ارشدوني ،،عقلي مشتت

السلام عليكم ورحمة الله وبركاته


بنات انا زوجة الولد الكبير ،عنده خمس اخوان و٦ اخوات متزوجات ومعيلات
اهله ساكنين ببيت دورين
دائما انا معاهم ع الحلوه والمره بس اخواته عندهم الغيره الف ،لاتقولي لهم سوينا وشرينا
زوجي سيارته كانت وانيت اقنعته يشتري جيب وقطيت معه ،خواته عندي مايتكلمون بس يوزون الام دقي عليه يعطينا المفتاح فلان بيودينا ماتشيلنا سياره صارت سيارتنا باص لدرجة اشترى كامري قديمه مستعمله ب٥٠٠٠ وربي سقف السياره القطن والاسفنج يتدلى وصار يوديني ويجيبني عليه والجيب اخر موديل مفاتيحه بايادي اخوانه ويشيل عليه اخواته وامه اللي متزوج واللي مو متزوج ،خرب جيبنا ودايم تصليحات و و اللحين يسمونه القرنبع ،اقنعته يشتري ارض وزودته ٣٠ الف واشترى وقدم ع البناء وكان يبي يبني دور وشقتين .واترجاه ماتحمل مستأجرين فوق ابغى فله ،ووافق بعد محاولات لما بدينا البناء ملزم على غرفه جنب المجلس مالها داعي يقول الا لازم قلت بخلي فيه طاولة طعام ومفتوحه قال لا لازم لها باب ،بعدين يجي احد ينام عندنا و و و حتى مجلس النساء اقوله ابيه قوس قال لا لازم له باب افرضي بكره يجون رجال يسلمون و و قلت يسلمون على مييييين قال افرضي اخوانك عيال اخوانك وانا عارفه القصد والنيه المبيته قصده امه وابوه ،انا شارطه في عقد النكاح بيت مستقل ،واهله عندهم بيت وبنتهم متزوجه وشاري لها زوجها بيت عند اهلها الجدار بالجدار غير واحد من الاولاد متزوج وساكن فوق ماشترى ارض ولا بنى ،المهم امس زرتهم ومع الرجعه جا زوجي ياخذني عطاني المفتاح وقال اركبوا السياره وراح جلس عند خواته وامه طبعاً بيت امه مايفضي من خواته وعيالهم ماشاء الله وانا في السيب اسمع وحده من خواته تسأله عن فلتنا وين وصلتوا و و وكيف المجالس ،والام تلمح تقول يازين فلان ولدها الثاني اشترى ارض تقول يازين فلان يقول امي وابوي معي معي ماراح اخليهم يسكنون معي ،قالت اخته فلان ماراح يبني فيلا بيبني دور زحمه مايكفي يلمحون له،مايبون احد يتهنى المفروض انها ماتفكر حتى تطلع من بيتها وربي يابنات كبير حوش ١٣ في ١٤ متر تركض معه الخيل وبناتها كلهم بنفس المنطقه وكل عصريه بالذات اللي جنبها كل عصر وهي عندهم وولدهم فوقهم لا ومتزوج بنت اختها يعني وضعها ممتاز بس يحشون راسه يلمحون له وهو تعشعش الفكره في راسه مو بعيده يقولون سكن امك وابوك عندك والويكند تجيبهم جمعه العائله في البيت هذا السابق ،يابنات انا من يوم اتزوجت مافرحت بشي زوجي ماطوره الا انا واهله ينغصون علي حاشرين نفسهم مررررره بالذات البنات ،شىوروا علي ازور اهله واتكلم معهم واصارحهم ليش الغيره مابغى احد يسكن معي لو ماعندكم مكان تشيلكم عيوني ،بس وضعكم هذا وتفكرون في بيتي واقولهم لو صار انا بخليه لكم وبطلق عندي راتب وعندي ارض مو عجزانه لابني لنفسي اخواني ماشاء اللله ،ولا اكلم زوجي اقوله عن تخطيطي اذا صار ذَا الشي ،ايش اسوي بنات تكفون ابي رأيكم الصادق