مالي بالمقدمات بسدح موضوعي وكل وحده تقولي شتسوي لو هي مكاني
بنات انا مسافره مع عيالي عند اهلي طبعاً بطياره مو سياره تاريخ 26 /6 ميلادي وحفله تخرج بنتي اليوم اللي بعده على طول’
بنتي بالروضه وهي من زمان شاريه لها فستان حق الحفله ودافعه قيمة تصوير الفيديو والفتوغراف ومستانسه وتبي بس يجي هاليوم تبي تفرح حاس روحها انه بتاخذ شهادة دكتوراه
ويوم خبرونا اليوم عن موعد الحفله انا انقهرت وقلتلها راحت عليج ومارح تلحقين عليها وجلست تبكي وعليه وتقولي مب مسافره وياج وماسكه ببطاقة الدعوه للحفله وعيت تعطيني اياها تخاف اضيعها مع اني اتصلت بالروضه قبل لا احجز قالتلي المديره بيكون اخر يوم تاريخ 22 عاد انا احسب هالتاريخ موعد الحفله والحين احترت بين بنتي والحجز قلت لزوجي خلني أجلها على الاقل يوم يقول بياخذون فلوس زياده وما اعرف ايش وهو مو فاضي يحتاس عشان حفلة بنت مفعوصه توها بالروضه على قولته . هو صح هالكلام يابنات بياخذون حق تأجيل الحجز مبلغ بسيط ولا كبير ياليت اللي عندها فكره تخبرني ؟ وشوروا علي نتوكل ونسافر واروح على بنتي حفلة التخرج اللي عورت راسي فيها ولا أأجل سفرتنا بعد كم يوم من الحفله وارضيها.
صكيت راسكم ادري كل شوي حفله وحجز حجز وحفله بس والله اكسرت خاطري بنتي صارله تتدرس سنتين بهالروضه وابيها تاخذ ذكرى لهاليوم مثل اي شخص يفرح بيوم تخرجه حتى لو كان من الحضانه ,,,
انا قلت لزوجي شرايك تروح انت لانه هو مب مسافر معنا تروح بدال بنتك الحفله وترقص مع اليهال
ويصورونك ومنها تاخذ شهادة بنتك وهديتها وتستلم بعدد كذا السي دي والصور وترسلها لنا عند هلي على الاقل نحس انه في احد منا حضر الحفله وبكذا بنتي وصلتها الشهاده والهديه وتصوير الحفل وتنبسط فيهم وتعيش الجو كانها حضرتعاد زوجي وانا اتغشمر معاه صار كذا :mad:
والحين بنتي بالغرفه الثانيه تسوي كذا :icon33: وانا احترت :(
فرحة طفلة حرام تضيعونها