ارسلت رساله للمعلمات.....

السلام عليكم ورحمة الله وبركاته
  يا امهات لاحظت بنتي اهملت الصلاة وما تصلي وهي بسادس فقلت تشوفين رحت ارسلت رساله نصيه بالجوال للمراقبه حقتهم وقلت أرجو من المعلمات التعاون مع الأمهات لأداء الطالبات الصلاة في وقتها وأداء صلاة الظهر بالمدرسه لان مدرسه الأولاد يودون صلاة الظهر بالمدرسه لم أتوقع ان هذي الرساله تلقى اهتمام من المراقبات و المديره والمعلمات طبعاً كل يوم وحده تدخل تلقي كلمه عن أهمية الصلاة في وقتها وقالو للطالبات راح نسال الأمهات مين اللي بنتها تصلي كل الصلوات للامانه و وجتهم المديره قالت راح تصلون الظهر بالمدرسه لان الأمهات اشتكوا أنكم ما تصلون بالوقت وأنتم كبار أصبحت المدرسه وعددهم الف وثلاث مية طالبه يصلون بالمدرسه الظهر طبعاً بنتي بالبداية زعلت مني لاني قلت لها انا بلغت المشرفات بنتي أصبحت تصلي بالوقت وصارت تخاف اقول للمعلمات ولما شافت كل المدرسه صارو يصلون قلت لها كل الطالبات اللي صلوا لنا مثل أجرهم اذا الله أراد وللعلم المدرسه كانو يطلعون البنات لصلاة الظهر قبل بس قالو ما يصلون يلعبون بس ولكن بعد ما كلمتهم اصبح لكلامي صدى لان المشرفه  ملتزمه وصعدت الموضوع وكلمت المديره فكان الموضوع توفيق من الله اولاً وكلمة حق قيلت وتلقاها من عرف عظم اجر هذا العمل العظيم وأخيراً اسال الله لي ولكم ان يبارك لنا في ابناءنا ويعيننا على تربيتهم تربيه اسلاميه يوم نلقى الله كما سال الصحابه الرسول كيف عرفت امتك يارسول الله اخبر عليه الصلاة و السلام ان هم وذريتهم عليهم اثر الوضوء وصلى الله وسلم على نبينا محمد.