنات وربي اني متفشششششششله وطايح وجهي ..
بقولكم السالفه من البدايه انا توني متخرجه من الثانوي وما قبلتني الجامعه
قسسما بالله ماذقت طعم الوناسه بالاجازه كله بسبب ان الجامعه ما قبلتني المهم
عمي قال لابوي ان عنده واسطه قويه انا وقتها طرت من الوناسه بس بعدها عمي
سكت وماعاد يجيب طاري الواسطه وانا يأست قلت اكيد مو فاضيلي ادخل معهد احسن لي
جيت بحاول اقنع ابوي اني ادخل معهد رفض وقال عمك عنده واسطه لان عمي يعرف امير
ودايما معه يعني صداقه بس الامير هذا يقول انه مسافر وبيجي يعد اسبوع
انا حسيت انه مرررررررررره مو مهتم قمت شغلت مخي وياليتني نمت وقتها:09:
اقولكم وش سويت انا ووجهي قلت خلني ارسل لعمي رساله عشان يعرف ان الموضوع مهم وهامني ومابي ابوي يدري لانه يمكن يرفض عمي عنده اكثر من رقم ورقمه الي معاي
مفصول من زمااان مدري ليه محتفظه فيه المهم راح ابوي يصلي الظهر قمت اخذت جواله لقيت عنده الرقم واخذته عاالسسريع ورحت ازبط الرساله وازينها امسح واكتب واستعين بامي تجيب لي كلمات مؤثره هههههههه
المهم ارسلتها الساعه خمسه العصر و ياليتني ما ارسلتها وكل شوي اسأل ابوي اقوله عمي كلمك اليوم لانه هو دايما يكلمه عاد ابوي يقول لا باستغراب وامس كلمه بس ما جاب له طاري
الرساله غريب انا صارلي ثلاث ايام مرسلتها وراحت امي قالت لابوي اني ارسلت له وسألته عن رقمه طلع الرقم غللللللللللللط الي ارسلت له مو عمي ياربييييه والله فشششششلهلا المشكله اني رازه اسمي باخر الرساله كاتبه ابنتك فلانه بنت فلان وافشششششششلتاه اكيد الي جته الرساله تسسسدح من الضحك طااااااح وجهي طيحه مهيب طبيعيهخلاص بعد هالموقف ماابي لا جامعه خلاص كرهتهاا يارب تكون راحت لواحد بنقالي ما يدري وين الله حاطه او تروح لعجيز ما تعبر الرسايل انا دقيت من جوال اخوي عالرقم و يعطي مقفول


لو انكم مكاني وش تسسوون والله طايح وجهي :44: