ورده كورشيه @ordh_korshyh
محررة فضية
ارسل لي زوجته تاخذ عيالي
مابطول عليكم واعذروني لو خثردت بس مكتومه يابنات تكفين ارسل طليقي رساله لي قال جهزي العيال جاي بس يومين وابي اشوفهم قلت طيب انا باقي اروشهم مامر ربع ساعه الا وهو يرسل زوجتي عند الباب طلعيهم واللع يابنات يوم قريت اني حسيت رجولي تسمرت شوي الا الجرس يرن واروح اقول مين واقول يارب انها مو هي يارب انها حرامي يقتلني وارتاح وافتح احلفلكم يابنات انها متظبطه تقولون رايحه عرس عرفت انه يبي يوريني ويقول شوفي النقوه انا ارتبكت قلت ياهلا الاسم الكريم وهي تعطيني ذاك الوجه والنظرات الي كنها شايفه لحجيه طبعا هي اخر كشخه واخر غرام والروج بمبا ولمعه فوق العين وحركات وانا قميصي حنفشته ودخلته في سروالي كنت اروش الصغار وقشعتي ماظنيت انها بتجي وارتعت من الرساله وبقعاء المهم قالت ماعليش مو مهم الاسم بليز ممكن تطلعين العيال قلت والله ماشاء الله ساطيه و وجهك قوي لو مو قوي والله ماتتجرين تحطين نفسك بهلموقف لاكن والله لاكرمك واجيكم واملى فمي تفله واتفل بوجههاوهي تصيح وجعع قفلت الباب بوجهها بأقوى قوه واروح ارسل له قلت من يوم عرفتني انا عمري قللت من قدرك ولو بعد الطلاق انت كيف تجرأت ترسل سلقتك تاخذ عيالي المهم يافلان ودي انك بقيت رجال في عيني عالعموم والله الذي أنزل كتابه معاد تشوفهم الا بحكم شرع ولا تشوفهم الا بأمر محكمه وبلوك انا بس بلكته واطالع من الشباك واشوفها يوم راحت معاه وابكي ابكي ابكي لين انحرقت عيوني ليش ذالرخص الي سواه فيني وماخبي عليكم اكلتني الغيره بس صدق حركته تزعل ليه يرسلها اقهرني بكيفك بس تقلل من قدري وش شايفني يعني عارف اني احبك فتبي تهيني وتبي تقهر قلبي طبعا ماعلمت اخواني ولا علمت احد وانا صدق واللع معاد يشوفهم الا بحكم محكمه يروح يرفع ويحكم له القاضي اما اني باقي احترمه لا يحرم عليه
155
11K
يلزم عليك تسجيل الدخول أولًا لكتابة تعليق.
اسال الله ان يجبر قلبك جبرا يليق بجلال وجهه عاقبيه لايشوفهم الين مااايروح للمحكمه ويجيب اذن من القاضي انه يشوفهم واللجنه اتوقع راح تحدد يوم بالاسبوع اويوم بالشهر و مكان عام حديقه اومكان عام يجي ويشوف عياله فيهم عاد مدري اذا يحددون له انهم يباتون عنده ليله اوليلتين بالاسبوع اوبالشهر ماعندي فكرة واما زوجته بجيحه وجريئه بقوة والسؤال العجيب كيف طليقك يرسلها كيف تجي بيت طليقته وتاخذ العيال وليش مايهز طوله هو ويجي ياخذهم وزين ما سويتي فيها اعطيتيها الي تستحقه الله لايحط احد بمكانك حاسه فيك والله اسال الله ان يجبر قلبك ويعوضكاسال الله ان يجبر قلبك جبرا يليق بجلال وجهه عاقبيه لايشوفهم الين مااايروح للمحكمه ويجيب اذن من...
تصدقين كان بس يرسل اجهزهم وانزلهم له نفقه مااطلبه مابكذب مايقصر معاهم بس مستحيل اني امينه بشكل ذا تسوي ذي الحركه ليه بعدين عارف ياختي اني احبه واني اغار واني بحرق نفسي وهالشي الي خلاه يتمادى لا وبعد بحركتي ذي اثبت انه صدق احرقني قضا عليه سدد لي الضربه القاضيه بس بنت انا صفقته ببلوك وهو يعرف والله معاد يشله الا كان ينفخ إسرافيل بلصور خليه يروح المحكمه ويتمرمط وياخذهم بحكم شرع ويعرف انه كان في نعمه ازهليني اذا استحمرت والله ان يتمنى انه قعد رجال ابشربي ياذالعربي
الله يفرج همك وشكواك ويسخر لك كل خلقه
ويعوضك خير عاجلا غير اجل
ويرزقك التوفيق في الدنيا والآخرة🌹
ويعوضك خير عاجلا غير اجل
ويرزقك التوفيق في الدنيا والآخرة🌹
اول شئ قوي شخصيتك ماهو بالصراخ لا بالهدوءاول شئ قوي شخصيتك ماهو بالصراخ لا بالهدوء
حلوه يابنت تاخذ العقل والبياض والمعهد فوق العيون شكلها شيقلام على صفاه البشره وفوقها تسولف من طرف خشمها بس بنت معاد تشلها سيقانها والله عالم الغيب والشهادة ياشعرها لااتنتفه
الصفحة الأخيرة
عاقبيه لايشوفهم الين مااايروح للمحكمه ويجيب اذن من القاضي انه يشوفهم واللجنه اتوقع راح تحدد يوم بالاسبوع اويوم بالشهر و مكان عام حديقه اومكان عام يجي ويشوف عياله فيهم عاد مدري اذا يحددون له انهم يباتون عنده ليله اوليلتين بالاسبوع اوبالشهر ماعندي فكرة
واما زوجته بجيحه وجريئه بقوة
والسؤال العجيب كيف طليقك يرسلها كيف تجي بيت طليقته وتاخذ العيال وليش مايهز طوله هو ويجي ياخذهم وزين ما سويتي فيها اعطيتيها الي تستحقه
الله لايحط احد بمكانك حاسه فيك والله اسال الله ان يجبر قلبك ويعوضك