ارموووو كل شي وتعااالو

السلام عليكم ورحمه الله وبركاته

اولا :: اتمنى من كل وحدة تقرا موضوعي الدعاء لي بالتوفيق في دراستي وزواجي
ثاانيا: قال رسول الله (صلى الله عليه وسلم) : لا تحلفوا إلا بالله ومن حلف بالله فليصدق ، ومن حلف له بالله فليرض ومن حلف له بالله فلم يرض فليس من الله عز وجل

والله ثم والله ثم والله اني صادقه بكل كلمه بكتبها
انا واعوذ بالله من كلمه انا ترددت اني اكتب الموضوع (نذاله ) بس مايغلى عليكم
القصه ياطويلات العمر انه كان فيني حب شباب
من النوع المتوسط ماكان لا اسود ولا كان فيه صديد ولا كان مسوي لي حفر
وكان موجود في خدودي فقط من وانا بالثانوي كان ملازمني احيانا يروح واحيانا لا
اختي قالت لي ترى فيه خبير اعشاب مرررة يمدحونه عنده كريمات لحب الشباب مرررة زينه وش رايك تجربين قلت يالله دامه طبيعي قدااااام
وفعلا كنت اتابع له برنامج كان يجيبونه بالصبح واغلب المتصلين من السعوديه ويدقون
عشان يشكرووونه قلت مايبي لها كلام يالله خلنا نجرب
وماكذبت خبر رحت انا واختي لسوق التعمير بالرياض وشرينا كورس علاج حب الشباب
وهذي صورته


وزي ماتشوفون يتكون من 4 اشياء سعره بـــ290 ريال سعودي
صابون طبيعي من الحبه السوده
كريم اليل
كريم النهار
وماسك عباره عن طين
========
الصابون كل ماخشيتو الحمام وانتو بكرامه
اغسلي وجهك فيه مرررررة يرطب ولا يسبب جفاف
كريم اليل استعملوه باليل نامو فيه
كريم النهار استعلموه بالنهاار مثلا بعد ترجعون من الجامعه
اما الماسك مرتين بالاسبوع كنت استعلمه الاثنين والخميس
=========
ويابناااات بالبدايه بيحرررقك كل ماحطيتي كريم اليل
وبيتقشر وجهك وبيحمر بالاسبوعين الاولين
وتمام الشهر تلالالالالالالالالالاقين وجهك صااااااااافي وررررررررطب ويلق من البياض
تحسين الوصصصخ نزززززززل صااار صاااافي
حتى ورب البيت يوم شافوني صديقاتي قااالو: حلوّيتي وش سويتي
========
يابنات اذا استعملو الاشياء 4 مثلي الي بيخلص الاول كريم اليل والنهار
كان ودي اشتريهم بدري بس بعد اسبوعين ولظروف طارئه شريتهم بس ماطلعت الحبوب بهالمده يعني العلاج فعااال ولله الحمد
عشااان كذاا رحت اشتريتهم مرة ثانيه وسعرهم 170 ريال سعودي
وهذاهم مع فاتورتهم وكيسهم







المهم اي بنت تعاني من حب الشباب او اثار حب الشباب تستعمله ترى مررررة رهيب
وكمااان كنت امسح باقي الكريمات في يدي وخف السواد الي بالمفاصل
ومرة وحدة دقت على الخبير قالت عندي سواد بالابط قال استعملي كريم اليل
لانه يعالج السواد
فنصيييييييييييحه جربووووووووه وراح يفيدكم زي مافادني

اي سؤال انا بالخدمه واسفه اذا الصور مو واضحه لانه كاميرة جوال
ومشكووررررررررررين :)