ارشدوني

انا متزوجة لي ٦ سنوات عمري ٢٦ وزوجي ٣٤ ماارتحت ابد في حياتي والحمدالله ع كل حال بداية زواجي كانت حياتي جحيم زوجي ماكان طبيعي ابد بس منت بريئه ومااعرف شي توقعت معه عين او حسد لاني قلت لامي عنه قالت عين او حسد اقري عليه وبدأت المعاناه يشك فيني ومايصرف علي الراتب يطير من اول يوم دايم طالع برى البيت واذا جاء بعد يومين او ثلاثه ينام مايصحى الا بعد اسبوع وهكذا حياتي حملت وجبت بنت والمشاكل كل مالها تزيد ويقعد يزن علي احملي احملي وكانت بنتي صغيره عمرها ٨ شهور وحملت وجبت ولد وهو انواع الاهمال لدرجة يقعد ٤ شهور ماندري وينه ولا يدق ولا يسأل ولا يصرف علينا وغير كذا فصل من العمل انا وقتها قلت خلااااص مابيه بتطلق بس امي رفضت تقول اصبري والحريم يصبرون ومادري ايش وهذا كله انا مدري الرجال وش فيه بعد ٥ سنوات كنت في بيتي واختفى يوم كامل مادري عنه شي ومقفل جواله ولما رجع شبك الجوال في الشاحن وشفت الجوال وعرفت وش فيه زوجي كان مدمن وله علاقات شذوذ وعرفت ليش يهرجني بالشهور احيانا سنه تقريبا اسال الله السلامه والعافيه بعدها رحت لاهلي وطلبت الطلاق وقلت كل شي لهم بس برضو قالو اصبري وطلاق مافيه 😭😭😭 وقعدت عند اهلي ٩ شهور وهو يترجى اهلي يرجعني وانه تاب وهو دخل دورة معالجه من الادمان والحمدالله كان فعلا تايب لما رجعت له بعد ٩ شهور مافي هديه ولا راضاني ولا شي انقهرت ندمت اني رجعت بس عيالي متعلقين فيه كثير رجعت وانا كارهه له واتمنى موته وادعي عليه كل يوم انه يموت هو معالمته معنا كويسه بس انا كرهته صرت اتخيل نفسي مع واحد ثاني طبعا من الخيال حتى في الجماع انا الان لي ٦ شهور من رجعته ضروفه الماديه زفت يقول اصبري علي سنتين الين تنتهي القروض والاقساط وبدلعك وابشري بعوضك بس ماعاد فيني صبر صرت اقارن بيني وبين اللي حولي دايم ادعي يارب يموت او انا اموت وافتك صرت منطويه ع نفسي دايم متقفله لحالي في الغرفه دايم حزينه وافكر في الآم الماضي ارشدوني جزاكم الله خير للمعلوميه هو فعلا تاب وتغير ١٨٠ درجه لكن انا كارهته من كل قلبي