ارشدوني بناات

رب يهدي أولادك ويعينك على تربيتهم ,, ولازم الأب يكون موجود في حياتهم

خلاص كبروا وصعب تسيطرين عليهم اول يمين ويسار ويفهمون ويخافون الحين ولا عليهم من كلامك
ممكن البيت ضيق عليهم فرقيهم بغرف عشان مايتخاصمون
وزوجك مع الغلاء والضرائب اكثر للرجال انخلفوا
خلي زوجك يتعالج وفهميه ان التربيه مسؤليتكم اثنينكم
امسكي عيالك وفهميهم انك ماعاد ترتاحين منهم .اذا يتخاصمون ع البلاستيشن قسمي اوقات لهم حاولى تتدخلين فيهم ولا تخلينهم يتصادمون مع بعض واذا اتعبوك مره اضربيهم بالعصا اذا التفاهم ماينفع معاهم .
او خبري احد من اخوانك يجي ويساعد ع عيالك او احد اعمامهم
والله يصلحهم

حبيبتي الدنيا ماتمشي على وتيرة وحدة وعليك ترقين بيتك بالقرآن والذكر وتلازمين سورة البقرة لأنها بركة في البيت
وعليك بكثرة الدعاء والصدقة
وساغدي زوجك بالعلاج وقدامه العافية يارب

ارقي نفسك وعيالك وبيتك
شغلي الرقيه ببيتك وسورة البقره وحصنيهم صبح ومساء وادعي ربك يهديهم ويهدي زوجك

لفتني في كلامك تقولين ربيتهم احسن تربيه..
ترا الله الهادي وهذا فضل من الله مو شي بيدك، صحيح بذلتي مجهود بس رب العالمين هو اللي سخرلك طاعتهم وهدوئهم..


لذا ارجعي لله بالدعاء واطلبيه يهديهم ويسخرهم ويالف بين قلوبهم..


ثاني شي انتي في ابتلاء من مرض زوجك لتغير اولادك وحياتك، اعتبري نفسك في امتحان وحاولي تتجاوزيه بالدعاء والاذكار وقراءة القران،
سبحان الله بعض الابتلائات ترجعنا لرب العالمين وتكون سبب في قوة الايمان..


ثالث شي لاتحطين القران في التلفزيون وتمشي وتحسبين بركته تعم البيت فقط بفتحه، لانه نادر اذا فتحناه نسمع او ننصت للايات..


القران بركته في قراءته وانا اتكلم عن شي عايشته بنفسي، كنت سبع سنوات افتح القران دايم وماشفت بركته الا لما جاهدت نفسي وقرأته ولله الحمد..


اخر شي داومي على سورة البقره وبتشوفين بركتها في حياتك واولادك وزوجك بس اضغطي على نفسك هي كلها ساعه وحده اجلسي اقرأيها بتدبر،
ولا تقوي اسبوعين وتملي استمري شهر شهرين ثلاث ان شالله سنه وبتشوفين بنفسك..


اولادي سبحان الله كانو ذابحيني والله ابكي منهم وهم اثنين فقط، بس متعبين وطول اليوم ضرب وصراخ ومابقيت ولاطريقه لاتربويه ولا غيره..


اللي غيرهم وخلاهم اهدا الدعاء بهدايتهم وسورة البقره والمداومه عليها..


مازالت فيه مشاكل بينهم بس صارو افضل من اول وين كنا ووين صرنا..


لو ضغطتي على نفسك وقراتي البقره والحيتي بالدعاء والله بتشوفين كيف حياتك بتتغير للافضل..


الله يفرج همك ♥️✨