بسم الله الرحمن الرحيم
السلام عليكم ورحمة الله
ذاك اليوم وانا في النادي اتمرن
( ياشين المهايط لازم تقول إنك تشيل حديد )
.@.هههههههههههههههههههههههههههههههه ههه.@.
دق الجوال وكان واحد من الشباب اسمه ابو صنديحه ( لان راسه كبير تقل سطل )
سلام فش فآش
قلت: هلا ابوصندح أمر تدلل
قال: وينك فيه
قلت: في بودي ماستر أتمرن
( لازم تعلمهم إنك مسجل بـ 1200 ريال يعني )
تواعدت أنا وأبو صندح
يوم تواجهنا ونجلس ندردش شوي
قال: وش رأيك نطلع لسوق السعوديه
قلت: بلا سوق بلا هم أكره شي عندي كلمة سوق
المهم
بعد محاولات أقنعني ورحت معه
وكان الهدف من السوق أن أبو الشباب يرقم
دخلنا السوق وأبو صندح ينقلب وجهه
قال: فش فآآآآش شف القمر اللي يمشي يآلبيه
قلت: اما قمر يمشي شف غيرها محصلي في لفه القمر في السماء
بعدين يانصاب بتشلخ علي كيف تشوف القمر والسوق مغطى
قال: ياثور يا غبي من وين تفهم أنت شف القمر اللي جنبك
قلت: ذي بنت ياأخي وش تبي فيها
قال: وحنا جايين هنا ليش
رقمها فش
قلت: وش دخلني لاني حق ترقيم ولاشي
تبي ترقم مالي دخل فيك
قال: ياأخي أنت شخصيه ووسيم وحق حديد
( ماسكه على الحديد اليوم )
قلت: مالي دخل فيك
قال: تكفى ترا تكفى تهز الرجاجيل
لوما ظروف الوقت ماقلت تكفى
قلت: أبشر بعزك لاتقول تكفى يابوصندح
من كثرها أرقم لك السوق كله
البنت كانت واقفه عند مكينة البيبسي أم ريال
(ههههههههههههههههههههه )
المهم
وقفت قدامها وحطيت الرقم في يدي
ورحت أمشي لها وكنت أعرج
وأقول : حنو على المسكين
حسنه قليله تمنع بلاوي كثيره
يوم وصلت عندها وهي تأخذ الرقم
قالت: قسم بالله إنك مجنون ولا أنت صاحي
رحنا وحصلنا ثلاث بنات يمشون
ومعهم خدامه لابسه جنز
من دون عبايه ولا برقع
المهم وأنا امشي جنبهم
وفجأه طلع لي شيطان الشعر
وصكيتهن ببيتين شعر على الماشي
قلت:
نكحل ونعشق ونتولع
في أرض سوق السعوديه
الخصر والعين والبرقع
والطرحه على الوجه مرميه
المهم
والخدامه تنقز في حلقي
قالت: وش تبي ماتستحي تتكلم على خواتي
( أفا الخدامه رجال )
قلت: أنت رجال والا بنت الحين
عشان أكون على بينه ونعرف نتفاهم
قال: انا أسمي متعب ويدلعوني ميتو
والبنات اللي معي خواتي وش تبي
قلت: سلامتك ياميتو بس معي رقم جوال
مميز ونفسي أبيعه لك
الرقم ياأخ ميتو كالأتي
((صفرين اربعه اصفار صفرين))
( إياك أعني وأسمعي ياجاره )
المهم
أبوصندح شاف له بنت
قال: وش رايك فش
قلت: شف رح لها وقل أي شي وصدقني تبي تسلك معاها
المهم راح أبوصندح وعطاها الرقم ورجع
قلت: بشر يالذيب عساك بيضت الوجه
قال: تصدق أخذت الرقم وقالت طيب ياصنديحه
البنت تعرفني يافش فآآآش
قلت: طيب ماقالت ناد فش الحلو العضلات...الخ
تستهبل انت ووجهك وش يبي يعرف البنت فيك
مسوي جواد العلي أنت وخشتك لايكثر بس
المهم
بعد يومين الا صنديحه جاي عند البيت
ووجه انواع الوأن الطيف أخضر وأحمر ... إلخ
( يذكرني بالسحالي يوم يكتبون موضوع ) <- ناوي يتسطر
قلت: وش فيك ياصنديحه
قال: الله يخسك يالخسيس
تدري البنت اللي رقمتها منهي
قلت: من لاتكون أخت أحد من العيال بس
قال: طلعت عمتي يالوسخ كله من تحت رأسك
وأبوي طردني من البيت
سؤال للتماسيح فقط ...؟
لو كنت في سوق وشفت بنت محتشمه ومعها اخوها
من لبسه وشكله وكلامه تدري إنها أرجل منه مليون مره
تتجرأ عليها والا لا؟
)
الموضوع منقول والغايه من النقل لان عجبني سؤال الشاب لاعضاء المنتدى و حتى تعرف اي وحده ان الشباب فيما بينهم مقتنعين ان البنت من لبسها وحشمتها يحترمونها..
. اتمنى اكون اجدت بالنقل
(ارقام بنات - ايام الترقيم الملاح ) موضوع للشاب يؤكد ان البنت المحتشمه محترمه عندهم!!
0
2K
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️