اللهم بلغنا واياكم شهر رمضان يارب
من فيكم يا خواتي ما تبي تجمع حسنات في هالشهر ؟
من فيكم ماتبي ترضي زوجها بانواع الاكل والطبخات ؟
من فيكم ما تبي تطمئن في مطبخها وتحس بالجو الروحاني ؟
اكيد بلاشك كلكم تقولون نتمنى هالشي وتقولون بنسوي وبنسوي وتروح العشر الاولى وتقولون لا باقي عشرين يمدينا وتروح العشر الثانيه وتقولون بنجتهد في العشر الاواخر وتجي العشر الاواخر وتنقضي في السوق ولا في الراحه بحكم انكم بتعطلون ( طبعا للموظفات ) ... وتروح الايام وبعدها جلسي حاسبي نفسك ... بتشوفين اغلب وقتك في المطبخ
ادري بتقولون وش تبي هاذي هاجمتنا .... لا والله يا اخوات ما هاجمتكم ولا شي بس اللي قهرني الامم اللي في السوبرماركات .. مافي شي انا مو معارضه بس اللي اعارض التبذييييييييييييييييييييييير والاسراف يا خواتي والله اتفاجا لما اشوف سلتين ولا ثلاث وحده عند الزوج والثانيه عندها وتشوفيها مليييييييااااااااانه اكل كان شهر رمضان شهر جوع ... وناهيك عن اللي تنتظر المسلسلات واللي جالسه تنظم وقتها ونومها على حساب البرامج ووووو ....
ماقلنا شي اكلو ووسعو صدوركم وطالعو مسسلات بس بحدود المعقول وخلو لدينكم نصيب انا بقولكم كيف !!!!!!!!!
شوفو يا اخوات انا ترى من هذا الحال يضيع علي رمضان ولا استفيد .. علشان كذا قررت اني استفيد باقصى جهد شلوون راح اقولكم
جمعت لي ادعيه واذكار الصباح والمساء والاستغفار وكتبتهم بالورد طيب .. وقصيتهم شرايط ولصقتهم في المطبخ يعني يصيرون قبال وجهي ... طبعا انا حطيتهم فوق رف الدروج علشان تصير قبالي واذا جيت باخذ شي تطيح عيني على المكتوب وعلى طول اردده فاهمين معي
وهذا صورته (سامحوني الصوره مو واضحه )
https://d2s63a22uzwg40.cloudfront.net/postexternals/notFoundFromSource.jpg
المهم وقررت اني اقرا القران قبل ما ادخل المطبخ بنص ساعه واخلص جزء وبالليل جزء وعند صلاة الفجر جزء ان شاء الله يقدرني ربي بكذا راح ناخذ من اليوم ساعه ونص بس في قراءة 3 اجزاء
تعرفون يا بنات حنا تجينا الدوره ولا نقدر نقرا كل يوم جزء صح علشان كذا خذي احتياطك .. وبالنسبه للموظفات يقرون في وقت حصة الفراغ او في مكتبهم اللي يبون
وبس اتمنى وضحت النصيحه وصدقوني ما قلت هالكلام لكم الا لما شفت عدم اهتمام الناس بالعباده في رمضان وعدم استغلاله وخوفي عليكم من النار لا تنسون اكثر اهل النار النساء الله يرحمنا
واللي تبي الورقه اللي سويت فيها الاذكار هذاهي في المرفقات .. ولا تقولون موجوده في التسجيلات جاهزه ادري وزوجي قالي بس انا قلت لا ابي انا اللي مسويتها علشان على الاقل اخذ اجر الكتابه ولما يصير الشي انتي مسويته تتشجعين صح
ان شاء الله ما ثقلت عليكم
مع السلامه
