أما أنا بحكي لك عن تجربتي!!
سكنت حي العقيق: وما شاء الله حي هااادي ومرتب وكل الخدمات متوفره ما عدا أهم خدمه ألا وهي (تصريف السيول) يعني يغرق في شبر ميه على ما يقولون00
بعدين انتقلت لحي الملقا: حي فااااااااااشل ويفتقر لأهم الخدمات من تموينات عذائية ومغاسل وملابس و(تصريف السيول طبعا) والشارع الرئيسي بدون إناره وجلست فيه أقل من السنه ولله الحمد!!
بعده انتقلت لحي الوداي: حي لك عليه!! غير مرتب وما فيه تصريف سيول، لكن باقي الخدمات متوفره وعيبه الوحيد (طبعا أتكلم عن الشارع اللي أنا ساكنه فيه) إنه مختلط عوائل وعزاب!!
وكل هالأحياء الثلاثه تقع شمال الرياض0
أما أنا أصلا فـ من سكان حي البديعه: حي قديم لكن فيه أجزاء منه راقيه ( أقصد البيوت وتصاميمها) وكل الخدمات متوفره حتى تصريف السيول، أما الأسعا فهي نااااااااار (يعني لا يغرك إن الحي قديم) يعني الفلل عندنا (الدبلوكس) توصل قيمتها المليون بالراحة، حتى في الاستئجار الأجار غالي، لكن عموما الحي مريح وهادي ومرتب ويقع غرب الرياض0
هذا رأيي أنا من واقع تجربه، إذا بنصحك بقول لك بعد السيول اللي جتنا ابعدي عن الشمال!!
وللمره الثانيه أقول: إن كلامي هذا من واقع تجربه (يعني لا يزعلون أهل الشمال)!!
افضل وارقى حي بالرياض النخيل وخاصه الغربي وبعده يجي الخزامى والربيع
ثم التعاون والغدير
واسوء حي الجراديه ومنفوحه والعود وبن دايل
ثم التعاون والغدير
واسوء حي الجراديه ومنفوحه والعود وبن دايل
ms_mar
•
اختى والله عيب منك انك تطلبين تعرفى ارقى حى وبعدها تبي تعرفى اردئ حى ليش يعنى تبى تعرفى اردئ حى؟ هل انتى مو سعودية ؟ ولا مو من الرياض ؟ولا تستهزأين بالناس فى الاحياء الرديئة؟؟؟؟؟؟؟ ترا يطلع من هالاحياء دكاترة وعلماء ولكن الوضع المادى هو اللى حطهم بهالاحياء فلا تحرجين الناس اللى يسكنون بهالاحياء لان فيه منهم اكيد كتير جدا بهالمنتدى واكيد زعلوا عليك من هالسؤال ...... اشوف ناس ترد وتقول حى كذا او كذا من الردئ وبعدها يكتبون خخخخخخخخ والله العظيم قلة ذوق...... <<<< اكتبى ابى اعرف ارقى حي واقل حى فى مستواه المادى>>>> مو اردئ حى
الصفحة الأخيرة
وبالنسبه لأرقى حي في الرياض أذا كنتي تبين من ناحية الشوارع الوسيعه والجيره الطيبه(بذات عشان مدارس الصغار)فامن وجهت نظري حي الغدير(وكل الخدمات حولك) وحي النخيل بعد حلو وجداً راقي ومافيه أزعاج وعساني نفعتك أن شاء الله