ارسلها ول انطر 😢

بدش ف السالفه ع طول .. يا بنات انا فتحت مشروع فبيتي ولله الحمد الله وفقني فيه مع انه عندي شهاده بكالوريوس بس تعرفون الوظايف تتاخر فقررت اني استغل معرفتي وافتحلي مشروع .. المهم مشروعي كان مدرسه خصوصيه وحاطه غرفه ف لحوش خاصه وباب من وراء عشان طلبه يدشون يعني مشروعي بس وقت المدارس ثلاث ايام ف الاسبوع لطالب .. الي صار يا بنات انه فيه وحده كانت تجيبلي بناتها ثلاث ادرسهم وحده ف الاعدادي وثنتين ابتدائي والله ما امدح نفسي بس ولله الحمد ادرسهم بضمير وقد ما اقدر والحمدلله البنات تغيروا كثير وامهم دايما تتصل فيني وتمدحني لانهم تحسنوا كثيييييييير بعد ما كانوا يرسبون وانا والله افرح واتححححمس زياده .. وانا متفقه معاهم انه اخلصهم شههههر يعطوني حقي مالت الشهر واول ما اخلص شهر ادزلهم مسج ويعطوني المبلغ .. المهم هذي الحرمه الله يستر عليها خلصت بناتها ثلاث شهر كامل رسلتلها قالتلي ان شاء الله بس ابا سبوعين زياده وراح اعطيك مع بعض مبلغ شهر ونص قلتلها مو مشكله ان شاء الله ودرستهم سبوعين زياده .. ونشغلت انا سافرت وكذا مر اكثر من ثلاث اسابيع واهيا ابدا ما جابت طاري رسلتلها قبل سبوعين قلت يمكن نست او شي او ظروف خلني اذكرها والمبلغ يا بنات مش صغير يعني زين ردت علي انا ما نسيت وبس ما زادت ولا نقصت بالكلام بس هذي الجمله قلتلها انا ف لبيت واي وقت وصليلي ياهم وما ردت 😖 ...
واهيا ما شاء الله تبارك الله موظفه وحالتهم تبارك الله ممتازه وما اعتذرت مني مثلا قالتلي صبري علي وكذا كنت بعذرها وانا تعبت وايد مع بناتها للامانه وبعدني حامل وكذا وع وجه ولاده الحين ومحتاجه هالمبلغ لانه زوجي بعد ع قد حاله مادري شسوي ارجع ارسلها مره ثانيه؟ شقولها ؟ احس مادري متفشله ارسل مره ثانيه مادري شقول 🤒🤒🤒


ساعدوني 🤮