اروح الموعد والا اريح راسي

اه يابنات اكتب لكم وانا دمعتي على خدي هل العيب فيني والا في زوجي ريحوني الله يجزاكم الجنه انا يابنات حاطه مواعيدي في مستشفى الحبيب عند دكتوره نوال لان البنات كثير يمدوحونها بس المشكله ان زوجي ماعجبته المستشفى يقول زحمه وانا الحين في الشهر السابع لازم مايوديني والا يجيبني من هناك الا بهوشه ويقولي هذا المستشفى الخايس اللي جبتينا فيه لو انك في التخصصي كان احسن لاني عندي تامين في الثنتين بس حتى التخصصي احس انه زحمه في المواعيد صرت اذا رحت الموعد اقوله روح واذا خلصت دقيت عليك بس هو يقول مايمديني اروح واجي المكان بعيد وطول فترة انتظاري في الاستراحه يدق علي هاه خلصتي يجنني ولازم نرجع بهوشه حتى الدكتوره ادخل عندها مستعجله واطلع مستعجله ابي اخلص وبس مع اني يابنات اللي قاهرني اني تعبانه واحاول اني مااقصر معاه في شي ملابسه اغسلها واكويها اول باول اقوم مع عيالي الصباح واجهزهم وارجع اصحيه واجهز ملابسه واغراضه وفطوره للدوام حتى لو تعبانه ومايجي من الدوام الا وانا منظفه البيت وعيالي ثلاثه كلهم ابتدائي انا اذاكرلهم لانه اغلب الايام يجي من الدوام المغرب ولا حابه اضغط عليه بس الشي الوحيد اللي احس اني مقصره فيه ان وجبة الغداء اطبخ مرتين في الاسبوع لانه يتغدى في العمل او يجيب من المطعم احس اني ارهق نفسي عشانه بس مو حاس فيني يقول لانتي اول وحده ولا اخر وحده تحمل والمشكله انه رافض يجيب شغاله مع انه امكانياته الماديه ممتازه انا راضيه بس ابغاه يحسن معاملته معاي ادعولي اني اروح الموعد واجي اليوم من غير هوشه الله يسعدكم:(