السلام عليكم ورحمة الله وبركاته
كيكفم حبوبات اتمنى تكونون بصحة وعافيه وانتم تقرون موضوعي
بصراحة احترت لمين اشكي واكتب همي وحيرتي وما لقيت غيركم اخوات لي ناصحات ..
انا مطلقة ما انخطب نظرا لاني ما اطلع ولا اروح مع اهلي اي مكان فيه ناس مثل عزايم وزواجات ففرص خطوبتي قليلة ونادرة او بالاصح معدومة تخيلوا مر على طلاقي 5 سنوات وما انخطبت المهم انا خفت هالمره افوت على نفسي فرصه العمر وبنفس الوقت انا خايفة اوافق واندم وخايفة ارفض واندم ...
القصة كالتالي ::
تقدم لخطبتي شاب اصغر مني بسنتين يعرف اني مطلقه ومتمسك فيني ويعرف عني بعض المعلومات لان هناك علاقه سابقه بين عائلاتنا
يدرس بامريكا لا يملك اي شي سوا دراسته ومكافأة الجامعه .. وفي حال لو تم المووضوع بروح مبتعثة واكمل دراستي هناك .
في الحقيقة دار بيننا حديث وتكلمنا بخصوص الزواج والمهر وكل شي وعلى العموم هو شاب مقبول بالنسبة لي وكل شي تمام وكان يكرر كلمة انه اهم شي عنده الاستمرارية والحب .. .."هل تكراره للكلمه هذي عادي او انه يخفي وراها نوايا سيئة ؟؟" :(
المشكلة انوو تكلم في 3 نقاط اثارت عندي الحيرة والقلق والخوف ... :44:
الاولى انووو قال مافيه اطفال لمدة خمس سنوات يقصد مدة الدراسة بامريكا يعني من الممكن انو ما يكون يقدر يتحمل وجود طفل وهو يدرس مع العلم ان الطفل له مكافأه يعني ماراح تزيد المصاريف ..
ثاني شي قال انووو بعد الخمس سنوات اذا انهى دراسته بامريكا راح نرجع لبلدنا وحيخليني عند اهلي كم شهر .. شهر شهرين 3 المهم لحد ما يلقى وظيفه ولحد ما يشوف لنا سكن .والله انا خفت انه يتركني وارجع لبيت اهلي وكاني ما كنت ..
الثالثة وهي المهر قال هل تقبلين بمهر 20,000 انا والله العظيم ما يهمني المهر ولا تهمني المادة انا خفت من كلامه هذا انه يفكر يتزوجني لاني بقبل بالقليل او انه مستخسر فيني رغم انه على كلام اخوه متمسك فيني وبقوة
انا قلقه من هالثلاث امور ولا ادري وش الحل ...!!! :09:
خايفه انه يتزوجني بس فترة دراسته وبعد ما نرجع يتركني لانه مايبي اطفال خلال الخمس سنوات ؟؟ وخايفه بعد انه يكون اخذني لان مهري قليل ولان هذي قدراته ؟؟
انا مرتاحه له كشخص وانسان مؤدب ومثقف وحبوب لكن ليش تتوقعون انه قال هالامور ؟؟؟
هل هي اختبارات وخاصة المهر يعني لو كان يفكر برخص المهر وانه لو تركني ما خسر شي وش يعني دفع لي 20,000 هل تفكيري منطقي وصح او انا غلطانة ؟؟؟
انا عجبني فيه انو ما يبغى يروح لامريكا الا وهو متزوج يعني انسان يخاف الله في نفسه ولو واحد غيره كان قال اقعد بامريكا والعب ولا احد داري عني ..
ولو كان ناوي ياخذني فترة الدراسة فقط ليش يتعبني ويتعب نفسه من الحين يروح ياخذ له وحده قده .. ؟؟
يعني فيه اشياء افكر فيها بالعقل اقول هو كلامه جدا منطقي الا هالنقاط اللي قلت انها مسببة لي ازمة ... بس انا مفكره اني اناقشه فيها فان اقتنع فعلى بركة الله وان ما اقتنع فكل واحد يروح بطريق
انصحوني ارجوكم بالنسبة للموضوع كله من اوله لاخره ..
وش ممكن اسوي وهل اكمل الموضوع او انهيه وخلاص .
لا تخلوني :26:
ياحظي..أرجوك ابتسم @yahthyargok_abtsm
عضوة نشيطة
هذا الموضوع مغلق.
ياحظي..أرجوك ابتسم
•
الله يفرج لك ويفرحك مثل مافرحتي قلبي بردك
على فكرة هو خطبني بشهر ذي الحجة وصارت مشكلة بين العائلتين وانقطع ولا جاب سيرة للموضوع
والحين لما انحلت المشكلة رجع وفتح الموضوع وهو متمسك فيني ويحاول يتقرب لاهلي باي شكل
دبروني الله لا يحيجكم لاحد
والحين لما انحلت المشكلة رجع وفتح الموضوع وهو متمسك فيني ويحاول يتقرب لاهلي باي شكل
دبروني الله لا يحيجكم لاحد
الصفحة الأخيرة