شكرا كتير على ردودكم بس لح وضح اكتر حتى تفهموني وتساعدوني زوجي ابوه توفى من لما كان عنده7 سنين امه ربته هو واخواته بس كان بتربيتها لهم شوي من الاخطاء اولا ربتهم بشوي من القسوة مشان يطلعو رجال وكانت تقلهم ان المراة مابتنعطى وجه حسن بس الشغلة الوحيدة الكويسة هو لمتهم ع بعض وبيحبو بعض وبيخافو ع بعض وكبرو وطبعا بصغرهم كانو محرومين من كتير اشياء وحملو المسؤلية ع بكير وماكمل دراسته للتاسع وبس اما انا فانا البكر لاهلي ومدللة كتير وزوجي بيكون جارنا هم غير نحنا نحن متحررين شوي بس والله هم مو دين تعصب وحقد ع المراة حبينا بعض كنت صغيرة 13 سنة وخطبني وبعد شي سنتين صار مشاكل هو بيتدخل كتير وما بيحب عوايدنا بس كنت بدي ياه وهو كمان بس علقت بين اهالينا وانفسخت الخطبة بعد ما كان العرس قريب كنت اوافق عن كل شي بده ياه وهو كان معي منيح تصورو ماقدرت اعرف عنه الا انه بيحبني وانو رومانسي وانو منيح بعد عناد اهلي بعدم رجعتي له اهله خطبولو وانا ع زمته طبعا بالعناد مع انو كان كتير عم يحاول يرجعلي وطبعا اخد مواقف ع اهلي خصوصا ماما تزوج بعد شهر وطلقني قبلها باسبوع طبعا كان شي صعب كتير لاني بحبه رجعت لدراستي وحياتي بعد فترة بسيطة كلمني وقال انو مو مبسوط بحياته ولسا بده ياني تجاوبت معه وحكينا مع بعض وطلق زوجته بعد اقل من سنة وعرفت انو مالمسها الابعد 6اشهر من الزواج غصب عنه بعد ما اهله جبروه لكي ما تطلع عليه اشاعة انو مريض وطلعت حامل بس كانت ببيت اهلها ما قدر ينزل البيبي وسافر وبدا يشتغل وبقينا مع بعض وكان في مشاكل ومشاكل اهلي رافضين وووو اخيرا بعد ما حاولت الانتحار وتركت الدراسة ووو وافقو وتزوجنا بعد ثلاثة اشهر وع طول على مصر كان معي منيح بس شوي شوي صرت اكتشفه وطلع يلي بداخله من غل على اهلي وماما بالذات بيقولي امك بتروح وبتجي ع كيفها انا ما بدي تكوني هيك ووووصار عندي بنت وولد هو بيحبني بس ما بيقدرني ودغري بس نتخانق شوي بيطلع كل شي وبيهتني باهلي مع انو اهلي كتير كويسين معه وهلا مافي شي بس انا بدي يكون لي كيان ورايي عنده سامحوني انا اسفة ع الاطالة بس لكي تفيدوني اكتر ارجو ان تكون وصلتكم الصورة كما هي وشكرا جزيلا ملاحظة هو ماعنده الا اختين الكبيرة متعلقة فيه كتير بحسها كانه ضرتي بيعطيها فلوس وبدها هيك وهيك على حسابه وفي اسرار بينهم وتلفونات وما بيحترمو وجودي بتقلي اطلعي برة او بيسكرو الباب هو ساكت انا مابقدر قول شي ع اهله هم دايما الصح والكويسين والباقي لا هم تربيته منيحو وهم وهم وهم مع انهم الله يهديهم غير العالم كلها بامور كتير حاولت التقرب بس ع طول ناشفين معي وانا مسافرة مابيسالو ولا بكلمة ولا شي وانا هيك عادي المهم زوجي

أختي العزيزة:لازم تعرفي طبايع زوجك وتعرفي اي نوع من الرجال هو:من النوع اللي يجي بالطاعة العمياء والحنان (مع ان هذا النوع نادر في الجل الشرقي).
أو من النوع اللي قالت عنه البدوية (زي الظلال لما تهربي يلحقك ولما تلحقيه يهرب)وهذا الغالب.
لا تحسسيه برقابتك عليه (اعطيه الثقة).
أشغلي نفسك بحاجة ممتعة بالنسبة لك وفي نفس الوقت مفيدة وخليه يحس انك لاهيه عنه (لازم ) وشوفش كيف يصير.

شكرا لكم ياعزيزاتي على ردودكم الحلوة