السلام عليكم ورحمة الله وبركاته
هذه القصيده موجهه الا وزير الصحه الدكتور عبدالله الربيعه من المريضه نوره صالح المرزم (الغاط)
كانت تعاني من التهاب في الكلى وحولت من مستشفى الامير ناصر بن سعد السديري بالغاط
إلى مستشفى التخصصي ببريده لأجراء عميله فتح باليد لغسيل الكلى وتم صرف علاج من قبل
الدكتور المتابع لحالتها عن طريق الخطأ .
ونتج عن ذلك العلاج حروق من الدرجه الاولى بجسدها وعلى اثرها تم نقلها إلى العنايه
المركزه وهي الان في حالة غيبوبه تامه منذُ ثلاثة ايام وبرر الدكتور المتابع لحالتها بعد صرفه
للعلاج بأنه سوف يسبب الحروق في الجسم ولابد من صرفه بعد ان صرف العلاج ونتج مانتج
ورفض الدكتور اخبارنا بالعلاج هل هو حبوب او شراب او حقن .
وقالت هذه القصيده قبل ان تدخل بالغيبوبه بعد اخذها للعلاج .
وارجو ان تصل هذه القصيده إلى الدكتور عبدالله الربيعه
تسمّع فـي كلامـي يالربيعـه
وخـذ منّـي تفاسيـر ودلايـل
يقولون العلاج اللـي عطونـي
لزوم ولا يجـي غيـره بدايـل
عطاني حاجتن لا رحـم حيّـه
فصخ جلدي مثل فصخ الفنايـل
عسا ماصاب عاد وقوم صالـح
يصيب اللي صرفها لي عجايـل
وتراي ابرقت لك من قبل مـرّه
وهي محفوظة(ن)بين الرسايـل
وتراك اقسمت ياولـد الربيعـه
وخف منهو وقف فوقك يخايـل
ولكـن يالربيـعـه لا تـوانـا
تراي بذمتـك ياابـن الحمايـل
مقام امك مدامـك تغلـي امـك
وهذا واجبـك والشـك زايـل
الـه الكـون يالله ياعظـيـدي
ابي دبرتك فـي كـل الوسايـل
ترانـا يالربيعـه لا التقيـنـا
امـام الله فـي يـوم الهوايـل
اباقف في طريقك واعترضلـك
وابشكـي حالتـي لله واسايـل
وهذا اليـوم ثابـت يالربيعـه
صحائف مابها شـك وخمايـل
ابي تحقيـق كامـل بالقظيـه
مادام انـك تعـدّل كـل مايـل
وقبل افقد شعوري قلت اوصـي
عيال(ن)لـي يشبـون الفتايـل
فتايل مابهـا درج(ن)فرنجـي
فتايل نور تـردع كـل عايـل
ولامنك عجـزت عـن القظيـه
فحِلهـا للـذي شـال الثقايـل
ابو متعب ولد صقـر الجزيـره
عريب(ن) فيصلي من نسل وايل
وابختمها واصلـي ثـم اسلـم
على الهادي عدد وبل المخايـل
نوره صالح المرزم (الغاط)
اسأل الله العظيم رب العرش العظيم ان يسكنها الجنة
ويجعل ما اصابها تكفير لجميع ذنوبها
يلزم عليك تسجيل الدخول أولًا لكتابة تعليق.
الله يرحمها ويجعل مثواها الجنه والله يكفينا شر ها الأ خطاء التي ما ندري متى تنتهي الله المستعان
الصفحة الأخيرة
ويجعل ما اصابها تكفير لجميع ذنوبها