ارسلت لاقاربي رسايل تهنئه برمضان ومحد رد علي تعالو شوفو السبب

الأسرة والمجتمع

حسبي الله ونعم الوكيل
السلام عليكم خواتي والله ذا الموضوع من بدايه رمضان وهو غمصن قلبي
وماقدرت اتحمل اكبته بصدري
قبل رمضان ارسلت لناس من اقاربي رسايل تهنئه بالشهر الكريم محد رد علي الاكم وحده ثنتين او ثلاث
استغربت وقلت وش في الناس؟؟
يمكن ضغط شبكه او مشغولين ودقيت ليله رمضان على حريم العايله الكبار ابي اهنيهم هاذي عادتنا كل سنه منهم حريم عماني وعماتي والله العظيم بعضهم مارد
المهم قسم بالله قلبي قرصني قلت فيه انا!!!
انا كان بيني وبين اخت زوجي خلاف اذ تذكرون موضوعي( اخت زوجي ارسلت لي رساله تهديد) ومن ذيك السالفه والخبيثه تحيك ضدي وانا اصلا قطعت علاقتي بها ومعد رديت على رسايلها وجاء المهم تعبت وتنومت اسبوع بالمستشفى قسم برب الكون وهذاني بيوم مبارك محد من خوات زوجي رفعت السماعه ولاحتى رساله تحمد لي بالسلامه مع انهم دارين ان الخطا من اختهم
تنومت قسم بالله ام زوجي الي هي عمتي زارتني مع زوجي مرتين والله ماء ماجابت :(
ان والله مو هامني الاكل بس الدعوى احترام
ابو زوجي دخلت وطلعت مازارني خير شر مازارني الا جدي وعمي بس
قبل رمضان كان عندهم مناسبه واثاري خوات زوجي يوم جوهم الضيوف شوهو سمعتي قسم بالله بشي مو فيني ماخذه ولدنا وسوت وسوت وقالت كيف وانا لي شهر من السالفه ماشفتهم ولاشافوني والرسايل اللي ارسلتها اخت زوجي لي محد شافها بينما الرسايل الي ارسلتها رد على كلامها الجارح لي ورتها الناس وزودت من عندها
قبل 5ايام جاء جدي ابو ابوي زياره تحت للفطور وانا اصلا ممنوعه من الدرج بس جدي رجال كبير مايقدر يطلع الدرج
كلمتني ام زوجي وقالت انزلي سويت فطور من الى ودقيت ابي الشغاله تشيل الاغراض ماارسلوها ارسلو على البزران بالله شوربه وفطور بزران اكيد بيكبونه
نزلت اول مادخلت مع الباب قسم انقبض قلبي حسيت بشي كاتم على صدري دخلت على الحريم قامو خوات زوجي وطلعو يعني بينو للناس والله ماهمني سلامهم بس فشله
حريم عماني كل وحده تسلم منطرف خشمها عمتي الصغيره ماكنها شايفتني لما سالتها قلت وشفيك
تدرون وش قالت تكفين لاتكليميني قدام اختي والبنات بيزعلون علي قدري وضعي ؟؟؟
جلست انا والمركى واحد اخوات زوجي مع بنات عماني وعماتي مع حريم عماني المشكله وربي ماصبت اخت زوجي لي لاعصير لاقهوه لاشاهي قلت لوحده من البزران روحي جيبي ترمسي حق القهوه اثاري السخيفات البنات خذو قهوتي وشاهي ورحو مع البنات غرفتهم يفطرون فيها طيب لاتصبون لي من قهوتكم بعز نفسي ابي ترامسي وانا اقهوي نفسي قلت لبزر رح قل للشغاله تعطيك شوكه قالت اخت زوجي خلصت الشوك :09:
انا هنا عصبت ناديت الشغاله جابت شوكه وقلت ووين الفطور اللي نزلته ليش ماحضرتيه قالت خذوه البنات قسم بالله سلفتي الجديده تناظر فيني فشله والله فشله وجهي ورب الكون قعدت احاول امسك اعصابي وماابكي وش ذالعصابه لاحشيمه لا احترام حتى بايام ربي المباركه
يام طلعت فوق وتجيني رساله من حرمه عمي هالانسانه ام وجهين واضح انها ارسلتها وهي باقي عندهم يعني شوفوني معكم والله ياخواتي ان هالانسانه وداها عمي لهلها وكانو عماتي وبناتهم يحرشونه يطلقها ووصلت معه راح المحكمه وعطاه الشيخ مهله اسبوع توسطت لها كلمت عمي يرجعهاكلمت ابوي وجدي يكلموني عمي يقنعونه وحتى يام رجعت والله انا اللي بشرت اهلي برجعتها وحتى زوجها قال لها ترى والله محد قال عنك كلمه طيبه الافلانه(انا)اخرتها كذا تعاملني والمشكله بس جالسه جنب اخت زوجي وتساسرها وتضحك وتاشر علي يعني انقهري
والله العظيم الكلام اللي وصلني انهم قايلنه فيني مو شويه قسم احس اني بنجن ليش محد واقف معي هم يعرفوني ويعرفون تربيتي ويعرفونهم من هم صغار دايم يتمشكلون معهم
على قد ماني مقهوره على قد ماني متندمه على غبائي وطيبتي مع الناس كل ماتنومت وحده منهم والا جات زياره لها رحت اركض بقهوتي واخرتها يام طحت واحتجت لكلمه طيبه ماسمعتها هاذي الي توسطت لها عند عمي تقول عني كلام استحي اقوله بس مااقول الاحسبي الله ونعم الوكيل في كل منافقه فتانه شوهت سمعتي وكرهت قرابتي فيني عماني اللي كانو اذ دخلت قسم بالله يفزون تعالي اجلسي هنا لاهنا ومايسموني الاالطيبه بنت الطيب اللحين الواحد محرشته حرمته لين انتفخ حتى برساله مايكلف نفسه يرد

77
13K

يلزم عليك تسجيل الدخول أولًا لكتابة تعليق.

تسجيل دخول

الدنبا غدرن بي
عمتي اللي تقول لاتكلميني قدام اختي وبناتها تدق علي تقول ابكلمك وتكلمين بس ماابي احد يدري اني اكلمك!!!!
اسالكم بالله معي حق انقهر والا لا
والله لولا الخوف من الله اولا ثم خايفه يجي ابوي شي كان وريته رسايل خوات زوجي وعمتي وحرمه عمي
هو اصلا للحين والله ياقلبي يقول احس بجمره بصدري ليش ابوزوجك مازارك وانتي منومه والله ماانساها له
انا اذ تنوم احد من عياله والاهو اجيه 500 كيلو وبنتي امانه عنده ومابينه وبين المستشفى الاكم كيلو ومازارها
ليش وين منبي لو اني ميت (بسم الله عليه)مو هو حسبه ابوها
بس ابوي مايدري ان الحريم حاشيت راسه
No0orh
No0orh
الله يفرج همك ياختي
والله يعنيك ع هالاشكال
ام سوار الحلوه
حبيبتي هدي نفسك ونصيحه مني الك لا تعملي قيمه كثير للناس وعامليهم كما يعاملوكي
وانتي ليه منخرطه فيهم انا لو منك بعمل جو لحالي بعمل قعدات ولمات وناس من طرفي والي متأكده انهم بحبوني مش مجبوره تروحي تقعدي مع ناس ما بحبوكي وهمهم انهم يرفعوا ضغطك والله بضغط كل الناس وما بهز من راسي شعره
المهوية
المهوية
الله يفرجها عليك قولي اميييييييييين
الدنبا غدرن بي
حبيبتي هدي نفسك ونصيحه مني الك لا تعملي قيمه كثير للناس وعامليهم كما يعاملوكي وانتي ليه منخرطه فيهم انا لو منك بعمل جو لحالي بعمل قعدات ولمات وناس من طرفي والي متأكده انهم بحبوني مش مجبوره تروحي تقعدي مع ناس ما بحبوكي وهمهم انهم يرفعوا ضغطك والله بضغط كل الناس وما بهز من راسي شعره
حبيبتي هدي نفسك ونصيحه مني الك لا تعملي قيمه كثير للناس وعامليهم كما يعاملوكي وانتي ليه منخرطه...
اللهم امين

ياقلبي حاولت اسوي صداقات منهم وحده زوجه زميل زوجي
جوو خوات زوجي اخذرقمها وبس عندهم طلعت مع زوجي زعلو وش اسوي انتحر
انا عارفه والله العظيم ودهم ضغطي يرتفع باللي هو به بس الله يشغلهم بانفسهم