ارعصي هنا ياحوائيه تجدي ماينرفزك قصدي مايسرك خخ

السلام عليكم
بنات المنتدى ذا من اروع المنتديات اللي مستحيل يمر يوم بدون ماادخله واشيك على المواضيع
بس ملاحظه هاليومين ظواهر غريبه قاعده تحصل بالمنتدى
وراح اعد كم ظاهره منها


اولا:
ظاهرة المواضيع الغريبه اللي طرحها ماراح يفيد كاتبتها بشي
مثلا
(بنات ابي اطلق وش رايكم):eek:
انا معك بس الطلاق خطوة كبيرة وحد يقدر يساعدك على انجازها الا انتي لانه من اكثر القرارات خصوصيه
اوكي اكتب المشكله بالمنتدى البنات اكيد بيساعدون بس مو قرارات مصيريه زي كذا
او
(بنات ابي احشش شرايكم؟:icon32:
يعني وش راينا اكيد بنقول لك لا يختي مايجوز
او
(بنات انا مااصلي تعالوا انصحوني):nerd:
يعني عارفه انه حرام بس كذا تبي تسولف




انا من اشد المتاثرين بالمشاكل الاسريه والنفسيه واييد الاستشاره وواثقه ب مقوله ماخاب من استشار واتفاعل مع صاحباتها وانا بعد كتبت كم مشكله
بس في شي اسمه عقل مو كل شي تشورين احدفيه احتفظي بكم قرار لنفسك وخلي شخصيتك قويه باتخاذ القرارات




ثانيا
الهوشات تجي وحده تكتب شي في بالها او امنيه تبيها تتحقق:44::surprised
وتروح وحده تنزل موضوع تهاوش الاوليه فيه على انه موضوع سخيف وازعجتونا بهالمواضيع ومن هالموال
طيب ياحبيبتي احنا نساء عاقلات مثقفات مسلمات والاخيرة حطي تحتها مليون خط يعني ماراح يظرك لو اختك في الله نزلت موضوع او امنيه او دردشه او فضفضه بالعكس يمكن يجيك يوم تحتاجين تكتبين فضفضه وبتلقين اللي يفشلك ويذكرك بكلامك
عشان كذا انا نزلت قبل كم يوم موضوع عن الهوشات والردود الاستفزازيه وتعبت وانا اكرر واعيد وازيد واقول ارتقوا



ثالثا
مواضيع جنسيه:09:
يعني انا هالمواضيع مااطيقها باستثناء اللي فيها اثارة بالتمليح او تعليميه يعني من هالقبيل
مو تجي وحده تقول زوجي يجامعني (واسمحوا لي على هالكلمه) بالجنز
لقيت مقاطع اباحيه بجوال زوجي <-- وتوصف لك المقطع
ولا انا صايرة بارده
ولا ليالي حمراء:angry2:
ترى فيه بنات مو متزوجات يتصفحون المنتدى وتذكروا قوله عز وجل { ما يلفظ من قول إلا لديه رقيب عتيد )
يمكن بسوالفكم هذي تشهون البنت لهالسوالف او تقهرون زوجه محرومه يعني اتقوا الله فيما تكتبون




وبالخير باقول لكم والله اني مقصد احد بكلامي هذا بس مجرد فضفضه للي اعتبرهم حسبه اخواتي
ومافيه بقلبي غير كل حب لكم يالغاليات


والله حاسه اني بيشيلوني محمله بعد هالموضوع:11retcher<--- احسن وش اللي لقفتس وخلاتس تكتبين
بشويش علي بالردود ترى دمعتي على طريف:27: