صح كلام سوسه

مو شرط كل الناس تدرى!! ابوج او اخوج اللي بيتابع المعامله وغيره لا والف لا حتى اقرب الناس!!

نصيحتي لك تدورين على حلول افضل

ورقة الخلع ليست حل لأنها يمكن تحرمك من بعض الحقوق الخاصه بالورث او غيره

اسألي اهل زوجك ان كان وصلهم شيء من الاوراق الرسميه اللي تثبت وفاته قولي مثلا ماصدق انه توفى وش يثبت لي

مادري اذا السفاره السعوديه مفتوحه هناك ممكن تراسلونهم تطلبون منهم اذا عندهم اثبات لحالات السعوديين المتوفين هناك

اسألي الشيوخ الكبار ايش الحل في وضعك وهم راح يفيدونك بإذن الله

لكن اياك ان تعملين خلع ، لأنه عدا انه يمكن يسئ لزوجك المتوفي رحمه الله بيقولون الناس اكيد انه فيه شي وخلعته ، يمكن الناس تقول ماصدقت راحت تطلع ورقة خلع عشان تتزوج مانتظرت تجيها ورقة اثبات وفاة .

الناس مالهم الا الظاهر

اهم شي لاتستعجلين واستخيري واستشيري واسألي

والله يكتب لك اللي فيه الخير وييسر امرك ويفرج لك من حيث لاتحتسبين :26:

الله ييسر لك ويفك كربتك

أختي طلعتِ من العدة شرعاً والاوراق ماهي الا للتعامل الرسمي فقط !!!

لماذا لاتظهرين للناس وللعالم ؟؟؟

خليكِ عادية جداً وحاولي تطلعين شهادة وفاة ولو أنها صعبة جداً لكن أنتظري وأدعي ربك ييسرها من عنده
فالدعاء شأنه عظيم ,

يعني اذا فكرتِ بالزواج راح تحتاجينها فقط ,
اما الآن أطلعي وزوري وريحي نفسك مايكون الا المكتوب ...

السلام عليكم


حبيبتي لاتفرطين بحقك

انتي ارمله ولستي مطلقه

ومسالة شهادة الوفاة تقدرون تطلعونها من السفاره السعوديه هناك


او اذا اتازم الوضع وكلوا محامي


وهو يتولى القضيه


والله يكون بعونك ويسهل لك كل صعب


وبالفتره الحاليه عيشي حياتك


كملي تعليمك او توظفي اذا معك شهاده


الين الله يفرجها

وتتزوجين مره ثانيه

اختي ام مسلم وتقوى الله جزاكم الله الف خير على التشجيع لان انا مابي الا ورقة الوفاة
اختي امل نجد كل كلامك صحيح انا خايفة من الكلام خاصة اننا بمجتمع مايحب الى اختلاق القصص
وان شالله يفرجها رب العباد بحل من عنده بإذن الله تعالى
وانا متوكلة علية سبحانة
فادعولي